لو عايز تشوف منشور بداية الرحلة اضغط هنااااا
يالا بينا نكمل رحلتنا بعد ما مونا 1200 حرف تانى ههههه وهانروح على
هونج كونج
بما اننا يا سولي فى جولة سياحية فمش هانتكلم عن نظام هونج كونج وهل هى تابعة للصين او لاء احنا هانتكلم عن المعالم فقط واول مكان هنزوره يا شهاب هو متحف العلوم H0ng Kong Science museum
هنا بقى هانقدر نشوف مجسمات لحيوانات قديمة ونستمتع بالريبوتات ومجسمات لكافة العلوم وزي الصورة كده ده مجسم لسفينة
.يالا بينا بقى نروح على حديقة نلعب شوية ونرتاح ونتغدى اختارتلكم حديقة المحيط Ocean Park الله شايفين شكلها حلو قوووى من فوق ازاى حاااضر يا اسراء انت وشهود ورنا هركبكوا قطر الموت هههه
الحديقة دى واحدة من اهم معالم هونج كونج تعالوا نقعد شوية ونتفرج على عروض الدولفين اللى بيدربهم افضل مدربين وكمان نشوف حيوان الباندا قبل ما ينقرض شايفين شكلهم حلوو قوى صح يا اميرة ؟
يالا بينا نتجنن بقى ونركب قطر الموت والحلقة الدوارة وسباق السيارات وبعدين هاخدكم فى رحلة بالتليفريك عشان نشوف حديقة المحيط من فوق ونلفها كلها ونتفرج على الجبال وجمالها وهى متغطية باللون الاخضر
يالا بينا نركب التليفريك اااوبااااا متخيل المنظر يا مان
كوانزو
تعتبر ثالث اهم مدينة في الصين وبتضم جزيرة شاميان ودى جزيرة تكونت من رواسب نهر اللؤلؤ وكمان فى هنا حديقة باراديس تشايم لونج ودى تم افتتاحها 2006 وبتضم اكبر ملاهى والعاب مائية وعروض للاطفال وفى كمان مسجد هوايشينغ وهو اقدم مسجد بالصين ويعود بنائه الى عام 627م ولكن باعتذرلكم مش هانلحق نلف المدينة لكن هانشوف اهم معلم سياحى فيها وهو برج كانتون وهو اطول ابراج الصين تم افتتاحة عام 2010 وبيضم مجموعة من الاسواق وبيستخدم فى البث الفضائى الاذاعى والتليفزيونى هاسيبكم تتسوقوا بس يا نوف انت وسمر وبراء و رومانتيك نخلص بسرعة الليل ليل مش عايزين نتاخر واكرم ومحمود يزعقولنا زي كل مرة وكمان لسه هانروح اخر مدينة.
شيان
تعتبر من السبع عواصم القديمة للصين ورغم انها بتبعد عن بكين حوالى 1000كم الا اننا هايفوتنا كتير لو مروحناش واهم معالم شيان جيش الطين ايه ؟ طبعا انتوا مستغربين بس دى الحقيقة جيش التيراكوتا او مقبرة الجنود وهى بتضم جيش كامل من الطين والصلصال ايه بقى قصة المقبرة دى كان ياما كان فى عام 246 قبل الميلاد أمر امبراطور الصين الاول تشين شى هوانغ ببناء جيش عظيم من الطين يحاكى جيشه الاصلى ويحمل نفس تفاصيلهم وملامحهم حتى يرافقه هذا الجيش فى رحلته الابدية والذى تألف من سبعة الاف مقاتل وفارس بكامل عتادهم الحربي ترافقهم الاحصنة والعربات
اليوم عدى بسرعة معاكم وكنت مبسوطة قوى عشان انا بافرح وانا معاكم وباتمنى الرحلة تكون عجبتكم واللى مجاش معانا المرة دى يجي معانا المرة الجاية وقبل ما ننهى رحلتنا احب اشكر ا ابراهيم وبادعيله بالصحة والسعادة
حمدلله على سلامتكم
ودمتم سالمين .... بحبكم جداااااا
