طيب خلينا نلعب لعبة 
خليني قلك اسم مدينة وانت قول شو بيخطر عبالك
PARIS: برج ايفل صح
NEWYORK:تمثال الحرية صح
طيب ازا قلتلك حلب اممم؟!
غالبا خطر ببالك هالشغلات
قلعة حلب ازا كنت مثقف
الكبب ازا بتحب كرشتك
واللهجة الحلبية الشهيرة
طيب تعالو نشرح اللهجة الحلبية
الاحرف :
بحلب يتم لفظ كل الحروف العربية مع تخفيف هالاربع احرف :
الثاء بيتخفف لتاء متل:
ثرية =ترية
والذال تنقلب للزال متل:
ذئب=زئب
والقاف بنتقلب لألف متل:
قلم=ئلم
اما ال(ظ) فتحولي ل(ز) تقيلة متل:
ظرف=ززززرف بس الفظوا حرف ال(ز) تقيلة
حرف السين بينقلب معضم الاحيان لشين متل:
اتسطح=اتشطح
وبيقلو انها من آثار اللغة الآرامية
الافكار الخاطئة عن اللهجة الحلبية :
انو اي حرف (ل) بيتفخم واكتر وقت بنتقل فيها ال(ل) وقت نقول هلأ يلي بتعني (في هذا الوقت)
وفي ناس بتحاول تحكي حلبي وتجيب العيدمتل:
اللفظ الصحيح |شباك |اشبك |
االلفظ الخاطئ| تشباك | اتشبك |
وهيك يعني
لانو فقط الكلمات المشتقة من اللغة التركية هي فقط يلي بنلفظ فيها حرف الشين CH
مثلا:
çay
Çanak
peçe
احرف العلة :
احرف العلة هني نفسن احرف العلة بالعربية الفصحى
ااااا مع اختلاف بسيط
ا و ي
الا مع حرف الألف بتم تمديدها اكتر .
اضافة انو بتم قلب مد الاف بكتير كلمات لحرف ال ايييييي
مثلا:
تمانة = تمينة.
كتاب = كتيب
مبارح = مبيرحة
وسبب تحويل ال اااااا ل اييييي
انتقلت للبنان بسبب هجران الحلبيين على لبنان ولهيك في تشابه بين اللهجتين
مع الزمن بلش يخف استخدام ال اييييي
مثلا:
حارس = حارس
كتيب = كتاب
ملاحظة هاااااااامة :
الف جمع المؤنث السلام بتضل متل ماهي متل:
مدرسة = مدارس
رفقة = رفقات
وهيك
الافعال :
مابعرف اي جد من جدادنة كان كتير كسول لدرجة انو اختصر المضارع بأضافة حرفين الي هني عب
متل:
عبدرس
عبلعب
عبشرب
وبين هي نفسها باللهجة الشامية لما يقولو مثلا عم العب بس نحن شفنا حرف الميم مالو لزوم وحزفناه
مثل لكلمة تركية عربية :
Çömçe :ملعقة سكب الشوربة
وبس هاد كان كلشي بظن رح تكرهو حلب من وراي دمتم سالمين 
