مرحبا يوسف .. سؤالك شدني جدا بصراحة ..
بص هو انا هقولك الكلام من وجهك نظري انا 15 سنه اه بس بفهم بردو يعني :) ..
شوف يوسف اولا . الانسان الناجح ابدااا مش بيتقم بفلوسه بالعكس انت لو بصيت علي الناس الغنيه هتلاقي اغلبهم فاشلين في حياتهم الا من رحم ربي طبعا بص علي اليوتيوبرز والفلوس والحياه اللي عايشناه هي جميله اه . بس ممكن يكون معندهم العلم ولا النجاح الي عند شخص فقير او حالته الماديه مش كويسه قوي .. دايما محتواهم تافه وملوش اي لازمه وهما ناس اصلا فاشله بس معاهم فلوس هل دا يسمي نجاح ؟ لا طبعاااااا .. وحتي لما تتفرج علي مسلسل ولا فيلم ولا اي حاجة من دي دايما بيطلعلك الغني فاااشل لانو شايف انو خلاص بقت الدنيا ملك ايده ومش محتاج حاجة تاني .. والفقير هو اللي اشتغل علي نفسه وتعب لحد ما كون نفسه بنفسه هل برأيك من الناجح فيهم ؟
الناس ربطت الفلوس بالنجاح يعني لما يلاقوا واحد غني يبقي دا شخص ناجح وجميل وكل الناس بتتهافت عليه اما لو فقير بس شااطر وناجح بجد في مجاله هيفضل بردو في نظر الناس فاشل لانو فقير بس دي مشكلتهم هما مش مشكله الشخص دا الناس بقت مريضة بالفلوس ان دي هي اهم حاجة واكبر مثال علي دا مستر ابراهيم المستر حكي بلسانه حياته كانت عامله ازاي هو مش طالع من عيله A-class بالعكس وشوف دلوقتي نجاحة عامل ازاي ربنا يباارك فيه ..
اما السؤال التاني .: بص البيئه والظروف بتأثر وبتأثر كتير لكن مش هي الاساس ابداااااا يعني المثال اللي انت قولته علي فكره ممكن واحد يطلع من اسره متدينه وكويسه جداا ويطلع هو شخص سئ جدا والعكس طبعااا ( زي سيدنا نوح وابنه بظبط )
الشخص الناجح بجد يا يوسف هو اللي طلع من اسره تعبانه فقيره (ايا كان سبب عدم اهتمهم بالدين والحاجات دي اي ) هو اللي تعب علي نفسه واشتغل عليها وطور نفسه بنفسه .. الفاشل اللي يلوم الظروف ويقول اصلي طلعت من اسره فاشله ومش بتفهم حاجة دا فعلا الفاااشل بجد !
اما الناجح مش هيوقف حياته علشان اسرته كدا لا دا هيطور وهينمي من نفسه بنفسه وميزعلش ابداا علي العمر اللي عدي يقول الحمدلله ويبدأ من اللحظة اللي هو فيها .. احسن بكتيييير صدقني من شخص طلع لقي نفسه كدا والله .. تخيل ثوابه عند ربنا هيبقي عامل ازاي ؟
شخص تعب علي نفسه لحد ما بقي احسن حاجة مثلا وشخص تاني هو طلع لقي اهله وعيلته كلها كدا يبقي مين احسن في رأيك ؟؟
سووووووري انا طولت اووي بس الموضوع فعلا عجبني واديتك كل اللي اعرفه
اتمني اكون افدتك ولو بجزء بسيط :)