أسطورة حدائق بابل المعلقه بالعراق
بص يا سيدى حدائق بابل المعلقة هى إحدى عجائب الدنيا السبع القديمة بس هى الوحيدة اللى أسطورة يعنى احنا مش عارفين هى كانت موجودة فعلا و لا لأ تزعم أنها كانت موجودة فى مدينة بابل
راحت جات عالمة اسمها ستيفانى دالى و ركزت على مدينة نينوى (الموصل) بعد ما فكت طلاسم إحدى القرائن المعروضة فى المتحف البريطانى و هى عبارة عن لوح طينى مكتوب عليه باللغة المسمارية لو عايز تعرف يعنى ايه لغة مسمارية قولى و نعملها موضوع لوحدها المهم استنتجت الست ستيفانى أن العلماء كل السنين دى كانوا و هما بيبحثوا عن آثار الحدائق المعلقة ضلوا الطريق حيث كانوا يبحثون فى المكان الخاطئ يعنى هى شايفة أنها المفروض مش فى بابل اصلا
اكتشفت العالمة دى التشابه الكبير بين قصر الملك الآشوري سنحاريب و وصف حدائق بابل المعلقة فهى تظن أن الحدائق موجودة فى مدينة نينوى
و بعدين بص يا سيدى نسبت حدائق بابل المعلقة للملك نبوخذ نصر الثانى و ذكر أن سبب بنائها هو ارضاء زوجته ملكة بابل كسلت اكتب اسمها
التى افتقدت المعيشة فى تلال بلاد فارس و كانت تكره العيش فى أرض بابل المسطحة لذلك قرر نبوخذ نصر أن يسكنها فى مبنى فوق تل مصنوعة بأيدى الرجال و على شكل حدائق بها تراسات و قد كانت أول تجربة للزراعة العمودية فى التاريخ شوفوا الراجل عمل ايه عشان زوجته ترتاح دا انا لما بقولهم فى البيت يجيبولى ماء محدش بيعبرنى
لو عجبك الموضوع قولى فى التعليقات و عشان اتشجع (◕ᴗ◕✿)
☜)و لو بتحب المعلومات الشيقة متنساش زيارة صفحة العضو المبدع صديقنا mahamma dbtiikh (✯ᴗ✯)
و قراءة سلسلته لنفكر من جديد لو مشوفتهاش ♥️
دمتم موفقين احبتى(。•̀ᴗ-)✧ و تحياتى لاصدقائى من العراق ♥️