السلام عليكم
في رأي الشخصي بلاش نقول كلمة صعبة ولا سهلة ؟ لان السؤال ذات نفسه غلط
السؤال اللي المفروض تسأله لنفسك أنا عاوز أدرس اللغه دي ليه ؟
عشان بحبها ولا عشان لو درستها هكون في وظيفة أفضل ولا عشان أسافر البلد اللي بتتكلم اللغة دي ولا عشان إيه بالظبط إجابتك علي السؤال ده إنت وحدك اللي عارفها وصدقني لما تكتب الإجابة بإيدك هيتولد عندك الدافع القوي لدراستها وساعتها مش هتفرق تدرس أني لغة أهم حاجة يكون في سبب وطالما في سبب يبقي أكيد إن شاء الله مع الإستمرار هيكون في نتيجة وإفتكر دايما مافيش حاجة صعبة طالما غيرك قدر يتقن اللغة دي يبقي أنت كمان تقدر
كل ما تحس بيأس إفتكر إنت أساسا ابتديت ليه إيه سبب لدراستك اللغة دي ؟ لما تفكر نفسك بالسبب اللي بدأت عشانه دراسة اللغة هتقول لنفسك بلاش كسل ويلا نقوم نذاكر بقي
بالتوفيق للجميع إن شاء الله