وعليكم السلام ورحمة الله وبركاته ...شكرا لمشاركتنا هذا المنشور وانج فضفضتي لنا وإن شاء الله تلقين الاستفادة من التعليقات
شوفي يا أختي مريت وااايد بهذه الفترة
والسبب الرئيسي لها الضغط " ضغط عمل- دراسة- مواقع تواصل - الظروف الحالية - ظروف الانسان "
الحل هو
عطلة مو بس أوقف وأخذ عطلة لا ... أقو أنا اشتغلت ودرست واجتهدت وسويت الي علي فألحين أنا أستحق العطلة
وين مختفية يا عبير ليش ما تتفاعلين وين جوابج أنا بعطلة تمام شلون هالعطلة تكون
راح أقولج انا شنو أسوي إذا تقدرين كلهم أو الي محتاجته
* حددي وقت يعني كم يوم ما يقلون عن 5 أيام تمام (أيام للعطلة )
* وقفي الانترنت بهذه الفترة تماما تماما وما راح تنقلب الدنبا صدقيني
* عندج ركنين أساسين هم التنظيف والطبخ
--- بالنسبة للتنظيف " نظفي البيت - دولاب الملابس مالج أو مال أي أحد من أهلج عطري الملابس رتبي كتبج _ طلعي كل الأشياء الي ما تحتاجينهم نظفي البيت يعني حملة تنظيف تمام "
في تنظيف النوع الثاني " ذاكرة تليفونج أمسحي إلي ما تبينه - الابتوب - وأي جهاز أنتي تستخدمينه"
وبعد تنظيف مخج من كل الأفكار السلبية مخاوفج يا أما عن طريق الكتابة أو تسولفين لأحد من أهلج فقط
وشوفي شنو محتاج يتنظف بحياتج حتى العلاقات السامة سوي تنظيف شامل
**************************
ألحين الطبخ " ما أدري إذا تعرفين تطبخين أو لا " بس في حال تطبخين جربي وصفات جديدة بالمتاح والمتوفر بالبيت وضمن الميزانية ...او سوي أي وجبة
وإذا ما تعرفين أبدي تعلمي سلطة شوربة حلويات كيك إلي تقدرين عليه حتى لو بسيط بس لا تنسين تصورينه عشان تحتفظين بالذكرى لهذا الوقت
************************
الأعمال المتراكمة
شنو مأجلتة صارلة أشهر جربي هواية جديدة ...كتاب جديد إلي بخاطرج
***********************
أخيرا وليس أخرا البنت مظهرها يأثر عليها واااااااايد حتى من غير لا تحسين جربي يوم تكشخين لنفسج وسوي تسريحة او أي شي بشعرج ما سويته من قبل النت ممتلأ حطي عطري ولبسي لبس كأنه في ضيف راح يجي بس محد راح يجي هذا لنفسج
اتمنى أكون أفدتج وطمنينا عليج