هلا باقي الأسئلة، أربعة
١. هل اقدر اخلص المستوى فشهرين؟
لو هتمشي على خطة معينة، يعني انتي ممكن تحسبي عدد الفيديوهات كلها في المستوى الاول، وتقسميهم على شهرين(٦٠ يوم) وتشوفي بقى لازم تتفرجي على كم فيديو فاليوم عشان تخلصيهم فشهرين، لو هتعملي كدا وهتلتزمي بالخطة فعلا وهتداومي هتخلصي المستوى الاول فشهرين وهتلاحظي تقدم جامد دا لو استوعبتي كل الدروس وذاكرتيهم كويس وعملتي الحاجات ال المستر بيقول عليها.
بس حطي فبالك حاجة، انك خلال الشهرين دولا ممكن بل اكيد هتخصل حاجات هتضطري انك متذاكريش فيومها، اي ظرف، بالتالي ممكن يبقى صعب تخلصي المستوى فشهرين؟ + هيكون عندك مشاغل تانية غير دراسة اللغة فهتبقى تقيلة عليكي
مش ضروري تحطي مدة معينة اهم حاجة تكون اللغة معاكي حتى لو جه وقت ومبقتيش تذاكري من زي اميركان ممكن تعملي حاجات تانية زي انك تقري قصص تستمعي لقصص..الخ
٢. لو خلصت المستوى الاول فهمك للانجليزي هيكون كويس؟
انا متأكدة انك لو خلصتيه فهمك هيبقى كويس اوي وهتعرفي تتكلمي انجليزي وهتتطوري جدا!
٣. متى تنصحوني ابلش ممارسة اللغة..الخ
انا انصحك انك تبدأي من دلوقتي حالاً كل ما بدأتي بدري اكتر كل ما كانت النتيجة احسن والله
- اي كلمة جديدة تعرفيها حطيها فجمل من عندك. كدا مهارة التحدث
- ممكن تكتبي كل يوم جملة بايدك او جملتين عن اي شي صار بيومك. كدا مهارة الكتابة
- ممكن تقري كل يوم قصة قصيرة جدا بصوتك حتى لو كانت تبع اطفال هتستفادي جدا. كدا مهارة القراءة حتى تزيد حصيلتك اللغوية ممكن تقري روايات سهلة، ولما تتطور اكتر ساعتها ممكن تقري كتب
- اسمعي قصص عاليوتيوب/شوفي كرتون بالانجليزي زي غامبول/ شوفي افلام اجنبية عادي مترجمة من النهردة. كدا مهارة الاستماع مهمة جدا
ولما تتطور عندك ممكن تسمعي بودكاست أو فيديوهات علمية، ممكن تتفرجي على فيديوهات علمية من دلوقتي عادي بالترجمة بتاعتها بس هتحتاجي تترجمي كلمات كتير مفيش مشكلة بس لازم يكون عندك صبر فائق
٥. حد بيدرس بطريقة غير تقليدية؟
انا بدرس من زي اميركان عادي + بقرا مقالات عن المواضيع التي بحبها زي الفضاء ولما اجي ابحث عن اي حاجة ببحث بالانجليزي + بمارس اللغة مع أشخاص ومتعلمين من دول مختلفة + بردو لما ابحث عليوتيوب ببحث بالانجليزي بس الصراحة مش بكتب كتير
أما فالتركي لسا تيتا تيتا ممكن اقرا/اسمع قصص قصيرة عندي سواء pdf او على تطبيق + بمارس اللغة هنا مع أعضاء طليق
انتي عرفة انا نفسي بجد نمارس اللغة انا وانتي بيوم من الايام ونقعد نفتح مواضيع مع بعض بالانجليزي بجد هتبقى حاجة ممتعة جدا
انا في انتظار هذا اليوم وفي انتظارك يا شهديد ماشي
ربنا يوفقك بدراستك وتبقى سهلة وجميلة وممتعة ويبعد عنك كل فكرة سلبية سيئة مزعجة متطفلة
