Question

حسن, الان علمنا ان الكون يتوسع ويتمدد

.

.

.

الان فكر قليلا: .. المجرات تبتعد والكون يتوسع .. المجرات تبتعد عن بعضها.. . والكون يتوسع..

ألا يعني هذا أنه في يوم من الأيام كانت تلك المجرات قرييبة جدا من بعضها؟؟. نعم صحيح! لو عدنا بالزمن للخلف ستقترب المجرات بدل ابتعادها في المستقبل, عكس العملية!

 كانت المجرات قريبة جدا في يوم من الأيام قديما جدا, كان الكون العظيم كله هذا في نقطة واحدة صغيرة جدا اسمها المتفردة singularity, وبدأ يتوسع الى ان اصبح الكون الذي نعرفه الان!, وان صح التعبير, نحن لا نفقه شيئا عن الكون انما نعلم فقط انه هائل وفاحش الوسع.

هذا ما يسمونه الان ب الانفجار العظيم big bang, اكيد سمعته قبل كدا لاني مش هشرح.. في الحقيقة, هو ليس انفجارا بمعنى الكلمة انما هو توسع لا اكثر, كرة صغيرة ساخنة وكثيفة جدا بدأت تتوسع وتتوسع عبر ملايين السنين , كونت السدم ثم النجوم ثم الثقوب السوداء ثم الكواكب ثم ثم ثم الى ان اتيت انت..وجارك الذي يسكن بجانبك.. والشاورما السورية.. وباقي العالم..

نرجع الى موضوعنا, الان علمنا ان الكون قديما جدا كان كرة اصغر من ظفر اصبعك

لنعلم شيء اخر..

المجرات تبتعد, ما المعدل\السرعة التي تبتعد بها؟؟ كم كيلومتر في الثانية؟.. 

هذا ما يسمى ب قانون هابل hubble law

بمعنى آخر: المجرات تتسارع, وجدنا علاقة طردية ان كلما ابتعدت المجرة, زادت سرعتها, كما أن تسير انت بسيارتك من المنزل بسرعة 10 كيلو\س ثم بعد ساعة تسرع فتصبح 20 كيلو ثم 30 ثم 40 وهكذا, هنا معدل تسارعك هو 10 كم\ساعة.. كلما ابتعدت عن المنزل زادت سرعتك. ..

---

نفس الشي بالمجرات لكنها يا قارئي سيارات ضخمة جدا من الطراز الكوني حيث لا يوجد قواعد مرور (لو تقعد تخمس فوسط الفضا مفيش اي مشكلة).

---

ومعدل تسارع تلك السيارات تقريبا 73كم\ث لكل مليون فرسخ فلكي ما هو الفرسخ الفلكي؟ = 3.26 سنة ضوئية = 31 بليون كم (قدامه 12 صفر)

يعني اذا المجرة بعيدة عنا مليون فرسخ, رح تبتعد عنا 73 كم\ثانية !

ولو على بعد 10 مليون فرسخ فلكي, هتبتعد بسرعة 370كم\ث. ضربنا 37 في 10 عشان العلاقة الطردية, وهكذا..  

...

.

.

.

حسن, الان نحن نعلم شيئين :

1- سرعة ابتعاد المجرات

2- المسافة بيننا وبين المجرات (في طرق للحساب ما علينا منها)

ينقصنا شيء واحد! وهو الزمن

-الزمن هو الذي سيحدد لنا عمر الكون!. لماذا؟ لأن قيمة الزمن هي الوقت الذي استغرقه الكون منذ ان كان ضئيلا جدا الى ان اصبح على حالته الان, وهذا هو عمر الكون-

---

--- طيب كيف سنحسب قيمة الزمن؟ بهذا المثلث الذي درسته في الاعدادية:

الزمن= المسافة÷السرعة

طبعا العملية اعقد من هذه قليلا لكن هذا هو المفهوم الاساسي يعني

هكذا فقط, وعندما حسب العلماء المسافة ÷السرعة وجدوا ان الزمن (عمر الكون) يقدر ب 13,8 مليار سنة

.

.

ترى .. هل الرقم صحيح مئة بالمئة؟ام أنه خاطئ؟؟ في المنشور القادم تجد اجابة هذا السؤال ...

Answer 1

العلم جميل ومطلوب وكل حاجة ،واكيد دماغنا مش هتبقا زى دماغ علماء الفلك والرياضيات وكدا ،اكيد حاجات كتير من المعلومات دى صحيحة .بس مش شرط تكون كلها صحيحة ومسلم بيها لان أغلبها بيعارض حاجات ف القرآن بتقولنا غير كدا مثلا  :" وَلَقَدْ خَلَقْنَا السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ وَمَا مَسَّنَا مِن لُّغُوبٍ" ف ازاى بقا الكون كان اصغر من حجم الأظفر ! طبعا مستحيل

انا عن نفسى كل التقيمات دى لأعمار الكون ونظرية الانفجار العظيم وان خلق الكون جاء من قبيل الصدفة ..الخ ؛ كل بالنسبالى ف الهوا ،ومش معنى كدا انى بقلل من علمهم  وعملهم ،لكن مش بصدق غير ال بيدخل العقل فقط .

Comments

سارة الجميل
في كثير علماء فلك ملحدين عشان كدا في كلام كتير بيطلعوه قد يكون مش منطقي بالنسبة لنا، من ضمنهم اللي قلتيه الكون اجا صدفة، ودا طبعا، مش حقيقي! والله ساعات بيخرفوا
ونظرية الانفجار العظيم وباقي النظريات ما هي الا "نظريات" اي قد تحتمل الصواب وقد تحتمل الخطأ وهذا الكل يعرفه، هي اجتهاد من العلماء لمحاولة فهم الكون فقط
الان عندي سؤال، ممكن توضحيلي العلاقة ما بين الآية اللي قلتيها وان الكون اصغر من ظفر الاصبع؟ ولا كان قصدك انو الله خلق الكون ف٧ ايام ونحن قلنا انو ١٣ مليار سنة..؟

---

في ٦ ايام**
ستة أيام مش سبعة

---

لا قصدى هنا اعقب على جملة ان الكون كان ف الاول كرة اصغر من ظفر الأصبع وكبر بتمدد المجرات بعيد عن بعض والألوان ال ذكرتيها وكدا ..
ف انا بقولك دا ربنا خلق بس السموات والأرض بسسس ف ستة أيام ،ومع ان الله قادر على كل شيء وكان ممكن يصنعهم ف لمح البصر، الا انه قال انا صنعهتم ف ستة أيام دلالة على عظمة خلقهم واد اى هما كبار بشكل لا يتوقعه عقل . م بالك بقا بالمجرات ال ملهاش عدد دول كبرهم اد اى !
يجى بقا علماء الفلك دول يحصروا خلق الكون ف انه كان اد الفيفوسة وكبر مع نفسه بسبب عوامل معينة! لا طبعا كل دا فشينك . والنظرية دى وغيرها كتييييير غلط غلط لا اساس لها من الصحة ،جايز لو مكناش مسلمين والقرآن دليلنا كنا صدقنا كل دا وقولنا دا العلم ! لكن الحمد لله القرآن مسبش لينا حاجة غير لما وضحها عشان دماغنها متروحش وتيجى .
فهمتينى ذكرت الأية ليه!

---

ماشي كلام جميل الله يسعدك ويبارك فيكي
انا لسا مش شايفة يا سارة اي علاقة الاية+عظمة الخالق سبحانه وتعالى، ب ان الكون كان صغير في البداية؟؟ قصدك صغر الكون في البداية هذا لا يدل على عظمته او لا يدل انه خلقه ب٦ ايام؟؟ انا مش شايفة اي تعارض ما بين كلام العلماء اللي قلتيه وعظمة الخالق سبحانه وتعالى (بعيدا عن النظرية خالص اتكلم بشكل عام)
ابسط مثال الجنين في بطن أمه بيكون اصغر من حبة الرز صح بعدين بيكبر حتى تلده أمه وبعدها بيكبر بردو لحتى ما ممكن يبقى مترين! واه ربنا قادر على كل شيء مش كان ممكن يخلقه مترين في لمح البصر بردو؟ اه ممكن لكن سبحانه وتعالى، يهيئ الاسباب لمن ولما يشاء ولما يريد أن يكون، وكما هيأ الاسباب للجنين بأن تلده أمه وان يكمل نموه حتى يصل للمترين، فإنه هيأ الاسباب والعوامل للكون بأن يصبح الكون الذي نعرفه الان.. حاجة تانية هو لما ربنا خلق الكون في ٦ أيام مش الكون اتخلق واتكون بسبب عوامل معينة بردو؟؟ (ايا ما كانت طريقة التكوين سواء انفجار عظيم او اي طريقة تانية)
لانه اذا الإجابة لا، ولانه اذا خلقَ الكون هكذا فجأة بدون اي عوامل معينة تؤدي إلى تكوينه، فإن وجود الكون دا هيبقى صدفة زي ما قلتي وانتي قلتي انه غلطؤ وهنا بيصير الكلام متناقض..
حاجة تانية لازم تنتبهي ليها، نعم خلق الله السماوات والأرض في ٦ ايام لكن، هل انتي متأكدة أن ال٦ ايام دي عند ربنا هي نفسها ال٦ ايام عندنا؟؟ ما حد يعرف، لانه جل جلاله مش عايش معانا هنا في الزمان والمكان تبعنا وهو جل جلاله فوق الزمان والمكان وفوق كل القوانين البشرية والكونية التي تحكمنا
تاني شي فهميني ليه بتقولي ان النظرية غلط غلط
اي نظرية في هذا العالم قد تحتمل الصواب وقد تحتمل الخطأ وما ينفع نحكم عليها انها غلط ١٠٠بالمية او صح ١٠٠بالمية، الا لو في أدلة تثبت عدم صحتها وأنها نظرية باطلة، او العكس ساعتها هتبقى "حقيقة" ثابتة زي ١+١=٢ . مش نظرية
هل كنتي موجودة ساعة بداية تكون الكون وشفتي أنه ما اتكون من كرة صغيرة؟ لو كنتي شفتي الحاجة دي بعينك إذن النظرية هتبقى غلط، لكن مفيش حد كان موجود ساعة البداية.
طيب هل عندك أدلة تثبت عدم تكون الكون من كرة صغيرة؟ هل مثلا توجد آية في القرآن أن الكون لم يتكون من كرة صغيرة؟ اعتقد لا
لكن هل هذا يعني أن النظرية صحيحة؟ لا بردو.
إذن، لا احد يعلم ان كانت صحيحة فعلا ام خاطئة. تظل مجرد نظرية لم تثبت عند اهلها وباحثيها
كل ما ذكر في القران الكريم صحيح ولكن مش معنى ان شيء لم يذكر فيه يبقى غلط بردو.. تذكري ان القران كتاب هداية وإيمان وإرشاد للعبادة وليس كتاباً لشرح نظريات ومواضيع علمية.
هذا ردي على ال فهمته من كلامك اذا في شي قلتيه تعتقدي اني ما فهمته كويس ياريت توضحيلي ياه اكتر واعتذر عالاطالة ياريت ما خليتك تندمي انك فتحتي الموضوع.. :)

---

ياااااه كل دى كتابة هههههههه
يارب اعرف اجمع بس الكلام خلينا نرد ع جزئية جزئية
اولا خلينى اقولك ما شاء الله عليكى دماغك جميلة ومتفتحة جدا ♥️
هوا لو ربنا خلق الكون مرة واحدة مش هيبقا من قبيل الصدفة ولا حاجة لأن تعريف الصدفة عند العلماء دول هوا حدوث الشيء من العدم بمعنى اوضح محدش ليه دخل ف حدوثه هوا حصل كدا وخلاص ،ودا طبعا مش صح المفروض منقولش صدفة حتى ف كلامنا العادى اسمه القدر او قدراً .

صحيح الله اعلم الأيام ال ربنا ذكرها نفس أيامنا العادية ولا لأ ، لان معظم الايام السنوات ال ذكرت ف القرآن لا تقاس بالمقايس الدنيوية ،بس الأيام ال ذكرت دى اكيد مش أقل من أيام الدنيا ال احنا عايشين فيها ،وزى م قولتلك ربنا ذكرها لتعظيم الخلق ال هو خلقه
وبالنسبالة لكلامك ف بنسبة ممكن يكون صح وانتى ما شاء الله شغلتى دماغك ان ممكن الكون يكون كان شبه الجنين كدا ،بس انا كان ردى ان ربنا فسرلنا حاجات كتير ل القرآن مكنش فيها حاجة شبه كدا ودا مش معناه ان انا انكر كلامك بس ف نفس الوقت مش متقبلاه فهمانى .
والنظريات بتروح وتيجى بس العقل ع حسب م يستوعب ويصدق .
كمان ال بيخلي معظم الناس متصدقش انهم مش قلب التجارب ولا الأحداث احنا بتجيلنا النظريات جاهزة ويقولو لنا احنا اكتشفنا كذا كذا وبناءا عليه تثبتنا كذا كذا ،منها ما يعتمد ع ادلة م حد يقدر ينكرها كلام يبقا كلو منتطقى ،والعكس منها م حد بيقدر يصدق او بيكتفى بالسكوت . وانا من الناس دى تجارب كتير حتى الحاتية منها كبرنا ع انها صحيحة ومن وقت قريب طلعوا ونفو كل المعلومات ال نص حياتنا تقريبا كانت ماشية علها من أغذية وعلاج وغيره')

والله عموما عمر الكون مش مفيد لينا ولا هيقدم ولا هيأخر ربنا يخسن ختامنا ويخرجنا منها ع خير  (⁠ ⁠˘⁠ ⁠³⁠˘⁠)⁠♥

---

ياااه ياسارة والله كل فترة كلام كبرنا عليه وفجأة اتغير هههههههه يكفيك بس قفزة فيليكس اللي دخلت كتب الفيزياء وهي اكذوبة واضحوكه وتناقض الواقع وايضا اديسون العالم المخترع اللي كبرنا ع اختراعاته وانجازاته وبالاخير كانت سرقة لجهد نيكولا تيسلا مع الأسف
وفعلا مافيش ع ارض الواقع تجارب فيه نظريات جاهزة بيقدموها وخلاص اللي لين الان موضوعهم الارض كروية ولا مسطحة هههههههههه الحمدلله ع نعمة الأسلام والقران الكريم كل شي واضح فيه
ويكفيك نظرية الانسان كان قرد وتطور مع مرور السنين صرنا بوكيمونات مو بشر النظرية اللي امنو فيها كثير مع الاسف

---

ههههههه نظرية الإنسان كان قرد دى اكتر نظرية مضحكة ف العالم بجد هههههه بموت كل م أشوفها او اسمع عنها حتى .

وفعلا زى م انا قولت وانتى قولتى نظريات وابحاث و و و كنا عايشين عليهم وفجأة بحح النظريات دى غلط والصح كذا كذا

تحسى بينطبق ع العالم والكون "هذا العالم عبارة عن كذبة كبيرة " ههههههه الله يعافينا يارب والحمد لله ع نعمة الإسلام ⁦(⁠ ⁠◜⁠‿⁠◝⁠ ⁠)⁠♡⁩

---

والله جدا مضحكة انتي تعرفي الان يقولك لاتقولي للقرد قرد ده تنمر هههههه والله جد سموه انسان الغابة !!!!فيه ايه ياناس الى اين هتوصلونا
اي والله العالم عبارة عن كذبة كبيرة فعلا رفعو من شان ناس مش بتستاهل حرامية وخونه اما الناجح الحقيقي المكافح بتسرق اعماله بكل بجاحه
امين يارب اللهي عافينا وينجينا

---

بنتمر ع القرد لما نقول عليه حيوان ! والمفروض انو انسان غابة !!!
اومال لو عرفوا ان البشر بيطلق عليهم حيوانات أصلا او حيوانات ناطقة عاقلة ! هيموتوا مجلوطين ؟؟ ⁦ʘ⁠‿⁠ʘ⁩

عارفة هتلقيهم اصلا هما أصحاب نظرية الإنسان من فصيلة الحيوان ،بس وقت نقول القرد حيوان نكون بنتنمر ! لوول ههههههههه ⁦⁦⁦⁦

---

هههههههههههه والله ياسارة صدمت عمري ع كلامهم ناس بتستعبط

Answer 2

يعطيك العافية ميرو حبيبي 

مش عارفة ياروحي للامانه انا شخص بحب العلم ولكن علم الفلك ده مبتعده عنه زي بعد المشرق عن المغرب ودايم بقول ربنا اعلم فيه 

لانه صراحه العلم ده كثير فيه نظريات اجنبية تعارض الدين الإسلامي وكمان كثير الحدو بسبب هذي النظريات مع الأسف ...

ويكفي بس ناسا دول اتخطو مراحل الكذب بشكل مش طبيعي 

وقضية الإنفجار الكبير لحد الأن مشكك فيها وكل واحد يضيف بهارات من جهة

بالنسبة لي الفضاء الخارجي حاجة مايعلم فيها الا الله سبحانه وتعالى 

وبسبب كده انا مبتعده 

ومن كثر ماهم هلكو الفضاء مسكين حتى قالو ايه  فيه حياة ع كوكب المريخ ههههههههههههه بذكر حتى نزلت مقالات انهم عاوزين ينقلونا ع المريخ الارض بتشتكي من ايه ؟ 

والله الارض حسبي الله عليهم دمروها بإجرامهم وعاوزين ينقلونا ع المريخ عشان يدمروه المسكين هههههه والله شر البلية مايضحك 

واخيرا سالفة الفضائيين والمعتقد اللي بيقولونه مع انه هي انتاج امريكي بحت ومجرد افلام قلبوها انه موجوده بالحقيقة حسبي الله فيهم 

زيها زي الدراكولا والزومبي اللي كثير مسلمين بيضحكو ويستمتعو بالأمر ده  دراكولا بيلمعو صورته ع انه مصاص دماء 

والمشكلة دراكولا قتل مية الف مسلم وعرف بطريقة قتله الوحشية كان بيقتل الاشخاص ع عامود من الخشب بيدخل من فوق ويخرج من تحت وتعرف طريقته من ابشع طرق الموت  وزومبي قائد مسلم من اصول افريقية حرب في البرازيل كانو من العبيد المنقولين ع البرازيل والبرازيل وقتها كانت تحت حكم البرتغال والبرتغال ظلمتهم زي كل اللي استعبدو 

ومن شدت الاستعباد هربو ع الغابات وقامو يشكلو احزاب ماقدرت البرتغال تسيطر عليهم وكان قائدهم اللي اليزم بأفلام هوليوود زومبي وزومبي 

وهو قائد مسلم حارب البرتغاليين وعذب وقتل وتم الامتثال بجثته حتى ع يد البرتغاليين 

ودراكولا اليوم سيد مصاصين الدماء ويلمعون صورته بأي وسيلة 

نفس الشي للفضاء حسبي الله عليهم نشرو معلومات كثيير مغلوطة تعارض الدين الاسلامي 

الله يجرنا ويحفظنا بحفظه 

دمتي بخير ياروحي واعتذر ع الإطاله

Comments

اللهك امين
الله يسعدك يا مرام انا بحب اتكلم عن مواضيع الفضاء فعادي طولي براحتك:)
بس انا عجبني انك بتسالي الأرض بتشتكي من اي وتحت السؤال الإجابة هههههههههه اهو الارض بتشتكي من كدا
اول حاجة هي ان الإنسان بطبيعته فضول وبيحاول يفسر الظواهر اللي تحدث بأفضل تفسير ممكن وهاد هو العلم صح؟ مفيش علم عرفه الإنسان وصار ثابت وكل العلوم فيها قابلية التعديل مع مرور الوقت صح؟
دلوقتي اي المشكلة ف أنهم يكتشفوا المريخ اكتر ويدرسوه؟ اي نعم رح يصير نفس حالة الأرض اذا استعمرناه لكن دا مش يمنع اننا نستكشفه وكمان نحن بنحاول نستكشف كواكب كثير مش بس المريخ ونحن ما نعرف لسا في حياة او لا لان ما حدش جرب يعيش هناك أما إذا كان قصدك انهم قالوا في كائنات حية عالكوكب زمان فهذه كلها تنبؤات وافتراضات واستنتاجات من اللي اكتشفوه على سطح المريخ، والله الوحيد العليم اذا كانت صحيحة او لا..
علم الفلك من اجمل العلوم بجد وللاسف مش اخد حقه .. زي ما في نظريات وكلام غلط كتير وملحدين والافكار اللي ساعات بيقولوها على حسب معتقداتهم الخاطئة، في بردو كلام اكتر منه صحيح وجميل ومنه مذكور ظواهر كونية في القران الكريم وكمان في علماء فلك عرب مسلمين وكتبهم واكتشافاتهم
حتى يا مرام أساس علم الفلك وجذوره مأخوذ من الأمة الاسلامية ومن اكتشافات علماء الفلك المسلمين العظماء ولولاهم والله مكانتش ناسا موجودة دلوقتي ولا غيرها..
اخر شي لو متأكدة ان ناسا فعلا كذبت باشياء فممكن تكتبيلي ياها في نقط مباشرة عشان ابحث عنها؟
دراكولا وزومبي واشياء كثير اخترعوها ماشي لتشويه وتخريب الأمة الإسلامية وما الى ذلك بس الفضاء والفلك مش خاص بالمسلمين والعرب فقط عشان ناسا تشوه وتطلع لنا معلومات تعارض الدين الاسلامي، كمان في معلومات تتفق مع الدين الاسلامي عادي وناسا اللي طلعتها، ف اذا في مواضيع شايفة انها كذبت فيها قوليلي عنها لانه فعلا عايزة اعرف

---

حبيبتي مريومه علم عن علم يفرق علم الفلك خصوصا فيه تزييف كبير وكذب مش طبيعي لانه المسلمين وقفو اكتشاف احنا العلم كله مش بس الفلك خرج من المسلمين ياميرو
والمريخ لو فيه حياة زي مايقولو وفيه اكسجين كان ماخلوه والله
الارض هم نفسهم هلكوها يكفيك النووي فقط اللي مسوينه حسبي الله فيهم همهم كله حروب وفوق انه البشر راح منهم كثير بسبب الحروب كمان الارض اتضررت كثير انتي عارفة معاهدات السلام ع طوال حياة البشر من ابونا ادم ليومك هذا فقط ميتين سنة وماكنت حتى معاهدات سلام عشان مايقتلون احد لا عاوزني مااجي ارضك اما تعطيني شي او راح اجي انا وجيشي ونقوم عليكم الحرب هذول البشر شياطين مو بشر مع الاسف والله  والان عندنا الاحتباس الحراري مابنسى كلام شخص من احد القبائل في غابات الأمازون لم اتكلم انه الارض اتغيرت كثير مع انه غير متعلم وحياته كلها بالغابات الا انه هو وجميع اللي عايشين بجزر نائية يعرفون الارض وقيمة الطبيعة وعباقرة في علوم كثيرة اهمها  علم الجولوجيا .. واتكلم الشخص هذا عن تغيير الارض وانهم يشعرون فيها وقال السبب يعود للبشر بتصنيعهم لمواد كيميائية نفسهم هذول المنعزلين اللي مساكين اختارو العزلة ومايبون لاحروب ولا شي هم حابين يعيشون هذي العيشه كل  فترة يتنقلون والسبب انهم يشعرون بالارض
فما بالك لو قالو فيه حياة ع المريخ راح يدمرون المريخ ويدمرون الشعوب لمطامع سياسية
بيقلبون المريخ مصانع لتصنيعاتهم النووية
بخصوص ناسا مريومه ماخلو شي ماكذبو فيه اكبر كذبة لهم نظريات المؤامرة في الهبوط على سطح القمر
واخر وحدة قريتها لهم موضوع الثقب الأسود وكيف الفو فيه هههههههههه مع انه مذكور بالقران كل شي اذكر وقتها ناس كثير يحسبون القيامة بتقوم وناسا توهم يكتشفون موضوع الثقب الاسود ولكن حولوه لكلام ملحدين
وبقولك والله العلم هذا اتعمقت فيه لمدة اسبوع من كم سنة شفت نفسي جد دخلت بمتاهة ملحدين انسحبت وقلت لنفسي يارب اغفرلي والفضاء الخارجي بحكمك وتدبيرك لايعلم عنه احد سواك ابتعدت عن العلم هذا وامنت انه الله يعلم عنه وقلتلك فوق كل العلوم بكفه وعلم الفلك بكفه اخرى ..
اتمنى انك فهمتي كلامي ياقمر وانا والله مااعترض ع العلم نفسه لكن لو نرجع زي زمان اهل العلم زي ماكنا ولغتنا هي السائدة كان انا من اوائل الناس اللي تقرا عن علم الفلك .. لكن مثل ماقلتلك اليوم فيه اغلاط وكلام كثييير مخيف مع الاسف
ويعارض دينا الإسلامي شوفي وثائقيات عنه وراح تفهميني
واتمنى لك نهار سعيد ياقمر

---

جميل يا مرام انا فهمت كلامك
المريخ بالفعل مش سايبينه فحاله ولسا بيحبثوا فيه وبيكتشفوا سطحه
كدا قصدك عالبشر والفئة الحاكمة ونواياهم السودة انما المريخ ملهوش دعوة وبريء من الناس الشريرة دي كلها، وكوكب مسالم والبشر هما اللي عايزين يستغلوه استغلال سيء دا لو هيعملوا زي ما قلتي..حاجة محزنة والله وناس مش بتفكر
احنا المفروض نودع الكوكب الجميل السنين دي عشان دي لحظاته الأخيرة
ربنا يرحم كل اللي ماتوا بسببهم، وينتقم من الظالمين كلهم ..
بالنسبة لناسا بقى
قصدك نظريات المؤامرة اي زي كروية الأرض ومثلث برمودا وكل اللي طلع عالقمر مش حقيقي والسلطة دي كلها ناسا طلعتها؟دي مش ناسا ابدا
دي ناس عادية من جميع انحاء العالم تتفق مع الكلام دا وال مؤمن بسطحية الأرض منهم بيفسر ايات القرآن على كيفه ومنهم بيقول كل ال ناسا بتعمله هولوجرام وفتي كتير ومنهم اللي شايف القمر عامل زي الفطيرة
كدا ولا قصدك ان ناسا مطلعتش حد لسطح القمر قبل كدا؟؟ ونيل ارمسترونج وباز الدرين والجماعة دولا مطلعوش عالقمر؟ وبرنامج Artemis ال ناسا بتجهزله للعودة للقمر من بعد ٥٠سنة؟ ..
اخر حاجة بالنسبة للثقب الاسود عايزة اعرف الحاجات الغلط اللي طلعوها عنه؟؟ قوليلي
وكمان الآيات اللي ذكرت عنه
قصدك في سورة التكوير (فَلا أُقْسِمُ بِالْخُنَّسِ • الْجَوَارِي الْكُنَّسِ)؟ ولا سورة الطارق(النَّجْمُ الثَّاقِب)؟ ولا حاجة تانية؟ لو آية تانية غير دولا ياريت تقوليلي بجد هبقى ممتنة جدا


في نقطة كدا.. بدل ما نقعد نبعد عن العلوم بحجة انها متحرفة وتعارض الدين الاسلامي إلى اخره، هنفضل نبعد لحتى امتى لحتى ما كل حاجة تبقى في زمام الغرب ويقعدوا يألفوا فيها براحتهم واحنا نكون بعدنا عن كل حاجة خالص؟؟ بدل ما نبعد عن علم جميل زي علم الفلك ليه ما نبدأش احنا نعمل العلم دا ونغير الحاجات ال"متحرفة" فيه؟ مش العلماء اللي اكتشفوا اكتشافات كتير ووضعوا الكثير من العلوم كانوا عرب مسلمين؟ واحنا عرب بردو ف مفيش فرق جامد.. بس دا محتاج فئة معينة ومحتاج اللي عارف دينه، محتاج هواة الفلك العرب بجد اللي عارفين دينهم، واللي مش عارف يعرف، ومحتاج وقت كبير. كبير اوي، بس ممكن..
اتمنى لك نهار ومساء اجمل وأسعد❤️
ومتنسيش تقوليلي الآيات:)

---

طيب مين يدير هذي الشركات ؟
اذا انتي فقط مفكرة انهم ناس عاديين وبس اكتشاف بتكوني غلطانة والله الموضوع مش مؤامرة لكن اقري بعمق لهم فيه اشياء عبارة عن الحاد بالحاد
وبخصوص نيل آرمسترونغ محد مشى ع سطح القمر وحتى هم اعترفو بكذبتهم بعدين حتى المستر ابراهيم سبق واتكلم عنها
وحاليا كذبة نهاية العالم اللي قاعدين يقولونها
اشياء واقاويل كذبة ويوم القيامة نعرف عنها اكثر منهم اما هم نهاية العالم بالنسبة لهم غريبة وغير منطقية
وموضوع الثقب الاسود والله ياميرو قاريته من حوالي ثلاث سنوات من اول ماطلع الموضوع انه هياخذ كل الضوء وكلام ورغي غريب عجيب وحتى ناس كثير حسبت القيامة هتقوم
ولم قريت عنه بحساب ووضع الايات نفس اللي ذكرتيها وفعلا هنا بقى الموضوع منطقي بعقلي بشكل اكبر
قبل علم الفلك خلينا نرجع لدينا الان اصبح عندنا كثير يضلل تفسير الايات والاحاديث الصحيحة
ويفسروها ع كيفهم الله المستعان
شوفي مريومه فيه اشياء يصعب التعمق فيها
وهذي طبيعة الانسان مثلا الدين الاسلامي فيه ناس من شدت التعمق والتعصب الحدو ونفس الشي لبعض العلوم الفلك فيه اشياء صعب نتعمق فيها ربنا وحده يعرف عنها مثال عندك الأبراج اليوم كم اللي امنو فيها وقلبوها علم للغيب استغفرالله وهي تعتبر شرك اصغر فـ فيه اشياء مش بسهوله نقرب منها لانه طبيعتنا البشرية ممكن تتاثر

---

كلامك جميل يا مرام, بجد خليتني افكر بطريقة تانية خصوصا الثقوب السودا دي
انا لسا ببحث عنها وبدرسها ف لسا عايزة اعرف عنها اكتر, بس لحت دلوقتي مش شايفة اي حاجة غير منطقية فان الثقب الاسود بيجذب الضوء, يعني لو راجعنا ازاي الثقب الاسود بيتكون من اول خالص وكدا هنلاقي ان منطقي يجذب الضوء لأن كثافتة بتبقى عالية جدا, لا نهائية
الا لو كانت الاساسيات غلط, ساعتها ممكن غير منطقي
في حاجات فعلا لو تعمقنا فيها ممكن نلحد خصوصا بالاشياء ال تتعلق بالدين والذات الالهية متل ما صار للدكتور مصطفى محمود لما دخل في مرحلة شك قريبة من الالحاد
انا شايفة انه فعلا لو تعمقنا في علم الفلك مش عارفة اي ال ممكن يسبب الحاد؟؟ دا ربنا قال في كتابه الكريم (أَفَلَمْ يَنظُرُوا إِلَى السَّمَاءِ فَوْقَهُمْ كَيْفَ بَنَيْنَاهَا وَزَيَّنَّاهَا وَمَا لَهَا مِن فُرُوجٍ) قال كدا للكافرين انهم يتفكروا وينظروا في خلق السماء ويتأملوا كيف خلق الله السموات العظيمة بلا عمد! وقال (إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِأُولِي الْأَلْبَابِ).. بالعكس دا كدا هيزداد ايماننا بالله وندرك ونؤمن ادي عظمة الخالق في تناسق واتزان هذا الكون العظيم الفسيح بأكمله وانه محكم بدون ولا ربع غلطة, الربع غلطة هاي لو كانت موجودة كان الكون بأكمله اتدمر وتدهور وما كان في لا حياة ولا اي شي!
وحكاية الصعود على القمر الصراحة مش عارفة عرفتي من مين انها كذبة وبتاع بس انا متاكدة ان اللي عرفتي منه دا هباد كبير جدا او قد جاهل ببعض المعلومات, دا مش صحيح خالص
ناسا طلعت رواد فضاء في 7 رحلات للقمر, اولهم ابولو 11 ال كان فيها ارمسترونج, لحتى ابولو 17
وابسط دليل على هذا ال 400 كيلو جرام من الصخور ال جابوها من القمر
ودلوقتي بيجهزوا لبرنامج تاني اسمه artemis
مش عارفة ليه شايفة انها مش حقيقة ممكن تقولولي الاسباب وانا هرد عليكي
لأن في ناس كتير بيطلعوا كلام غلط ناتج عن جهلهم لبعض العلومات زي ان العلم بيرفرف او النجوم ما مبينية وغيره, او ناس عايزة تقول انها كذب وخلاص وبتجيب ادلة مقطوعة وبتفتري عالناس
وبخصوص نظريات المؤامرة فعلا في منظمات خبيثة بتروج للحاجات دي ما هي عشان كدا بقت مؤامرة مش كدا ولا اي؟
بس مثلا ناس غلابة زي العرب في منهم كتييييييييررررر يا مرام بيؤمن بسطحية الارض مثلا يعني دولا لا عارفين لا منظمات ولا غيرو ومقتنعين تمام الافتناع ان الارض مسطحة
دا اكتشاف؟ دا كلام بلح يتضحك عليه بجد
الابراج مش هقول غير الله المستعان الله الشافي لعقول هذولا الناس, قال اي ههههههه شوف حظك على حسب برجك! برجك الاسد يبقى النهردة هتصادف حبي الحقيقي يا الهي هموت م الضحك
 ربنا يهدي العقول دي ويعلمها ويوعيها

Answer 3

تسلميلي منشورك عجبني كثير و استفدت منه كثير لانه متعلق بتخصص الجامعي ههههه اخذت معلومات ماكنتش اعرفها شكرا لك حبيبتي

Comments

العفو يا حبيبتي سعيدة جدا انه أفادك بجد

تخصصك اي عندي فضول اعرف!

---

تخصصي فيزياء و كيمياء

---

جمييل يا ميرا ربنا يوفقك
ياريت يا ميرا اذا اتعلمتي شي خاص بالفلك تقوليلي عنه:).. بجد هفرح جدا !
اتمنى لك كل التوفيق..❤️

---

اكيد حبيبتي بس الان احنا ندرس مجال ميكانيك

---

ربنا يوفقكم❤️

Answer 4

مريومي موضوع جميل جدا معلومات ولا اروع من كدا

تسلم يدك