وعليكم السلام ورحمة الله وبركاته ....
شلونج نعيمه شخبارج ؟؟
بالتوفيق لج إن شاء الله بدراستج باللغة الصينية وإن شاء الله تخلصين المستوى الأول تستاهلين كل خير
بالسبة لسؤالج عندي كذا طريقة ولكن راح أقولج وحدة الي استخدمها يالتركي إن شاء الله تفيدج
ما أدري إذا مستواكم بالصيني للمستوى الأول يسمح لكم بتطبيقها أو لا لأنه للأمانة ما اتذكرت شفت أحد عندنا بالمنتدى يكتب بالصيني سواء جمل أو فقرات يمكن فقط سارة طارق و شيرين لا أعلم إذا راح يكون تطبيقها سهل أو لا
المهم عقب ما صارت عندج ثروة لغوية لا بأس بها بالصيني تبدأين تحطين الكلمات بجمل
مثلا بالوحدة الأول كلمة شمس أو صباح تحطينها بجملة من خلالها راح تستخدمين الكلمات الي تعلمتيهم كلهم ( وعندنا بالتركي القواعد واللواحق ) و تصير مقدرتج على استخدام الكلمات أفضل وأكثر مرونة وهكذا إن شاء الله تكون الطريقة شرحتها بطريقة واضحة وتكون مفيدة وبس بالتوفيق