السلام عليكم ورحمة الله وبركاته ...
في هذا المنشور راح أشارك بطرق للتخلص من الطاقة السلبية واستعادة الطاقة والنشاط من بعد الضغوطات هذا الكلام كنت كاتبته قبل لأحد الأخوات وبقيت انشره عشان تعم الفائدة إن شاء الله يكون خلال هالكلام شي يفيدكم ويساعدكم بطريقة ما ...خلونا نبدأ بسم الله
السبب الرئيسي للضغط " ضغط عمل- دراسة- مواقع تواصل - الظروف الحالية - ظروف الانسان "
الحل هو
عطلة مو بس أوقف وأخذ عطلة لا ... أقول أنا اشتغلت ودرست واجتهدت وسويت الي علي فألحين أنا أستحق العطلة ( جائزة أنتوا تستحقونها )
وين مختفية يا فلانه / فلان ليش ما تتفاعلون ليش مختفين.. جوابكم أنا بعطلة تمام شلون هالعطلة تكون
راح أقولكم انا شنو أسوي إذا تقدرون كلهم أو الي محتاجينه
* حددوا وقت يعني كم يوم... ما يقلون عن 5 أيام تمام (أيام للعطلة ) للتخلص من كل الضغوط ومن ضغط الانترنت والشغل لأنه راح تمرون بمراحل بعدين أكلمكم عنها إن شاء الله
* وقفوا الانترنت بهذه الفترة تماما تماما وما راح تنقلب الدنيا صدقوني
* عندي ركنين أساسين هم التنظيف والطبخ
--- بالنسبة للتنظيف " نظفوا البيت - دولاب الملابس مالكم أو مال أي أحد من أهلكم عطروا الملابس رتبوا كتبكم _ طلعوا كل الأشياء الي ما تحتاجونهم نظفوا البيت يعني حملة تنظيف تمام "
في تنظيف النوع الثاني " ذاكرة تليفونكم أمسحوا إلي ما تبونه - الابتوب - وأي جهاز أنتوا تستخدمونه"
وبعد تنظيف مخكم من كل الأفكار السلبية مخاوفكم يا أما عن طريق الكتابة أو تسولفون لأحد من أهلكم فقط
وشوفوا شنو محتاج يتنظف بحياتكم حتى العلاقات السامة سووا تنظيف شامل
**************************
ألحين الطبخ " ما أدري إذا تعرفون تطبخون أو لا " بس في حال تطبخون جربوا وصفات جديدة بالمتاح والمتوفر بالبيت وضمن الميزانية ...او سووا أي وجبة ...
وإذا ما تعرفون أبدوا تعلموا سلطة شوربة حلويات كيك إلي تقدرون عليه حتى لو بسيط بس لا تنسون تصورونه عشان تحتفظون بالذكرى لهذا الوقت
مهما كانت ميزانيتكم تقدرون تبدعون وبالنسبة لي "البنت لازم تتعلم الطبخ ترا هالمجال وااايد حلو وتكفي فرحة أهلكم لما تعجبهم أكله أو طبخة انتوا مسوينها "
************************
الأعمال المتراكمة
شنو مأجلينة صارلة أشهر جربوا هواية جديدة ...كتاب جديد إلي بخاطركم
***********************
أخيرا وليس أخرا مظهرنا يأثر علينا واااااااايد حتى من غير لا نحس جربوا يوم تكشخون لنفسكم "للبنات سوي تسريحة او أي شي بشعرج ما سويته من قبل النت ممتلأ حطي عطري ولبسي لبس كأنه في ضيف راح يجي بس محد راح يجي هذا لنفسج " اهتموا بنفسكم لنفسكم
اتمنى أكون أفدتكم بطريقة ما وإذا حابين تضيفون أي شي أكيد راح أكون سعيدة بهالشي
دمتم بخير زينب ماضي