ممكن تكون طريقتى غريبه او مضحكه بعض الشئ ولكنها دائما بفضل الله مااجدت نفع معى منذ سنوات دراستى والان ايضا عندما اتعلم علوم جديده وهى...
انى كان عندى عروسه زمان وبعدين بدأت استبدلها بوسادة واعتبرها شخص قدامى بشرحله وبتناقش معاه وبفرض لنفسى اسئله على لسانه واجاوبه عليها وغالبا بعمل كده فى الامور اللى بيتعسر علىّ فهمها واكون محتاجه اراجع فيها المدرس بس بلاقينى بفضل الله فهمتها لوحدى بعد مااعمل كده وحفظتها كمان...
كمان حاجه حلو اوى كنت بعملها ايام الامتحانات فى المعلومات اللى مكنتش بتثبت معايا اوى،، وهيا انى اراجع عليها بصوت عالى مسموع قبل النوم بحيث تكون دى اخر حاجه اعملها قبل النوم مباشرة
بقوم الصبح بفضل الله الاقيها ثبتت تمام جدا وده لان العقل الباطن خزنها خلاص جوه واستوعبها وسمعت من البعض انه لما بتعمل كده العقل الباطن بيفضل يراجع المعلومات اللى دخلتله فى الوقت ده طول مانت نايم فعشان كده بتثبت...
جرب الطرق دى ومتأكده هتفيدك بإذن الله جدا عن تجربه