Question

هسافر ان شاء الله بعد الجامعة الى المانيا

انا في تالتة ثانوي

Answer 1

أحسن شيء البدء من الوقت الحالي لأن احيانا الانسان بيتكاسل وفي الاخر مش بيتعلم اي حاجه.

توكل علي الله ثم علي قدراتك وابدا وهتحقق هدف التعلم ان شاء الله.

And always remember this qoute" the best time to start is now 

بالتوفيق...

Comments

طب لو مبدأتش الماني الوقتي
هظبط الانجليزي عشان اللي معايا انجليزي مناهج بس فكنت هظبط انجليزي الاول بعدها الماني ولا اي رايك ؟

---

طيب انت ينفع تتعلم اللغتين مع بعض حتي لو انجليزي مناهج شاهد حلقه كيف تتعلم اكثر لغة في نفس الوقت وحلقات المذاكرة الصحيحة علي z American

---

اها شوفت الفيديو دا بس مش هينفع اتعلم اكتر من لغة كدا عشان في حاجات تانيه هعملها فهيبقي تقيل عليا كدا ... فكدا الانجليزي له الاولوية صح

---

تمام ما دام الانجليزي اهم عندك ابدأ به ولما تحس انك وصلت لمستوي كويس فيه ابدأ بالالماني ولو كنت عايز تكمل الانجليزي معاه مش مشكلة.
بالتوفيق

---

تمام شكرا ليكي
للجميع يا رب

Answer 2

زي بظبط بس انا في اولي ثانوي وناوي اسافر المانيا باذن الله وبتعلم الإنجليزي مع الالماني اتعلم الالماني من دلوقتي عشان تلحق توصل المستوي كويس قبل ما تسافر عشان اللغه عاوزه جهد وشغل علي نفسك وبعيد عن السفر الألماني في مصر مستقبله حلو اوي كفايه ال call center بيبدأ من ١٠الف ج

Comments

في الجامعة مش هبقي فاضي اتعلم الاتنين .. فالانجليزي له أولوية !

Answer 3

مش لازم تتعلمها بس عشان السفر تعلم اللغة ثروة

انا كنت اتمنى ان الموقع كان موجود وانا اصغر كان هيفرق معايا لكن قدر الله وماشاء فعل

انت لسه صغير والمستقبل قدامك باذن الله كبير اغتنم اي فرصة مش لازم يكون في سبب اللي تشوفه دلوقتي مش لازم ممكن تندم عليه بعدين واكيد مش هيكون بنفس سهولة دلوقتي

ربنا يوفقك

Comments

اصل لو مكنتش هتعلمها الوقتي .. اخد كورس الانجليزي عشان يبقي الانجليزي بتاعي كويس و بعدها اخد الالماني ولا امشي بالانجليزي الي معايا كدا و أبدا الماني
الانجليزي يعتبر بتاع المناهج بس مكملتش كتير في الكورس بتاع ذاامريكان انجلش و لا اي رايك
و اياكم يا رب

---

ع حسب مقدرتك الانجليزي طبعاً اهم لغة ومن المدارس بيبقى عندنا خلفية فيه فالافضل تكمل فيه
والالماني اعمل كأنك بتاخد كورس ف معهد حدد لنفسك مثلاً 3 ايام ساعتين مثلاً كل مرة للالماني ومخك ف سنك ان شاء الله يقدر يستوعب بس استنى ع الالماني لما تخلص الثانوية انا لسه فاكرة صعوبتها وبلاويها وبعدها ابدا ف الالماني
ده طبعاً رايي الشخصي وانت تقدر ترتبها حسب قدرتك بس اللي قصدته انك تبدا بدري قد متقدر
بالتوفيق وربنا يكتبلك الخير

---

اها فهمت ..أبدأ بدري

تمام شكرا ليكي

Answer 4

انت تضمن ظروفك بعدين، محدش اصلا يقدر يضمن ظروفه ولو بعد دقيقة، لذلك ابدأ دلوقتي وعندما تتقنها ادرس غيرها

Comments

نفس ردي علي كومنت امال

Answer 5

دلوقتي أحسن طبعا و ماتقتصرش ع التعلم بس لا إنت تتعلم اللغة وتتعرف كمان ع ناس من أهلها وتكون صداقات من قبل حتى ما تسافر..... كل خطوة هتاخدها بدري هتبقى أحسن ليك.....

Comments

لو متعلمتش الوقتي الماني هتعلم انجليزي عشان ضعيف و بعدها الماني ولا اي رأيك ؟
حلوة فكرة الصداقات دي بس اعملها ازاي .. اتعرف على ناس منين

---

طالما عامل خطط لدراسة اللغات وحاطط أولويات يبقى انت ماشي صح.... كمل بس وماتكسلش...
آبس كتيرة فيها تقدر تكون صداقات ابسطها الفيس بوك ابعت لشخص ما يكون من أصحاب اللغة دي وقوله انك بتتعلم لغته وعايزه يساعدك فيها... وهتلاقي مساعدة ومنها تظبط اللغة عندك بتصحيحه للأخطاء اللي بتقع فيها ومنها تكون صداقات ..... بالتوفيق

---

تمام كويس  شكرا جزيلا
للجميع يا رب

Answer 6

اتعلم هسه احسن

انت ماتعرف ايش رح يصير بالمستقبل يمكن ماتقدر تتعلم اللغة بالمستقبل

لذلك اتعلمها من هسه لضمان مستقبلك

Comments

تمام شكرا فهمت

---

عفواا.....

Answer 7

مثل البقية بنصحك تبدأ من الحين! 

من ناحية الانجليزي فأعتقد أنت نفس يوسف تقريبًا، تريد تقوي الانجليزية كلغة ثانية وتكون الالمانية لغة ثالثة، فااا بنصحك تدرسهم مع بعض اذا ما بيأثر على دراستك الثانوية طبعًا لأنها أهم، ادرس الانجليزية بشكل اكبر من الالمانية وتقدر تشوف منشور يوسف هو سأل سؤال تكوين خطة لتعلم اللغتين معا بحيث يقوي الانجليزية وتشوف ردود الناس عليه كلها مفيدة.

دمت بخير. 

Comments

اها تمام الانجليزي له الاولوية و بجانبه الالمانيه .. تعلم اللغات ان شاء الله بعد الثانوية مباشرة