Question

السلام عليكم ورحمة الله وبركاته 

عملت داخل التطبيق فولدر وبعدين ملف او قائمة ومسحت القائمة بالغلط وكل ما اعمل قائمة جديدة يقوللي ليس لك الا اول قائمة فقط والا اشترك وانا معنديش قوائم خالص لإنها اتمسحت.. 

احط الكلمات الجديدة اللي عاوزة احفظها ازاي.. 

ملحوظة انا منزلة التطبيق من اكتر من اربع ايام ولسه رسالة التفعيل ما وصلتش على ايميلي .. وشكرا

Answer 1

السلام عليكم

طالما ان حضرتك استطعت انشاء فولدر وانشاء قائمة كلمات - فهذا معناه ان بريدك مفعل.

س: كيف - لم تصلني الرسالة؟

ج: هناك اكثر من ٣ الاف بريد مزور حتى الان - وعملا على عدم جعلك الانتظار - فقد فعلت الكثير من الحسابات الصحيحة بدون رسالة التفعيل - قد فعلتها من السيرفر يدويا - وهذا ما حدث معك لاني لا اريدك تحمل نتيجة خطأ البعض

سعيد جدا انك اخبرتني بهذا الخلل وهو عندما تمسح القائمة لا يمكنك عمل قائمة جديدة - جاري محاولة تكرار هذا الخلل لدينا حتى نكتشفه ونعالجة - انتظر تحديث جديد يصلح هذا خلال ايام باذن الله

Comments

صباح النور عليك يا استاذي

---

السلام عليكم ورحمة الله بركاته..

شكرا حزيلا أستاذ ابراهيم للرد..
شرف ليا حقيقي وحاجة حلوة في يومي أسعدتني هي وتعليق أسماء طبعا ^_^

ويا رب تتحل المشكلة على ايديكم كالعادة بإذن الله ..
عاوزة بس اقول ملحوظة لحاجة حصلت معايا..

انا ترددت اني اكتب شكوتي كسلا يعني وقلت هما حيكتشفوا ده قريب وحد اكيد حتحصل معاه نفس المشكلة ومسيرهم يحلوها..
لكن بصراحة اهتمامي بالتطبيق والمنهج كله وإحساسي بالمسؤولية بشكل ما عن الحلم ده  Taleek & ZAmerican English
واللي بقى الحمد لله حقيقة بفضل الله ثم بفضل مجهودك انت وفريقك وحب طلابك ودعواتهم بالخير خلاني اتخلى عن كسلي ده وابادر بكتابة وارسال المشكلة حتى ولو كانت بسيطة..
وسبحان الله تقريبا كنت انا الاولى ( من رد حضرتك ) اللي تحصل معاهم المشكلة دي او يتكلم عنها..
الفكرة اللي عاوزة اوصلها ..
ان فعلا الانسان لازم يكون مبادر بدون تكاسل ورمي المهام على الآخرين - مع ان المشكلة تخصه - لغاية ما حد تاني ييجي ويتكلم عنها ونفضل نستنى بعض فيحصل عطلة ويحصل تراخي وممكن المشكلة يكون حلها في الاول خالص اسهل من تفاقمها وتأثيرها على عدد اكبر من الناس..

بحمد ربنا عز وجل اني بادرت وتخليت عن كسلي عشان انا شخصيا اتعلم الدرس الكبير ده بالبساطة دي..
الحمد لله وشكرا ليك أستاذ ابراهيم جدااا على كل اللي بتعمله معانا لإنك سيد المبادرين وشكرا لفريق عملك وشكرا لطلبتك المميزين كمان..

معلش طولت بس يمكن حد تاني ياخد باله من الفكرة دي وتفرق معاه في حياته إن شاء الله..
تحياتي واحترامي للجميع
جمعة مباركة يا رب

Answer 2

السلام عليكم أختي نهى

اللي أقدر أقوله لحضرتك انتي محظوظة  احمدي ربنا إن انتي مسحتيه. أهو فخر العرب كلمك شخصيا الست الوالدة شكلها دعيالك في الفجر♡

صدق رب العباد عندما قال

"وعسى أن تكرهوا شيئا وهو خير لكم "

وقال جل شأنه أيضا

"وعسى أن تكرهوا شيئا ويجعل الله فيه خيرا كثيرا"

Comments

اللهم مثل هذا♡

---

السلام عليكم ورحمة الله وبركاته ..
شكرا إسراء حبيبتي ربنا يبشرك بالخير دايما يا رب  
رسالتك فعلا بشرتني وأسعدتني حقيقي..
وخصوصا كمان ان الايميل بتاع ردك بس هو اللي وصلني ..
ايميل رد أستاذ ابراهيم ما وصلنيش..
فربنا يسعدك ويبشرك بالخير دايما ويديم عليكي نعمة القلب الحلو ده..
صباحك فل وأيامك وسنينك ورد بالعسل

---

يا حبيبتي ربنا يسعدك ويوفقك وعقبال أما تشوفي فخر العرب شخصيا ♡

---

ههههههههه اللهم آمين يا رب العالمين..
^_^ حبيبتي تسلميلي يا رب

---

هل أخبرك بسرا أن لا أحب ( ههههههه) إطلاقا ولا أشعر أنها رمز للضحك والإبتسامة .
مع العلم إن أنا متأكدة أن أنت تقصيدي بها الإبتسامة.
ولكن لا أحبها وكثير أرغب في أن أوضح لمتحدثي إن أنا مبتسمة أو سعيدة ولا يوجد ايموجي متاح ولكن أفضل أن أكتب الرسالة فقط بدون(ههههههه)فهي أفضل بكثير.
أطلت الحديث بكلام !ولكن حسنا تشرفت بمعرفتك أختي الحبيبة♡

---

فعلا الضحكة كانت طويلة شوية بس لإن مفيش ايموجيز ..
وانا كمان اتشرفت بمعرفتك ..

---

مرحبا حبيبتي نهى♡♡♡
كيف حالك عزيزتي رمضان مبارك☆
لماذا لم تتواجدي على الموقع وحشتيني جدااا ... أرجو إنك متكونيش نستيني ♡
كل عام وأنت بخير حبيبتي... طمنيني عنك