اهلا يا جماعة كيفكم عساكم بخير
انا لقيت في شوي تفاعل قلت أنزل منشور
خلاص انا عرفت الحل بتاع سؤال في اللغات اللي محدش جاوب عليه جزاكم الله خيرا
المهم، اختنا منال عطتني حل جميل وهو تقسيم الكلمات وحفظهم على فترات يعني، وللاسف لم تكن تعرف انني أكره الحفظ بشكل مباشر سواء كلمات او غيره واني أحفظ بطريقة مباشرة اجباراً لذلك أنا أكره شيء اسمه حفظ التاريخ والجغرافيا ألا لعنة الله على هذا النظام
بالتالي لو طبقت هالحل هكره اللغة التركية وانا لا اريد ذلك لاني احب اللغة التركية حبا شديدا
ف ابتكرت حلاً آخرا ممتعا هحفظ بيه الكلمات الكتيرة اوي، هتكون زي الألعاب
وسواء كنت بتتعلم تركي او لاااا، تقدر تشارك وياريت تشارك عشان يبقى في تفاعل اكتر ونحفظ الكلمات
اول وحدة هي: عد الكلمات :)
هحط صورة من دفتري التركي -درس معين- واللي هيكون فيه كلمات كتير وهقولكوا على كلمة معينة موجودة في الصفحة وانتوا تشوفوا الكلمة اتكتبت كم مرة في الصفحة وتقولولي
وتاني وحدة هي: تخمين الكلمات
بصوا أنا أكتب بيَدي اليمنى اللعبة بقا هتبقى بالايد اليسرى..
متستغربوش يا جماعة
هكتب كلمة معينة -في الاول بس-، بايدي الشمال ومهتمكم تحاولوا تعرفوا الكلمة دي وحروفها وتكتبوها في اجابتكم
وبعدين الكلمة هتتطور الى كلمتين..ثلاث.. اربع..خمس، ست.....
كل حروف الكلمة هتبقى مكتوبة ولكن الخط بالايد الشمال بيبقى وحش اوي ومش مفهوم وهي حلوة فكدا
وبس هما اتنين لحت دلوقتي
قولولي بقا اي رأيكوا؟؟ ولو فعلا هتلعبوا هبدأ فيها
لو في شي ما فهمتهوه قولولي
لو عندكم اي اقتراحات تانية اي افكار عايزين تضيفوها هتبقى حاجة حلوة جدا
ومتنسوش تقولولي رأيكوا لأنه مهم جدا
شكراً على قرائتكم إلى هذه النقطة.
