ممكن تسمحوا لي النهاردة إن أخرج عن قوانين الموقع وأشكر شخصين أولهم طبعا مستر إبراهيم كل الشكر له .
أما الشخص الثاني فهو أختي الكبيرة اللي أنا هنا بسببها هي اللي عملتلي الموقع من شهر تقريبا مش بس كدا وكمان على تليفونها يعني الموقعين على نفس الجهاز لدرجة إن أنا طرحت سؤال من عندها مرة. ولكن عمرها مجوبت بإسمي أبدا كانت أما تلاقي سؤال يناسبني تخليني أجاوبه غير كدا لا .
حتى انا مكنش ليا نفس أفتح الموقع نهائيا ولكن هي اللي دايما تقولي افتحيه.
بس قبل ما تعملي الموقع قالتلي لازم كل إجابة تكون من خلال فهمك ممكن نقدر نحصل على نقط وكتير أوي بس من غير إفادة لا لنا ولا لغرنا بس لازم إجاباتك تكون حصلتك في اللغة مش أكتر .
وكمان كان نفسها أعمل الموقع من زمان ولكن كانت منتظرة لما أتحسن شوية في اللغة عشان أنا يعتبر بدئه من تحت الصفر بس الحمد لله حاليا أحسن بكتير بعد فضل الله أولا والمستر وأختي ثانيا.
أنا الحمد لله النهاردة أول يوم أقدر أصوت للأعضاء وأول ما تميت ال٥٠ نقطة قالتلي صوتي لكل شخص جاوب عليك من أول ما فتحتي الموقع لدرجة إن ظهر لي رسالة مكتوب فيها إن أنا صوت كتير حاول سابقا.
بجد أختي دي شخص رائع جدا وعظيم وبالنسبة لي هي من أحسن الأشخاص في الموقع وكلنا محظوظين بوجودها هنا.
شكرا من كل قلبي يا أختي ♡♡♡