First time here? Checkout the FAQ!
x

الملاحظات

قيمتك مش برقم

في تصنيف اسئله عامه
بواسطة طالب مبتدئ (331 نقاط)  
+9 تصويتات
147 مشاهدات

إن شاء الله تكونوا كلكم اتبسطوا وميكنش حد زعل

بس حابب انبه على نقطة مهمة جدا

عمر ما كانت قيمتك بدرجة

سواء كنت أول جمهورية او راسب عمر ما كانت قيمتك في درجة سنة

هتكلم عن ٣ نقط والتلاتة أهم من بعض

اولا .. للناس اللي  موُفقتش تحقق اللي كانت تتمناه

... عادي جدا .. طول ما الخسارة اللي انت خسرتها في الدنيا فعادي جدا طول منت لسا وقت الامتحان الاساسي بتاعك منتهاش بالموت فعادي جدا

أما بقا انك تسمي كونك محققتش التارجيت اللى كنت محدده بأن دا فشل او خسارة فانت غلطان جدا

اعرف ناس كتير جدا دخلت كليات (قمة) وسقطت بل وفي اللي سقط اكتر من سنة وساب الكلية خالص

وفي ناس دخلت كليات (الشعب) واجتهدت وبقوا دكاترة في الكلية او مدير بنك او او او

الكلية ممر للنجاح يعني لو قُدر ليك انك تدخل كلية زراعة وبقيت دكتور فيها هتحس انك مكنش ينفع تدخل طب او هندسة.. كل ميسر لما خلق له .. انت اجتهدت وعملت اللي عليك وربنا عارف ان الخير ليك في حاجة غير اللي بتتمناها .. وولو كنت قصرت فقدر الله وما شاء فعل

انت الوقتي على جسر على وشك الانهيار لو فضلت قاعد تعيط عليه عشان ضيعت اللي وراك هتلاقي انك انت كمان ضعت واللي قدامك ضاع بص للي قدامك وركز عشان توصل للقمة فيه وهنا فعلا تستحق يتقال عليك انك وصلت للقمة

ثانيا... بالنسبة للناس اللي حققت هدفها وجابت درجة كويسة

احذر ثم احذر انك تغتر او تفكر انك فعلا بقيت حاجة

انت لولا توفيق ربنا مكنتش وصلت لربع الدرجة وانا وانت عارفين الكلام دا كويس جدا

وخلي قدام عينك ان لو انت اغتريت او نفسك عجبتك فابشرك بالفشل في اللي جاي

مبقولكش متفرحش لا حقك تفرح وتتسبط وتخرج تشم نفسك لكن افرح بعقل ومترحش تفرح قدام صاحبك اللي زعلان

وأقرأ الكلام اللي قلته فوق عشان هيفيدك اختصارا للوقت

ثالثا بقا الناس اللي لسا داخلة ثانوية عامة ... افتكر اليوم دا كويس جدا وحطه قدام عنيك شوف اللي فرح وأهله فرحوا بيه وشوف اللي زعل واهله زعلوا معاه ... الجملة دي تقدر تقول انها ملخص لكلام كتير جدا

إياك ثم إياك انك تأجل درس لليوم اللي بعده نظم وقتك وادع في كل سجدة واقرن دعوتك بان ربنا يكتب لك الخير

من اول السنة نظم دروسك واحذر من انك تعد تبدل مدرسين في نص السنة لو لقيت ان المدرس مش نافعك في اول شهر غيره ومتعودش نفسك على التغيير معاهم

أسأل ع المدرسين الناس اللي قبلك ولو مدرس كله بيذم فيه مش شرط انك متنفعش معاه والعكس صحيح ومثال على كدا.. انا كنت باخد درس كيميا عند واحد المجموعة كلها ٤ وتقل وتزيد بس معدتش الخمسة نهائي وبالرغم من كدا يعني لولا فضل الله ثم المجهود اللي عمله معانا مكنتش هجيب خمس الدرجة اللي جبتها وانا اصلا كنت بكره الكيميا في ثانوي واللي كرهني فيها اني كنت باجل مذاكرتها لكن الحمد لله ربنا وفقني اني اروحله المدرس دا خلص لنا المنهج ٣ او ٤ مرات وحلينا تقريبا ٣ كتب بالمراجعات بتاعتهم ومن ضمنهم ارخم كتاب كان موجود ساعتها والعكس ممكت مدرس مشور بس مينفعش معاك  فأسأل اكتر من حد وشوف المميزات والعيوب وجربه بس بلاش تيجي في نص السنة وتغير

ويفضل انك متاخدش درسين في مادة واحدة

واهم حاجه الحل اللي انت بتحله بايدك مش اللي المدرس بيحله

وبالنسة للوقت انا كنت بنظمه بطريقة خاصة ممكن تنفع معاك وممكن لا

كنت بحب اذاكر بعد الفجر وكان عندي عقدة م الانجليزي فعشان كدا كنت بابدا يومي بيه - طبعا بعد الاذكار وبفضل تقرا لو ربع قبل كل مرة تمسك فيها مادة - كنت بروح درس مرتين في الأسبوع وكنا بناخد صفين كلمات وممكن قواعد او درس استماع كنت اخد تاني يوم من الدرس علطول الفجر اول صف احفظه واذاكر معاه الدرس وتاني يوم احفظ الصف التاني واراجع الاول تسميع واحل الواجب  وتللت يوم اللي هو يوم الدرس براجع الصفين واخد وقت راحة افطر فيه مثلا -وبلاش تفطر الا ما تذاكر حاجة- واجيب مادة اذاكر منها وراحة وهكذا (طبعا مستر ابراهيم لو عرف الطريقة اللي كنت بحفظ بيها الكلمات هيولع فيا او في الناس كلها لان كل الناس بتحفظ بيها تقريبا وهو حذر منها ههه اللي هي كلمات بس من غير جمل وكدا) المهم

النووووم .. لو مظبتش نومك اعرف ان يومك كله باظ

وحاول تنظم وقت الدروس حاول تجمع كل الدروس في يومين ةو تلاتة او ٤ بالكتير وبلاش تخلي بين الدرس والتاني ساعتين وهم الاتنين اصلا بعاد عن بيتك اه وحاول على قد ما تقدر تروح الدروس قريبه بلاش تضيع وقت في المواصلات  .. اه ووقت المواصلات دا استغله في حاجة مفيدة .. ذكر قران سماع محاضرة (مش مذاكرة عشان برضو متعرضش نفسك للعين او الحسد)

وبالله عليكم بلاش شغل الخباثة اه داري وكل حاجه لكن متكنش صامم المادة وتروح تصيح لصاحبك وتقوله مذاكرتش وهسقط ووو بلاش احباط .. وبلاش من الصياح اصلا بلاش تنقل طاقتك السلبية لغيرك (فليقل خيرا او ليصمت)

 لو اشكل عليك في حاجة اسال مدرس المادة فيها ومتتحرجش ممكن تروحله المكتب بعد الدرس وممكن في اثناء الدرس حسب هو لو سالته في الدرس هيحرجك عشان مبيحبش حد يساله ولا عادي

وحط قدامك دايما.... انك تكون غبي خمس دقايق احسن متكون غبي طول حياتك

بمعنى انك تبان غبي قدام المجموعة او المدرس وانت بتسأل على سؤال احسن متفضل جاهل باجابة السؤال طول السنة او طول العمر

ولو مدرس حب يحرججك عشان مش عارف السؤال وبتسال فيه حتى لو تافه قله اومال احنا بناخد درس عند سيادتك لي مش عشان نتعلم

وف نفس الوقت بلاش تكون زنان مش كل خمس دقايق سؤال متخليش المدرس يكرهك

وبلاش تخلي نفسك فريسة سهلة مترحش السنتر تكلم مع صاحبك فتخلي المدرس يحرجك وفي الحالة دي مش هتعرف تتكلم قصاده

حط قدام عينك دايما علاقتك مع ربنا وبرك لوالديك صدقني من غيرهم ومن غير دعوة منهم هتندم في الاخر

وتخيل بقا انك زعلتهم في مرة قاموا دعيين عليك

هل ممكن تتخيل انك هتنجح بعد كدا ؟!

وافتكر دايما المصاريف اللي هتصرف عليك طول السنة واوع تضيعها ع الفاضي اتعب وحاول توصل وافتكر دايما (إنا لا نضيع أجر من أحسن عملاً)

اخيرا بقا ودي مهمة جدا او تصدق اللي بيقلك اتعب في الثانوية ترتاح في الكلية... لا اتعب في الثانوية عشان تخش الكلية للي حاببها فتتعب بعد كدا في حاجة بتحبها

اسف ع الاطالة وفي حاجات كتير كنت عاوز اقلها بس نسيتها وفي حاجات اختصرتها

من فضلك سجل دخولك أو قم بتسجيل حساب للإجابة على هذا السؤال

4 إجابة

بواسطة طالب عالمي (8.4ألف نقاط)  
+4 تصويتات

كلام طوووووويل لكن مفيييد yes

بواسطة طالب مبتدئ (331 نقاط)  
اعتذر عل الاطالة
بواسطة طالب عالمي (8.4ألف نقاط)  
ماقصدت الإساءة
لكن طريقتي في التعليقات لمن
لايعرفني يظن استهزاء أو سخرية
هههههه
أحب المزح الا في الكلام فعلا جميل
ومفيد يادكتور
بواسطة طالب مبتدئ (331 نقاط)  
سلمت
لا بأس
بواسطة طالب محترف (4.1ألف نقاط)  
+4 تصويتات

الحمد لله علي كل شيء قدر الله وماشاء فعل اكيد اختيار ربنا خير محدش عالم لو علمنا الغيب لرضينا بالواقع ومبارك ليا ولكل اصدقائي الناجحين والي منجحش والله مش نهايه العالم كله عارف قد اي الامتحانات كانت صعبه وان معظم الي جابوا درجات عاليه بتوع تليجرام خصوصاا السنادي كانت نسبه غش غير طبيعيه وعيني عينك الحمد لله علي كل شيء ووداعا لاحلام مضت ومرحبا باختيار الله 

بواسطة طالب مبتدئ (331 نقاط)  
الحمد لله
خير
والله انا واحد قريبتنا مكنتش وفقت في ثانوي دخلت زراعة وحاليا دكتورة تخيلي كدل لو عرضتي عليها تدخل طب هل هتوافق؟
والله كلنا عارفين ان النظام فيه لخبطة كتير جدا لكن ان شاء الله خير
بواسطة طالب محترف (4.1ألف نقاط)  
الحمد لله علي اراده ربنا
اي كان الكليه باذن الله هثبت نفسي فيها وباذن الله تمريض يقضل علي تنسيق السنه الي فاتت او يقل كمان
لبه خير باذن الله
بواسطة طالب مبتدئ (331 نقاط)  
بإذن الله
بواسطة طالب عالمي (6.0ألف نقاط)  
+2 تصويتات
الحمد لله نجحنا فى الثانويه ..

لسه الواحد ليه احلام كتييييره محققهاش
بواسطة طالب مبتدئ (331 نقاط)  
الحمد لله
مبارك
إن شاء الله تحقيقها في اقرب وقت وعلى اكمل وجه
بواسطة طالب اسطوري (11.3ألف نقاط)  
+1 تصويت

السلام عليكم

كيف حالك أخي ؟

صحيح أن المنشور بدا طويلا , و لكنه كان مفيدا 

- علاقتك بالله ووالديك 

-ثقتك بنفسك 

- راحتك النفسية , ورصيدك المعرفي 

هي أهم الأشياء التي تقودك نحو النجاح 

وتوفيق الله في القمة ,و لا يأتي إلا إذا تقربت من الله 

لاتقل "هل أتقرب من الله فقط لمصالحي  " كأنك هكذا قوي الإيمان 

تقرب منه اليوم ,و لا تنسه غدا 

مبارك على كل الناجحين 

وفي كل حال , الله يكتب لكل شخص ما هو خير له , فهو فوق كل ذي علم عليم 

بالتوفيق للجميع smiley

بواسطة طالب مبتدئ (331 نقاط)  
احسنت جزاك الله خيرا
بواسطة طالب اسطوري (11.3ألف نقاط)  
اللهم آمين أجمعين
85 Online Users
0 Guest 85 Member
Today Visits : 31033
Yesterday Visits : 39440
Total Visits : 25893995

24.2ألف أسئلة

122ألف إجابة

152ألف تعليقات

27.3ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...