تقريباً كلنا مرينا بالحوار دا مع اختلاف الهدف
(دا واحد بيكلم نفسه أو بيكلم صاحبه مش هتفرق)
- عاوز أحفظ القرآن
* طب ما تحفظ حد ماسكك !
- أيوة بس انا عاوز اختمه في شهر
* سهلة احفظ كل يوم جزء
- أنت عبيط ! .. كل يوم جزء ازاي .. كتير
* طب ممكن تجيب كل يوم حزب وهتختم في شهرين
- برضو كتير
* طب أنا عندي اقتراح ... أي رأيك تحفظ كل يوم وجه وهتختم في سنتين إلا شوية
- سنتين مين يا عم بقولك عاوز اختم في شهر
* طب خلاص خليها وجهين وهتختم في سنة تقريبا
- برضو كتير ... بص أنا هحفظ كل يوم جزء
بعد خمس سنين
- يبنااي
* ايه
- عاوز أحفظ
* ಠಿ_ಠ ، يعني لو كنت اسمريت على نص وجه مش كان فاتك ختمت ؟؟!
لو قدامك تورتة عمرك ما هتعرف تاكلها في نفس واحد
ولو عاوز تبني جبل مش هتعرف تعمله في يوم
لكن لو رميت كل يوم طوبة هتوصل للي كنت بتحلم بيه