Question

السلام عليكم ،

سؤال: ما الفرق بين المنهج الذى يتم استخدامه فى تدريس اللغة الانجليزية للثانوية العامة ( فى مصر ) ؟

لاننى اواجه صعوبات فى فهم القواعد ، اسبوعيا بندرس قواعد جديدة لدرجة اننا بنذاكر قواعد لو حد مستواه C1 محتمل انه ميستخدمهاش فى كلام اصلا ، و طريقة التدريس زى الكيمياء بالضبط  ،

كمان محتاج اعرف هل مستر ابراهيم اكيد ان شاء الله هيشرح منهج السنة دى ؟

ولا لسه ده تحت الاختبار ؟ ( مش اكيد ) ؟

Answer 1

منهج مصر عبارة عن شوية عك بالبلدي وطريقة تدريسه طبيخ حمضان لذلك استحالة تفهمه

الحرب بين اللغويين وصبيان الغرامر شبه المستر ابراهيم اللغوين بمعلم الصنعة ال هم المتحدثين باللغة ام صبيان الغرامر شبهم بالشخص ال بيكون تحت ايد معلم الصنعة يتعلم منه

لك ان تتخيل أن منهج الوزارة بياخد من صبي الحرفة ال هم صبيان الغرامر ال بيتعلم يعني

فتخيل انت يباشا عاوز تتعلم نجارة فبدل متروح تتعلم من المعلم رايح تتعلملي من الصبي ال معاه ال لسة مفهمش ده بيتعمل كدة ليه فهل انت هتفهم

جزء من عقدة الانجليزي مربوط بالتاريخ كمان ساعة الاحتلال

نقطة الاهم منهج الانجليزي مش معمول عشان يخليك متفوق لا عشان يخليك اضعف بكل بساطة

معظم قواعد الثانوية موجودة على ذامريكان روح اسمعها ومتستناش المستر لحد ميعمل يمكن يطول آلله اعلم

فالحق نفسك وذاكر وربنا يوفقك

Comments

السلام عليكم
و الله ذكرتموني بالفرنسية والانجليزية في مدارسنا
حساء بأرجل الضفادع المحمرة ههههه
تدخل و أنت لا تعرف شيئ عما ستدرسه
تخرج و  أنت لا تعرف شيئ عما درسته و رأسك يريد أن ينفجر
بالتوفيق .........

---

ههههههههههههه اكلة ما يأكلها الفار
ولو الحمار دخل فصول دي لا حصله انفلات عصبي لان في حد بينافسه خهههههههه

---

والله ما حصلوا حتى صبى ولا زفت ، متخيل انك متكونش كملت المستوى الثانى على ذا اميركان انجلش و تقعد تطلع اخطاء فى النطق و فى المعلومات من مدرس مشهور للثانوية العامة ، انا بالفعل بدأت دراسة مش معتمد على مستر ابراهيم ، لو هو بدأ ف ده هيكون رزق كبير من ربنا ،
فى الاخر انا عارف ان المنظومة التعليمية اصلا ليها اهداف ابعد من كده بكتييييير و ميفرقش معاه اتعلمت ولا لا ،
هو بس انا مستخسر المجهود ال بذلته فى تعلم الانجليزى ، لان حاليا مضغوط جدا فى الدراسة و اضطررت انى اوقف تعلم الانجليزى لحد م اخلص السنة دى على خير ان شاء الله

---

ان شاء الله تخلص من السنة دي بخير والدنيا تمام
تروح تتعلم انجليزي صح وتدح
بالتوفيق