السلام عليكم ورحمة الله وبركاته ...
شلونكم شخباركم عساكم بخير وبصحة ؟؟
كل عااام وأنتم بألف خير وتقبل الله صلاتكم وصياامكم وصالح الأعمال منكم وربي يكتب هالشهر جبر لخواطرنا وإصلاح لجمييع أمورنا بإذن الله
حبيت أشارك معاكم موقف لطيف جميل بالبداية أنا معلمة تأسيس أكاديمي وضبط سلوك " للأطفال"
وطلابي اعتبرهم خواتي وإخواني الصغار المهم في يوم الأم الي كان يوم الثلاثاء أحد طالباتي جابت لي هدية ع الرغم من أني لست أما ، إلا أني فرحت واايد فيها وكانت هذه أول مرة تجيني هدية بهذه المناسبة ههه كان شعور جميل بالعادة أنا الي أهني أو أجيب هدية المهم وحبيت أشارك معكم هذا الموقف وصورة 
