السلام عليكم ورحمة الله ♡
هحاول مطولش كتير ف الكلام واحكى تجربتى بإختصار ..
انا حاليا ادرس اللغة الإنجليزية واليابانية ،هدفى من تعلم الإنجليزية زى هدف ناس كتيرة جدا ،انها لغة دولية مثلها مثل العربية وبنفس الأهمية تقريبا ،انا بحب اللغة الإنجليزية جدا وكنت دايما متفوقة فيها بس مهما بلغ التفوق فيها مش هيبقا زى انك تتكلم انجلش بطلاقة زيك زى اى مواطن امريكى ،لذلك شرعت فيها تعلمها ع زي امريكان من فترة قريبة واتمنى اتقنها كويس بإذن الله
-----
اما بالنسبة لليابانية فـ دى انا درستها لأنى بحبها جدا جدا ،وقع الفاظها ع أذنى طرب والله ، كنت دايما من صغرى اتمنى اتكلمها لأنى دايما كنت اسمع انمى وإلى الآن اسمعه يعنى انا اوتاااكو اد الدنيا ههههه ،ولما عرفت ان طليق متوفر فيه اليابانية قررت وفورا التعلم وتبارك الله مريم سينسى توصل المعلومات بطريقة جميلة جدا ،اتمنى اتقنها عشان ادخل على لغات غيرها عندى برضو شغف تعلمها ...
اتمنى مكنش طولت عليكم ،وعاوزة اقول انى سعيدة بوجودى هنا وعرفت ناس لطيفة جدا ( ꈍᴗꈍ)