يسعد مساكم جميعا ايها الطلقاء كيفكم اشتقت لكم جميعا
و سعيدة بهاد التجمع الحلو و البسيط و يا رب نشوف باقي الاصحاب قريبا
نبلش بقا في الموضوع
انا بلشت معاناة اللغة الانجليزية معي من الصف الخامس قبل صف الخامس بعد ما انصدمت من الانجليزي الى شفته و اني ما فاهمة ولا شي و لاحرف ولا قواعد ولا شي حرفيا هاد ضائقتي لانو اصلا انا بحب الانجلش بس بعد كدا انا كرهته بسبب المواقف المحرجة الى حصلت معي و استهزاء الطالبات فيا و عدم دعم معلمات لي و حرفيا كرهت الانجلش و صارت عندي عقدة منه
لغابة الصف ثامن تقريبا لغاية ما قررت اني لازم اشيل هاي العقدة الي دمرت مستواي و منعتني اعمل شي الى بحبه
فقررت احفط الكلمات بالداية كل مووضوع احفط كلماته مثلا الفواكه احفط اسماء الفواكه الخضار الاثاث و هكذا رغم انو ما كان بيجب نتيجة و تضايقت و كنت حاسة بتشتت كبير و تركت و قلت لازم شوف حل تاني واجى صف تاسع الى من هنا تغير كل شي بسبب معلمتي اللغة الانجليزية الى عمري ما راح انسى الى عملته معي والله من دعم و تحفيز و مواقف اكتر من رائعة و اول سنة كنت اجيب معدل عالي جدا في انجلش بسببها بعد الله عز وجل
من بعدها بلشت ابحث و ادور على طرق تساعدني في تعلم اللغة و كتبت بحرف على جوجل
كيف يمكن تعلم اللغة الانجليزية بسهولة اول فيديو طلع لي كان فيديو مستر ابراهيم ( 12 طريقة لتعلم اللغة الانجليزية ) قناة ذا اميركان ببداية ما كنت واثقة كتير ب مستر لانو شفت كتير ناس ناصبين و ما بيعرفوا شي بس بياخدوا فلوس و بس لكن مع تعمقي مع مستر ابراهيم لقيت انو فعلا مختلف
بلشت معه و لكن اجت فترة تقريبا سنة و تركت اللغة لانو وقتها ما كان معي اي جهاز لوحي او جوال بس كنت بشوف من جوال ماما و ماما رفضت اخذته عشان محتاجه
مهم الحمد الله توفر معي جهازي اللوحي ( الايباد ) كنت فراحة بعد سنة من التوقف اول شي عملته انو نزلت تطبيق ذا اميركان و بلشت دارسة شوي بعدها كسل اخدني و الدارسة كمان اخدتني عن تعلم
ولكن رجعت بس مع طليق لانو كان بلش و بلشت مع طليق و تركت لانو اجى ( توجيهي ) و رجعت تاني و بعد فترة قررت تحويل تاني الى ذا اميركان
و بلشت تاني مع ذا اميركان سنة هاي انا لسا في مستوى الاول في بدايته و لكن راح استمر اكتر في تعلم ان شاء الله
لحبي اللغة الانجليزية و لاهميتها في تخصصي الجامعي و الى جاي ان شاء الله
هدفي
اني اتقن اللغة الانجليزية الى كانت عقدة بنسبة لي لمدة كبيرة من زمن
اني اتعلم اللغات لسفر و التعرف على الشعوب و الثقافات و اكتساب معارف جديدة و قيمة
و بس كدا هاي كانت قصتي مع اللغة الانجليزية
اتمنى لكم توفيق جميعا و اسفة على اطالة
Shahd