كنت ماشية بحارتنا بسوريا ودخلت على مفرق ابو فتحي السمان . لقيت حالي بلوس انجلس ودخلت على حفلة وكان في ميكي ماوس عم يضيف عصير مخلل
لحظة لحظة انا ماني مجنونة بس هاد حلم حلمتو واكيد كلنا شفنا منام بيشبهو من ناحية اللخبطة
هاي الظاهرة تسمى اضغاث احلام
واليوم رح اشرح ليش بتصير هالظاهرة بشكل مبسط ومختصر لحتى نفهم هالظاهرة تخيل معي انو موجود ٣ عناصر :
العقل الوعي يلي هوي عقلك الطبيعي يلي بتستعملو بشكل يومي .
العقل اللاوعي هو العقل الباطن يلي بيحتوي على جميع رغباتك وافكارك لكن بشكل مؤقت جدا جدا جدا.
الحد الفاصل بين العقلين او بمعنى اخر الرقيب مهمتو انو يقنع اي رغبة او فكرة موجودة بعقلك الباطن ان كان عقلك الوعي شايفها غلط يعني مالازم تظهر للناس .
المهم
صار عنا /عقل وعي / عقل الباطن / الرقيب /
لما بتنام انت تقريبا بنام معك عقلك الوعي وبحط حارس ويلي هوي الرقيب بس في حال الرقيب تعب تعب شديد كمان بنام وبهالحالة غاب القط العب يا فار
هون بيحاول عقلك الباطن يفك شيفرة افكارك .
فبيطلع الناتج احلام داخلة ببعضها ومو مفهومة بما انو عقلك الوعي نايم هالافكار مابتلاقي مين ينظمها ولا يرتبها فبتشوفها بهالشكل العشوائي الغير مفهوم.
لنعتبر انك فايق وعلى سبيل المثال عم تحل مسألة رياضيات وفجأه فكرت بطريقة صنع القلم يلي عم تكتب فيه فهون مخك بقلك:
انااا مافيي فكر بشغلي سوااااااا(طبعا بصوت غاضب)يا اما خليني حل مسألة الرياضيات يا اما خليني فكر شلون صنعو هالقلم
بالمنام مافي شرطي مرةر ينظم افكارك لهيك افكارك كلها بتدخل ببعضها يعني مثلا:
حلمت انك عم تلعب طابة وفجأه خطر ببالك البحر وترا ترا بعد شوي بتلاقي حالك بالبحر عم تلعب طابة
وبس هيك بكون شرحت النظريات يلي بتشرح هالظاهرة بعتزر عالتطويل ودمتم برعاية الله وحفظه والسلام عليكم ورحمة الله وبركاته