السلام عليكم ورحمه الله
اليوم موضوعي طويل جدا اعتذر ع عدم اختصاري للموضوع
ولكن دائماً كنت اقرآ اسئلة من البعض الغير متابعين لثقافة شرق اسيا عن كيف تفرقون بين اشكالهم ؟ كيف تقدرون تفرقون بين كوري وصيني وياباني ؟ ماعليش من ضمن الاسئلة كيف رجالهم كأنهم بنات ؟ ومن هذي الاسئلة قررت اجاوب
كيف تفرقون بينهم ماراح اقولكم اجابه زي البعض الكوريين ملامحهم هاديه الصينيين حاده اليابانيين ملامحهم ناعمه ومن هالكلام اللي كله بلح كل مافي الامر نفرق بينهم من كثرت المشاهده وحتى بالحياة الواقعيه صرت افرق بينهم لو قابلت فلبيني او تايلندي او صيني او كوري وياباني بقدر افرق الموضوع كله لازم تتعودون ومابينهم شبه ابدا كل مافي الامر كثرت المشاهده والمتابعه لهم خلتنا نفرق حتى لو نشوف صوره هذا ياباني هذي صينيه خلاص عرفنا وبحياتهم الواقعيه نفس الشي نقدر نفرق ولكن فيه اشياء بصراحه واضحه مثلاً لو شفتو شخص قصة الشعر من عام الفين وسبعه هذا ياباني بنت لابسه تنوره قصيرة بعز البرد يابانيه شخص شعر راسه متين جدا واسود ع الاغلب صيني فونديشن قوي لونه ابيض كانه طحين ع الاغلب صينيه لو شفتو شخص سابق عصر الموضه ع الاغلب كوري ولو شفتو وحده تحاول تسوي نفسها ناعمه وكيوت ووتكلم بدلع ع الاغلب كوريه هههههه لو شفتو اشخاص حنطيين البشرة جدا ع الاغلب تايلنديين هذي حياة الشهرة نأتي الا الحياة الواقعيه ههههه بالواقع بتفرقون من كثر ماشفتو ملامحهم خشومهم عيونهم تفرق كثير بس المسألة يبيلها تتعودون ع اشكالهم ...
كيف رجالهم كانهم بنات ؟؟؟ هذا السؤال يعني مالقيتله حل ولا اجابه بس يفرق من فكر لفكر في من يضع ميك اب وفيه لا وحياة الشهره تفرق عن الواقع طبعا وفيه محلات مخصوصه لميك اب الرجال شخصيا ماعندي مشكله هذي بعض من حياة فئة من المشاهير وفكرهم هم مرتاحين عليها ولكن حبيت اوضح شغله انه الميك الرجالي مش شي جديد كان موجود بالحضارات السابقه فما ابي احد يستغرب ...
--------------
دمتم بكل خير ❤️