ما رأيكم لو قمت بتنزيل كل يوم سؤال كإختبار حصيله لغويه..
بمعنى اول يوم مثلا وليكن النهارده يكون السؤال :_
اكتب خمس كلمات مبتدأه بحرف ال A
وهكذا بقى كل يوم حرف بالترتيب . . وكل طالب يكتب خمس كلمات يعرفهم مبتدأين بهذا الحرف بشرط انهم يكونوا مش متكررين كتير يعنى لو هناك كلمه او كلمتين مشتركين مع اجابات البعض لا بأس ولكن لا تزِد عن ذلك لكى نتكمن من معرفه كلمات جديده وليست معرفه احابات مكرره.. ويحبذ لو بالترجمه عشان اللى عايز يعرف معنى الكلمه
وفوائد هذا من وجهة نظرى :_
اولا :_ تشغيل للعقل وتحفيز للدماغ فهى بمثابه العاب ال puzzle
ثانيا :_ تكوين حصيله لغويه جديده
ثالثا:_ ممكن نعمل كشكول خاص او نوت صغير ونكتب كل حرف ببعض الكلمات الجديده اللى عرفناها عنه فبكده نكون عرفنا ودونا ونرجعلها تانى كمرجع لما نحتاجها.. كمان كلنا غالبا عندنا اطفال فى البيت سواء اولادنا او اخواتنا او اطفال فى البيت عموما فنعلمهم حروف الانجليزى بالترتيب زى الحضانه بس بكلمات اكثر لاننا جمعناها بطريقه مرتبه ومتتاليه..
ولو حد عنده فوائد اكتر تفيدنا برضو يقولها..
منتظره ردكم على هذا الاقتراح