طيب انا هحاول اشرح بس اعذروني لاني مش بعرف اشرح النكت لان تحس كده انها بتلقى ف القلب
-القلم بيقضي إجازته فين؟
ف بنسلفانيا دي ولاية ف امريكا وتكتب اصلا pennsylvania لكن اتكتبت كده كلعب بالكلمات ان الكلمة يكون جزء منها كلمة pencil لان السؤال عن القلم
-أين يحتفظ "مصاصي الدماء" بأموالهم؟
في بنك الدم
-ايه الموجود ف الركن ويسافر ف كل مكان؟
طابع البريد
-طائرين ف الحب نطلق عليهم ايه؟
Tweethearts ودي بدل sweethearts لان tweet هو صوت العصافير
-ازاي تتكلم مع عملاق؟
المفروض تتكلم معاه عادي زي اي حد لكن كانت الاجابه 'تستخدم كلمات كبيرة' في حاجه ف الانجليزية اسمها big words وتطلق ع الكلمات الطويله زي كلمة superabundant والكلمات دي مش بتستخدم كتير..
-مين الحيوان الموجود ف لعبة البيسبول؟
الإجابة bat لأنها بمعنى خفاش او مضرب كره
-رائد الفضاء بيقول ايه اما يصطدم بالقمر؟
Apollo-gize هي لعب بالكلمات، معناها اصلا يعتذر لكن كتبت بالطريقة دي لان apollo هي سفينة فضاء
-نقول ايه ع الجبل المضحك؟
Hill-arious وهي معناها مضحك واتكتبت كده لان hill بمعنى تل فتكون مناسبه للكلام ع جبل
-الورده الكبيره تقول ايه للورده الصغيره
Bud لها 2 معنى بمعنى صاحب بالعاميه وبمعني برعم، لعب برضو بالكلمات لان الورده الصغيره بنقول عليها برعم
بمرور الوقت والممارسه والاطلاع ع الثقافات الاخري هنقدر نفهم الدعابة باللغات التانية.. موفقين جميعا