معلش هذه فترة ويمر بها الجميع، وأنا منهم وأقول هذا الكلام لي أولا ثم اعتبره كنصيحة لك..
أولا ان تصحى باكرا، رح يكون في البداية صعب، لكن مع الوقت رح تتعود على هذا الشيء، رح تقلي ما عندي شي اعمله الصبح! اصحى واعمل شيء تحبه مثلا دلل نفسك بفطور طيب او اعمل رياضة او حتى ساعد اهلك في البيت..
وثانيا في الليل قبل ما تنام اكتب قائمة - سواء في ايدك على ورقة او على الموبايل- باشياء تود انك تعملها خلال اليوم التالي، حتى لو كانت اشياء بسيطه مثل سقاية ورد او قراءة شيء لمدة عشر دقايق معلش، وكل ما تنجز مهمة اشطبها عليها هيك مثلا رح تشعر بالإنجاز
ورح يكون شي منيح لو تبدأ تاخد الموضوع بجدية اكبر لو كنت تتعلم لغة ثانيه على طليق..
ومع الوقت وروتين النشاط من الصبح ولما تشوف حالك تنجز شغلات بسيطة رح تتغير نظرتك لنفسك وتبطل اكتئاب ان شاء الله