First time here? Checkout the FAQ!
x

الملاحظات

العيد بالنسبة لمغترب ⁦(ب_ب)⁩

في تصنيف اسئله عامه
بواسطة طالب محترف (3.7ألف نقاط)  
+9 تصويتات
482 مشاهدات

بتعرفوا شو يعني عيد بالنسبة لمغترب ببلاد اجنبية؟...

يعني التعب والهم..

يعني الشغل ليل نهار لاستحضار كل تفاصيل العيد وطقوسو...تفاصيل كبيرة وصغيرة..شي كنا مفكرينو عادي وبديهي..هلق صار حلم..وحلم صعب المنال.

منشتغل اضعاف مضاعفة لحتى نحس ولو كنا عم نكذب عحالنا بأنو الدنيا عيد..

منخبز معمول ..ومنشغل تكبيرات العيد من الموبايل..ومنلبس هالاتياب الجداد ومنقعد...اي وبعدين..!!!! 

ولا شي...مناكلن بغصة..ومنغرق تيابنا دموع وقهر.. اصلاً ليش عم نتعب كلهالتعب ومنركض كل هالركض مابعرف؟..

لا حدا رح يدق بابنا..ولا حدا رح يعيدنا..ولا رح يتغير شي.. بالكتير مندق تليفون ومنعايد الاهل متل كل عيد بسنين الغربة العجاف..

لا والنهفة انو لما منصدق عحالنا انا معيدين..وانو الدنيا عيد..ومنلبس هالتياب الي ركضنا ركض لنخليا جاهزة للعيد ومنطلع فين..والعالم كلا بتتطلع فينا بإستغراب..انو خير شبكن!!.. الدنيا عادية والكل رايح عشغلو..دوام ووظيفة ولا كأنو في شي..

فبيتم هالأذان عم يصدح باذنينا النا بس..وبيعنيلنا النا بس.. وبيفرحنا وبيبكينا النا بس.. 

العيد هو النقطة الي بتجر وراها فيضانات .. اليوم الاكثر وجعاً على قلب كل مغترب..اكتر يوم منغص فيو..واكتر يوم منبكي فيو.. ومنتذكر فيو الماضي..الماضي الي تركناه بالغصب..وبعدنا عنو رغم عن ارادتنا.. العيد هو الغصة..الحرقة.. هو اليوم الي بيضعفنا وبيتعبنا وبيشلّ حركتنا وبيعيق استمرارنا ..و سباحتنا الي ماعم تخلص ومارح تخلص ..وماعم نشوف بر الامان..سباحتنا المضنية بعكس التيار بهالبلاد الغريبة علينا بكلشي..

العيد هو _____ الضربة القاضية ______

ودمتم برعاية الله..❤️

من فضلك سجل دخولك أو قم بتسجيل حساب للإجابة على هذا السؤال

10 إجابة

بواسطة طالب محترف (3.3ألف نقاط)  
+6 تصويتات

اهلا بك رجاء 

سرقتي كل كلام وتعبير في قلبي 

ما من كلام ما من وصف صمت وحيرة لا متناهية 

عيدكم مبارك جميعا ودمت بالف خير :/

بواسطة طالب محترف (3.7ألف نقاط)  
ايييه :-/
علينا وعليكم يارب ودمتَ بخير
بواسطة طالب عالمي (8.9ألف نقاط)  
+3 تصويتات

إن مع العسر يسر ....

بواسطة طالب محترف (3.7ألف نقاط)  
لا اله إلا الله ✨
بواسطة طالب محترف (4.1ألف نقاط)  
+3 تصويتات

أنـا حقًا حزنت على كلامك وتأثرت جداً بهbroken heart...لأنني جربت هذا الشعـور مع الأسف العيد بالنسبـة للمغترب الضربـة القاضية..

ان شاء الله يومًـا ما يعود العيد في بلادكم وتغرسـون الياسميـن بأيديكـم

كُل عام وانتِ بخير ..وجودك معنا يكفي حتى تحسي انك مو مغتربة ..انتِ بين اهلك وناسك ❤️❤️❤️

ونحن نحبك كثيررررررر ❤️❤️❤️❤️.

بواسطة طالب محترف (3.7ألف نقاط)  
ان شاء الله يارب ❤️والله انتو مخففين عني❤️الله يخليكن ويسعدكن متل ما اسعدتوني❤️
وانا والله بحبكن ❤️
بواسطة طالب محترف (2.9ألف نقاط)  
+3 تصويتات

والله وجعتيلي قلبي بكلامك .... وهاد الحال مو بس بالدول الاجنبية... هاد الحال لكل مغترب يعني نحنا بدوله عربيه وبنعيش نفس الوضع ..... حرفيا ...... 

ولا كل كلمه قلتيها صج ميه بالميه ..... حتي التليفون صرنا ما ندقو ...... 


ان شاء الله راح ترجعي بلادك معززه مكرمه ..... وتقضي العيد وسط اهلك وناسك ..... 

وَاصْبِرْ وَمَا صَبْرُكَ إِلَّا بِاللَّهِ 


دمتِ بألف خير عزيزتي .... وعيد مبارك عليكي وعلي كل احبابك❤️

 

بواسطة طالب محترف (3.7ألف نقاط)  
جنو❤️اسعدتيني بكلامك والله❤️
أن شاء الله ياجنو والله شتقت لتراب حلب✨
ونعم بالله ❤️ودمتِ كذلك حبيبتي ❤️علينا وعليكي يارب ❤️
بواسطة طالب محترف (2.9ألف نقاط)  
الله يخليكي عزيزتي روجاا ... بإذن الرحمن راح ترجعي بلادك بألف خير ❤️❤️ الله يسعدك يارب ❤️❤️
بواسطة طالب متحمس (957 نقاط)  
+3 تصويتات
كل عام و إنت و الجميع بخير❤

ضحكتيني ع حالي و أنا مستعدة للعيد يلي لسى ما اجا هههه

إن شالله ما يتأخر هههه بكونو توسخو أواعي العيد ههههه

بواسطة طالب محترف (3.7ألف نقاط)  
وانتي بالف خير منارو❤️
هههه أن شاء الله ❤️
بواسطة طالب محترف (2.9ألف نقاط)  
+2 تصويتات
السلام عليكم ورحمه الله وبركاته

كلامك اختي رجاء يحز في النفس و يوجع القلب

لا تفكري انك المغتربة الوحيدة فالوصف الذي انهمكت في محاولة ايصاله للمتلقي ينطبق و للاسف على معظم الدول العربية حتى و ان كانت تتحجب بوشاح الامن و السلم

المهم اختي كوني متأكدة ان الله مع الصابرين و ان بعد العسر يسرا و مهما طال الظلام سيأتي النور والسرور ان شاء الله

عيدك مبارك سعيد جعله الله باب الفرج و آ خر احزانك بإذنه تعالى

تحية حب و تقدير
بواسطة طالب محترف (3.7ألف نقاط)  
وعليكم السلام ورحمة الله وبركاته ❤️
ونعم بالله اختي❤️اللهم امين علينا وعليكم بالخير واليمن والبركات يارب❤️
بواسطة طالب اسطوري (11.7ألف نقاط)  
+2 تصويتات

السلام عليكم 

تحياتنا لكل أهل سوريا , و أحر التهاني لكل الإخوة المغتربين 

بإذن الله تعود الموازين لطبيعتها , و يعود امتلاك الأرض لأصحابه 

عيد سعيد حبيبتي رجاء , لك و لكل الأهل الكرام 

رزقكم  الله سعادة دائمة  , و أمنا  , و بإذن الله لا يضيع لكم حق 

و تذكري قوله -صلى الله عليه و سلم - : اتق دعوة المظلوم فإنها ليس بينها وبين الله حجاب" 

بالتوفيق للجميع heart

بواسطة طالب محترف (3.7ألف نقاط)  
وعليكم السلام ❤️
أن شاء الله يارب❤️علينا وعليكم بالخير واليمن والبركات يارب ❤️اللهم امين واياكم ❤️عليه الصلاة والسلام ❤️
بواسطة طالب عالمي (6.1ألف نقاط)  
+2 تصويتات
اول مرة اعرف انك مغتربة بس ما تهتمي كلنا هيك البارحة الست الوالدة عملت كليچة (معمول مثل ما تسموه) وكيك والدنيا حضر لا حد دخل ولا حد خرج بس في فرق انا بالذات بلبس كجول بكل الايام حتى في العيد لا بشتري ولا بغير ههههههههه

صح انتي مغتربة وين
بواسطة طالب محترف (3.7ألف نقاط)  
الف صحة وهنا يارب... اي والله حتى عنا حظر تجوال.. كشخ ههههه
انا بلبنان
بواسطة طالب عالمي (6.1ألف نقاط)  
ان شاء الله بترجعو بارض احسن من ارضكم وبيت احسن من بيتكم وناس احسن من ناسكم
بواسطة طالب محترف (3.7ألف نقاط)  
اللهم امين شكرا كتير الك ✨
بواسطة طالب عالمي (7.7ألف نقاط)  
+2 تصويتات

قد تأثرت من هالحكي , يعني حتى بالدول العربية بتصير لا حدا بيسأل عن حدا sad

حقاً ,, الله يعين كل حدا مغترب والله ما بيترك حدا لحالو ..

وان شاء الله ترجعي لبلادك وانتي فرحانة وسعيدة والسعادة تغمر قلبك .

أتمنى لكِ كل السعادة والخير يا أحلا رجاء شفتها :)heart

كل عام وانت بألف خير وصحة ,, دمتِ بخير ❤️❤️❤️❤️.

بواسطة طالب محترف (3.7ألف نقاط)  
مريوم❤️❤️❤️أن شاء الله يارب الله يسمع منك ❤️واتمنى ذلك لكِ أيضا ❤️وانتي بالف خير يارب ❤️
بواسطة طالب عالمي (6.6ألف نقاط)  
+1 تصويت

فعلا العيد يكون للمغترب الضربة القاضية له للاسف

ان شاء الله نرجع لبلادنا ونقضي العيد وسط اهلنا 

ونزور مدينة حلب الغالية ودمشق 

عيد مبارك وكل عام وانت بخير وصحة حبيبتي رجاء❤️❤️

بواسطة طالب محترف (3.7ألف نقاط)  
ان شاء الله يارب ❤️علينا وعليكي ربى❤️
117 Online Users
0 Guest 117 Member
Today Visits : 24663
Yesterday Visits : 56116
Total Visits : 44194828

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...