السلام عليكم ورحمه الله وبركاته
كيفكم واخباركم بشروني عنكم
عندي موضوع حابه اتكلم فيه وهي نصيحة من القلب والله واعتذر ايضا لو ذكرت احد بشخص عزيز وغالي رحل من هذي الحياة ولكن كلنا ع هذا الطريق
قبل شوي كنت فاتحة احد تطبيقات التواصل الاجتماعي وفجأة قرأت بالستوري عن وفاة وحده والله مااعرفها الله يرحمها ويغفرلها
فقلت اشاركم فضفضة بسيطة
الله يهدينا جميعا وانا شخص والله مش عالمة دين ولا متدينة حتى الله يهديني ويهديكم ولكن اتعلمت درس بعد وفاة صديقة لي من خمس سنوات انا وياها اعز اصدقاء وخبر وفاتها كان بالنسبة لي صدمة كبيرة كونها شخص عزيز ونطلع سواء ونجي سواء ونفس الافكار وبعمرنا مازعلنا من بعض راحت من الدنيا وكانت اخر مكالمة معي وفوقها كنت اراسلها واتس وصارلها حادث وتوفت الموت اخذها بلمح البصر
ولليوم هذا افقدها ولليوم هذا انادي احد خواتي بأسمها بلغلط تكون من كثر ماكنا دايم مع بعض وفاتها صح اثرت فيني وعلمتني انه الدنيا فعلا ماتسوى جناح باعوضه وكلنا راح نروح
ولكن علمتني دروس مهمه واهم درس علمتني اياه لم توفت كانت حسابات التواصل حقتها اعرفها كلها من اسم اليوزر للباسورد وكنت اسألها ليه ماتغيرين تقول عادي افتحيه واحتفظي بحساباتي من بداية ضهور مواقع التواصل الاجتماعي وانا بعرف كل شي عنها
وفعلا لم توفت رحت فتحتها اعرف صديقتي ماكانت تنزل شي بس كنت خايفة لو حافظة شي وتاخذ اثم عليه مثل اغاني او مقطع ولكن مالقيت كل اللي لقيته صديقات يسألون عنها ووين مختفيه وطبعا كنت احاول اجاوب انها توفت لكن كان صعب علي
ولم دخلت حساباتي حصلت نفسي مسويه تصاميم لمغنين واغاني وتمثيل حذفت كل شي وقسم بالله حتى قائمة الحفظ حذفت منها كل شي
مااقول هالشي مجاهره بمعصية لكن تعلمت اني ماانزل شي وابيكم ماتنزلون شي والله الواحد فعلا مايدري متى يومه يضحك ويسولف وثاني يوم مش بهذي الدنيا بقبره قاعد يتحساب
وهالشي نزلته بعد ماشفت انه البنت اللي توفت ومااعرفها خلت بنات يكتبون احنا تبنا لوجه الله واتخذنا قرار نحذف كل شي فتذكرت نفسي لم كنت في غفلة فأتمنى من الله يهديني ويهديكم وماعاد تنزلون شي فيه معصية
الله يرحمنا برحمته ويحسن خاتمتنا ❤️
واعتذر مره اخرى لو جرحت احد وذكرته بشخص عزيز رحل من هذي الدنيا
