السلام عليكم
ان شاء الله في حل بس أحب أوضح نقطة وأعتقد ان حضرتك علي علم بها وهي ان سواء كان الصيني او الانجليزي هو مش بيتكلم بالسرعة الخيالية اللي تخلينا مانفهمش كلامهم ببساطة جدا هما بيتكلموا زي ماحنا بنتكلم اللغة العربية
انا بفضل الله أجيد اللغة العبرية الاول لما كنت بفتح ع الاذاعة العبرية عشان اسمع كنت بحس باليأس واني عمري ماهعرف اتكلم عبري كويس لحد ما ابتديت افهم طريقة عمل العقل البشري
حضرتك قبل ميعاد النوم بحوالي نص ساعة شغلي الاذاعة الانجليزية او الصينية او اي كانت اللغة ايه مش هتفرق , أكيد هتسألي طب منا كده كده هبقي نايمة ايه اللي هستفاد منه ؟
العقل الواعي هو اللي نايم لكن العقل اللاواعي هو اللي بيفضل شغال ومابينمش ابدا وهيفضل يستقبل كل المعلومات اللي بتسمعها الاذن ويكررها لحد ما تصحي تاني يوم
انا جربت الموضوع ده في العبري وبفضل الله بقيت بحس انهم بيتكلموا عادي جدا من بعد 3 اسابيع بس ومش بس كده حاليا بقيت اقدر اعمل حاجة وفي نفس الوقت فاتح الاذاعة العبرية عادي جدا ومركز معاهم وفي الحاجة التانية اللي بعملها
اتمني تكون اجابتي مفيدة لحضرتك واسف ع الاطالة