First time here? Checkout the FAQ!
x

الملاحظات

القهوة... بين الأبيض و الأسود

في تصنيف اسئله عامه
بواسطة طالب مبتدئ (184 نقاط)  
+9 تصويتات
565 مشاهدات

القهوة

مشروب بنشربه يوميا و بنحبه كلنا و أنا منكم 

ليه فوائد عظيمة... و ليه أضرار بليغة

(نصيحة: لو القهوة دي قريبتك متكملش البوست (^‿^) )

تعالوا نشوف الموضوع دا مع بعض 

القهوة منشط للمخ، تزيد التركيز، بتقلل التفكير المشوش 

مضاد أكسدة رهيب لجسمك 

و هي كدا كدا دراعك اليمين و انت بتذاكر أو بتشتغل 

ولكن 

ليها أضرار عميقة في الجسم ومنها:

في حاجة أسمها Adenosine في جسمك... بيعمل ايه؟ دا هو السائل اللي بيفرزه الجسم على مستقبلات معينة في المخ علشان يقوله: خلاص كدا أنا تعبت 

لما بتشرب قهوة (كلنا طبعا عارفين إن القهوة فيها كافيين) بييجي الكافيين يسد المستقبلات دي 

وبالتالي متحسش انك تعبان من الشغل أو المذاكرة ودا ممكن يكون لأول وهلة يبان حلو... ولكن التعب دا نعمة من عند ربنا علشان نعطي الجسم الراحة اللي محتاجها، دلوقتي الجسم محتاج ياخد قسط من الراحة و لكنه مش عارف انه عايز قسط من الراحة، فبيكمل شغل و لكن بتظهر أعراض على المدى الطويل زي وجع الظهر و المفاصل -مهو انت يا باشا ماديتوش الراحة اللي هو محتاجها-     واحد

احنا قلنا ان الكافيين بيسد المستقبلات الخاصة بالأدينوزين... فبيكتشف الجسم انك شليت المستقبلات دي (من ذكاء الجسم) فبيصنع مستقبلات جديدة أكتر... فدلوقتي بدل الكوباية اتنين و تلاتة و أربعة في نفس اليوم علشان تحصل على نفس التأثير (أول خطوات الإدمان)    إتنين 

حضرتك طول الليل بتبقا نايم... بتتنفس

لما تيجي تصحى الصبح الجسم بيفرز كورتيزول (علشان يدي زوبة زقة) اللي بيستهلك مياه من جسمك وبالتالي بتحتاج تشرب مياه تعويضا عن المياه المفقودة دي 

فبدل ما بتشرب مياه بتشرب قهوة... و القهوة بتعمل ايه؟ بتزود الكورتيزول اللي في الجسم وبالتالي بتقل نسبة المياه في جسمك بشكل كبير ــــــــــــــ تلاتة

حضرتك مش ملاحظ انك كل يوم بتشرب قهوة ولو فات يوم من غير قهوة بيبقى يوم صعب جدا وشاق و مبتعرفش تركز؟ 

مش ملاحظ ان معظم الناس بيشربوا قهوة بداية من 18 سنة أو أقل لحد بعد الـ60 يوميا و بدون انقطاع؟ مش دي حاجة المفروض تثير تساؤلاتك و فضولك؟

مش ملاحظ ان أول يومين في رمضان بيبقوا أصعب يومين لأي حد بيشرب قهوة؟

دا معناه ان دا ادمان... في شيء ما بيتحكم فيك 

أربعة

كل دا بيقودنا الى استنتاج واحد بس... اننا لازم نمتنع عن القهوة 

طبعا مش بالكلية، القهوة ليها فوائد برضو ولكن مش كل يوم يعني كل فين و فين لما تروق على دماغك كدا بكباية 

و كل فين و فين دا يعني شهرين مثلا 

أنا كدا خلصت كلامي 

بس عندي سؤال.... هل في حاجة بتاكلها أو بتشربها يوميا و متعرفش تستغنى عنها 

هشوف اجابتكم في التعليقات 

و آسف طبعا على الإطالة 

دا في كلام كتير مقولتهوش لسه عايز أقوله 

سلام

من فضلك سجل دخولك أو قم بتسجيل حساب للإجابة على هذا السؤال

9 إجابة

بواسطة طالب مبتدئ (297 نقاط)  
+4 تصويتات

والله معلومات تكتب بمياه ذهب ماشاء اللهyesyesyes بتوفيق ياباشا

بواسطة طالب مبتدئ (184 نقاط)  
ألف شكرا يا معلم ومنتحرمش
بواسطة طالب عالمي (8.7ألف نقاط)  
+2 تصويتات

صباح القهوة والروقان 

اولا انا مش منكم يا بني البشر لاني ما بحب القهوة ولا بطيق رحتها 

ثانيا لو بدنا نجي نقارن الاجابيات بالسلبيات راح نلتقي السلبيات اكتر لهيك نبعد عن القهوة ونقفل منها 

ثالثا معلومات رررروعة انا ما كنت اعرف معظمها احسنت احسنت حقا ويعطيك الف عافية منشور حلو وطرح اكثر من رائع 

رابعا انا ما بقدر استغنى عن الحليب يومي فعلا ما بيمكن يمشي من غير الحليب وكمان شوكولا او ايدي في حلوووو لكن بحاول اقلل اكل الحلويات والسكاكر وهيك شغلات crying

بواسطة طالب مبتدئ (184 نقاط)  
شكرا أختي و إنشاء الله أجتهد و أبحث عن بدائل صحية للقهوة
ودا جزء تاني قريبا انشاء الله
بالنسبة للسكر... ممكن تمنعيه بالتدريج لمدة شهرين الى أن تمنعيه من حياتك لأنه إدمان ولازم يتم التعامل معه دبلوماسياً
بواسطة طالب متميز (1.6ألف نقاط)  
+2 تصويتات
معلوماااات رائعه جزاك الله خيرا
اما عن الاكله الى مقدرش استغنى عنها مش عارفه الصراحه باكل اى حاجه ما عدا اكلات معينه بس
بواسطة طالب مبتدئ (184 نقاط)  
جزاك الله خيرا
بواسطة طالب متحمس (919 نقاط)  
+2 تصويتات
أنا بقه من شاربى مشتقات القهوه زى الكوفى ميكس والكابتشينو لاكن القهوه نفسها كده ماليش فيها اوى هههههه بحب اشمها بس هههههههه
بواسطة طالب مبتدئ (184 نقاط)  
دول قصة تانية ليهم أضرار على الرجل كتحديد
وعلى المرأة كتحديد
بالتوفيق
بواسطة طالب متحمس (919 نقاط)  
مستنيه منشور عن ده فى اقرب وقت
بواسطة طالب متميز (1.6ألف نقاط)  
+2 تصويتات

منشور جميل ، و الحمدلله انا نادرا لما بشرب قهوةenlightened 

بواسطة طالب عالمي (6.1ألف نقاط)  
+2 تصويتات
يا اخ العرب انا لا بشرب لا شاي ولا قهوة  واول يومين  برمضان انهيهم بفضل الله مابعرف كيف هههههههه

مش كل الدراسات صحيحة  يكفي  انت تضع اسم هرمون غريب مع طرح كيميائي وعندها يمكنك القول  ان تناول البيض صباحا قاتل هههههههه وقد رايت مثل هذه الدراسة  وقام دكتور بدحضها

خذها قاعدة  المضر ماحرمه الله

والطعام الصحي قوت البلد لتعود اجيال عليه

واعتذر ... لكن مجرد طرح اراء
بواسطة طالب مبتدئ (184 نقاط)  
مع احترامي لحضرتك تماما
البرسيم لم يتم تحريمه في القرآن ولا في السنة
تقدر تقول انه مش مضر؟
بكرر... بكنّ لحضرتك كل الإحترام
بواسطة طالب عالمي (6.1ألف نقاط)  
نعم نستطيع القول انه غير مضر  هل رايت بقرة ضرها برسيم
قال (كلوا من الطيبات)  لم يخلق كل شيء لنا
اخي يفضل ان ننهي التعليق هنا ههههههه
بواسطة طالب مبتدئ (184 نقاط)  
مش معنى انه مش مضر للبقر يبقى بنفس الكيفية مش مضر للإنسان
يعني ينفع تقارن الإنسان بالبقر؟
ولا كأنك بتقارن بين القطر و النخلة
دا حاجة و دا حاجة
و بعدين مثلا يعني العجل الصغير (صفير البقرة) لو شرب لبن البشر أكثر من مرة يموت تماما
بالتوفيق
بواسطة طالب عالمي (8.9ألف نقاط)  
+2 تصويتات

للأسف 

      اعشقها حتى الثمالة

بواسطة طالب عالمي (6.1ألف نقاط)  
وانا اخي بيسكر بالشاي  واقول ليش انت عزيز هههههههه
بواسطة طالب عالمي (8.9ألف نقاط)  
ايه يقول الأول
لولاك ياسكر ماشربناك يا شاهي
هههههههههههههههههههههه
بواسطة طالب عالمي (6.1ألف نقاط)  
اي والله هههههههههههههههههههه
بواسطة طالب مبتدئ (184 نقاط)  
ممكن تجرب تبعد عنها بالتدريج مع البدائل الصحية حتى تستطيع منعها تماما
بواسطة طالب محترف (2.6ألف نقاط)  
+1 تصويت
السلام عليكم ورحمة

جزاك الله خيرا

كان في الشكولاته والايس كريم لكن ابي قال انه مضرر ومنعنا من اكله يوميا ، لكن اخي حين يخرج نطلب منه هههه

القهوة احبه لكن امي لا تسمح بشربه تقول مضررر لذا لا اشربه .

حفظ الله لي ابي وامي♡♡♡

شكرا على المعلومات الرائعه .

بالتوفيق دمت بخير
بواسطة طالب مبتدئ (184 نقاط)  
هي القهوة ليها فوايد برضو مش مضرة بالكلية
ولكن تشربها كل شهرين مثلا كحد أدنى
بواسطة طالب محترف (2.6ألف نقاط)  
ايوة احنا لو ماما سابتنا بنشربها كتير ههههه
بنطنش الأضرار ونقول فوايد ونشرب عشان كده هههه
نفس كلام امي ههه
جزاك الله خيرا
بواسطة طالب عالمي (7.6ألف نقاط)  
+1 تصويت
موب من محبينها الحمدلله يعطيك العافيه وبارك الله بجهودك
134 Online Users
0 Guest 134 Member
Today Visits : 38704
Yesterday Visits : 56116
Total Visits : 44208851

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...