First time here? Checkout the FAQ!
x

الملاحظات

شويه دردشه

في تصنيف شات طليق
بواسطة طالب محترف (4.1ألف نقاط)  
+8 تصويتات
109 مشاهدات

السلام عليكم عاملين اي 

لما بتكون طاقتكم خلصت بتشحنوهاا ازاي؟  

 كمان ممكن لو كل حد يحكيلي عن موقف حصل معاه يعني حاجه كان بيتمناها وكانت فنظره مستحيل تحصل بس حصلت بكرم ربناcool

واخيرا بقي نتعرف علي بعض اكثر،  عندكم كام سنه وبتدرسوا اي ولو خلصتوا دراسه بتشتغلوا اي،  واي سبب تواجدكم الاساسي فالمنتدي هنا 

بالنسبالي فانا 18 سنه ودراستي فانا خلصت 3 ث وداخله  كليه ولسه مش عارفه هيكون اختيار ربنا ليا اي، وسبب تواجدي اني كنت حابه احسن مستوايا فالانجليزي والفرنساوي عشان كده ده اساس تواجدي،  وانتم؟ cool

من فضلك سجل دخولك أو قم بتسجيل حساب للإجابة على هذا السؤال

8 إجابة

بواسطة طالب مبتدئ (176 نقاط)  
+6 تصويتات
عن نفسي لما طاقتي بتفصل بفضل اسيب كل الناس واروح اقف على النيل في وسط الزرع وقت الشروق او وقت الغروب بعيد عن الناس وبحب اقول الأذكار في الجو دا وبيجيب نتيجة عظيمة جدا

 واللي بصراحة نفسي اعمله وهيضبطني جدا لكن الموضوع شبه مستحيل ... اروح اعمل خيمة ع البحر لمدة أسبوع بعيدا عن التليفون والناس
بواسطة طالب محترف (3.0ألف نقاط)  
+4 تصويتات
وعليكم السلام ورحمة الله وبركاته

بشحن طاقتي بكذا طريقة اني مارس رياضة او اطلع للخروج برا البيت او اني امارس شي هواية مختلفة او اخد راحة يومين واروح الغيط

كنت متوقع ما انجح في ثالثة ثانوي ولا انجح في اولى جامعة الحمدلله نجحت وربنا اعطاني حجات حلوة معاهم

احنا عارفين بعض ههههههه

سبب تواجدي الاساسي بالمنتدى هو دراسة اللغات ال محددها ومشاركة معلومات عنها والاستفادة
بواسطة طالب متميز (1.9ألف نقاط)  
+4 تصويتات
و عليكم السلام

كيف حالك أختي ؟

حسنا , أنا صانعة الأمل أحد أفراد آل طليق

هدفي تعلم أكبر قدر من اللغات , و كسب صداقة جيدة معكم

عمري في هذا الموقع , لم يتبقى له الكثير و يصبح سنتين

أشحن طاقتي بقراءة تعليقاتكم الجميلة

فقدت الأمل تماما في إمكانية تعلم أي لغة , و كسب صداقة جيدة

و لكن طليق أعاد لي ذلك الأمل و الحمد لله

دمتم سالمين

بالتوفيق .................
بواسطة طالب عالمي (5.9ألف نقاط)  
+3 تصويتات

و عليكم السلام عبير .. الحمد لله بخير .. و انتى اخبارك ايه ؟

لما طاقتى بتخلص بجرب اعمل حاجه مش روتينه زى مثلا اخرج من البيت شويه اقعد مع عائلتى نتكلم و نضحك كده يعنى .. ارسم مثلا لان الرسم ولله بيخطف الوقت جداااا بحس انى قاعده بس برسم من نص سااعه و اكتشف انو عدى ساعتين ههههه .. كمان بحب العب شويه ريااضه و كده او العب مع اختى مثلا جيم على الكمبيوتر و نتبادل الادوار و كده الموضوع بيكون مسلى شويه لان بيبقى فيه زى تنافس .. بكلمك و نقعد نرغى ساعتيين ههههه .. بدخل هنا على المنتدى اشوف الاسئله الجديده او ادخل الشات اتكلم مع الاصدقاء من بلاد مختلفه 

اى حااجه يعنى مش متعوده انك تعمليها داايما .. هو الملل الى انتى فيه داه طبيعى جداا لانى بردو بحس بالملل داه معظم الوقت بسبب الفتره الى كنا عايشينها ايام الامتحانات و كده بس اعتقد الشعور داه هينتهى بعد ما النتيجه بتاعتنا تظهر لاننا هننشغل بحجات تانيه تبع الكليه و كده و هنبدأ مرحله جديده فى حياتنا و هتحسى ان نشاطك رجع تانى 


بالنسبه للتعرف على بعض فإنتى تقريبا اكتر واحده عارفانى هنا laugh 

و سبب تواجدى فى المنتدى هو نفس سببك smiley

بواسطة طالب اسطوري (10.9ألف نقاط)  
+3 تصويتات

وعليكم السلام و رحمة الله تعالى و بركاته

الحمد لله بخير , و أنت يا عبير ؟ 

1* أشحنها بالنوم و أخذ استراحة عميييييييييييقة , ربما أشاهد فيلما أو مسلسلا , أو ربما أرسم أو أذهب لأتمشى قليلا و غيرها 

2* كانت أمنيتي منذ أن كنت صغيرة أن أصبح طبيبة , و كلما كبرت بدا لي أمنية أكثر من كونه حقيقة , و لكن و لله الحمد أنا الآن أسير في هذا الطريق الذي أصبح حقيقيا بفضل الله 

3*عندي 17 سنة و 364 يوم , لأن غدا يوم ميلادي ال18 بإذن الله 

انتقلت للجامعة و تم قبولي في كلية الطب و لله الحمد 

سبب تواجدي الأساسي في الموقع  يختلف بمرور الوقت 

فأول مرة أتيت إلى هنا كنت سعيدة بوجود طليق و إنشاء منتدى خاص بتعلم اللغات 

و أكثر ما أعجبني فيه هو تعرفي على البلدان العربية أكثر , و معرفة شعبهم عن قرب 

والآن أصبح طليق أفضل موقع بالنسبة لي 

إن شاء الله تبقى عائلة طليق تفيد و تستفيد دوما 

بالتوفيق للجميع smiley

بواسطة طالب اسطوري (11.0ألف نقاط)  
اولا كل عام وانتي بخير خدوجة مقدما
ان شاء الله تكون سنة جميلة وسعيدة عليكى حبيبتي
ثانيا . سعدت كثيرااا بدخلولك للكلية اللي تحلمي بها مبارك عليك ربي يوفقك بإذن الله
بواسطة طالب اسطوري (10.9ألف نقاط)  
آمين أجمعين يارب
إن كان مع طليق , فسيكون عاما لا مثيل له بلا شك
بواسطة طالب اسطوري (11.0ألف نقاط)  
+3 تصويتات

بشحنها خارج البيت ههههه لا يمكن اكون متواجدة بالبيت و طاقتي منتهية . بروح مكان ما رحته من قبل بس تكون معايا صديقة فرفوشة هي بيكون عليها جزء كبير في شحن طاقتي . اسمع موسيقي حلوة آكل اكله او حلويات جديدة طبعا بالشوكولا . 

واجمل طريقة بجد لشحن الطاقة ، مساعدة حد ما تعرفيه بيعطيك قدرة غير طبيعية وبيكون عندك طاقة تشغل مولدات الكهرباء هههههههه .. 

ان شاء الله ربي يوفقك للكلية اللي عوزاها وتتمنيها .. 

سبب تواجدي هنا بغض النظر عن دراسة اللغات ، السبب الاساسي هو المساعدة سواء مساعدة حضراتكم او زملائي بالعمل ..

بواسطة طالب عالمي (8.1ألف نقاط)  
+2 تصويتات

وعليكم السلام ورحمة الله وباركته 

لما طاقتي تخلص بروح اكل شوكولا laugh بطلع من البيت بقرًا كتاب بسمع موسيقى بستفز اي حد قدامي cool وكدا 

اسمي شهد 19 سنة وبدرس في جامعة ومش عارفة شو تخصص laugh 

سبب تواجدي هو تعلم اللغات ومعرفة معلومات اكتر وتكوين صدقات معكم 

يا رب كل الاصحاب يرجعوا

بواسطة طالب متحمس (1.0ألف نقاط)  
+2 تصويتات

نورتي الموقع كله يا دكتورة عبير متعرفيش قد ايه كنا قلقانين علي اختنا الكبيرة وبندعيلها تعدي ٣ث وربنا يكتبلها الخير كله واديكي الحمدلله خلصتي طمنينا عليك وانقلي خبراتك لأخوكي الاصغر اللي داخل علي سنة طويييلة laugh​​​​

بواسطة طالب محترف (4.1ألف نقاط)  
مساء الخير يا محمد اخبارك اي انا الحمد لله بقيت احسن
الحمد لله خلثت منها ع خير المجموع الي جبته مش مجموعي خالص ولا عاوفه ده ازاي حصل بس قدر الله وماشاء فعل  ربنا رايدلي حاجه حلوه
لو هقولك نثيحه يا محمد خد السنه عادي متبداش تضغط ع نفيك من اولهاا خدها براحه واو خلصت المهام الي محددها فيومك خلاص العب اخرج اعمل حاجه بتحبها بس متضيفش مواد تانيه بره جدولك
كمان شويه بشويه ذود مذاكره وخد فبالك من اول شهر واحد وهتحس ان السنه راكبه صاروخ وان الامتحان كمان كام يوم
واخيرااا يا محمد يوم النتيجه افرح بقضاء ربناا اي كانت النتيجه لو رضيت ربنا هيراضيك يا محمد بس باذن الله تحقق مراضك ويكون نصيبك افضل طبيعي هنزعل لو محبناش الي بنتمناه اناا ثوت عياطي مرات عمي فالدور الي تحت سمعته وجات تجري تشوف حصل اي بس فنفس الوقت زعل بقوله الحمد لله ع الي جابه
طالاما عملت الي عليك افرح بنتيجتك وباذن الله هتيجي زي ما عايزها بس ما تبطلش تدعي
ونصيحه مهمه اوييي هتلاقي غش قدامك فكل ناحيه هتشوف بعينك ويمكن تتيح ليك الفرصه كمان بس افتكر يا محمد انت لو غشيت فامتحان زي امتحان ثانويه وجبت مجموع عالي مش بمجهودك فانت كده يرقت اه سرفت سرقت مكان حد تاني والوظيقه الي هتتوظفها هتبقي حرام وحتي المرتب فحزء منه حرام ده ناهيك عن عذاب الاخره
واخيرا اعمل الي عليك ومتجيش ع نفسك اويي عشان نفسيتك وبس وارضي بقضاء ربنا وافرح بالي جالك سواء كان مجموع عالي او لا لقدر الله
ربنا يوفقك ويعديك منها ع خير
بواسطة طالب متحمس (1.0ألف نقاط)  
الف حمدالله على السلامة والف مبروك انك عملتي اللي عليكي بمجهودك الخاص هي دي اهم حاجة يقول الله عز وجل ((إن الله لا يضيع اجر من احسن عملا)) فأبشري أن كل اللي جاي خير إن شاء الله وعلي فكرة انتي مش لوحدك ناس كتيرة اوي اعرفها شخصيا جايبين درجات نازلة جدا ودي حرفيا مش درجاتهم ولا تمثلهم في شئ فالحمدلله علي كل حال واللي يجيبه ربنا كله خير
يااااه وحشني اوي الاستاذ ناصر متعرفيش أخباره ؟
بواسطة طالب اسطوري (11.0ألف نقاط)  
عبدالله مبسوطة أوي أوي اني شوفتك هنا ، عامل ايه يارب تكون زي الفل
انا بقي مش هتكلم بالدراسة ولا التعليم لما يبقي تعليم محترم يليق بالبشرية وقتها نحكي فيه
عبير حبيبتي ربي يسعد أيامك ويبعد عنك كل هم وحزن نصحصح كدة ونشوف اللي جاي لأنه الأهم
سلمي كتير علي بسمة .
بواسطة طالب محترف (4.1ألف نقاط)  
الله يبارك فيك يا عبد الله والله حصل انا في صحابي والله والله كنت منتظره اشوف اسنائهم من اوائل الحمهوريه وكنت بدور عليهم فالاسماء لما نزلت وفالاخرجايبين فاول فالستينات
والله انا ما عارفه مجموعي حتي ممكن يدخلني اي الحمد لله ع كل شيء
استاذه رومانتيك اخبارك اي،  والله نظام زفت اتظلمنا فيه حلينا كتب الدنيا داخلين بكتاب ومفيش كله جات والله لو كان كل حد بيحل بماجهوده فالنظام ده وفالاسئله دي لكان الطب اخذ اقل من 70 فالميه
حضرتك شوفتي ال 3 عائلات الي فالصعيد كل عيله فيها حوالي من 15 ل 20 حد فثانويه عامه وكلهم جايبين فوق ال 90 فالميه ومعدين مجموع طب بمراحل وكل دول غاشين ده فيه غيرهم كتير اويييييي كمان وفالنهايه حسبي الله ونعم الوكيل وكفي
بواسطة طالب اسطوري (11.0ألف نقاط)  
نعم نعم شوفتهم حبيبتي دول بقي عباقرة الزمن ههههه مش فاضيين للمذاكرة وشعارهم يحيا الغش
شوفي عبير لو كنتي فاكرة انه الكلية ايا كانت هتجعلك بعد التخرج برنس في التخصص تبقي غلطانة
حتي اللي جايب 99% ده اي كلية عاوزها مش هتنفعه نهائي بالعمل لازم ثم لازم الممارسة والتعليم الذاتي
دلوقتي سوق العمل بينظر بس للمهارة مش انت واخد كلية ايه
حبيبتي انسي اللي فات رجعي ثقتك بنفسك وقفي اي حوار نعائي عن الموضوع ده ركزي في اللي ناوية تتعلمية بنفسك وتكةني متميزة فيه والشاطر اللي يضحك بالاخر . اللعب لسة بيبدأ الناس اللي جايبن فوق 90 صدقيني دول عبأ علي الدولة ما هم الا منظر بس للسوشيال تعالي كدة افتحي معاهم موضوع حيوي هتلاقي العقل فله فاضي .. انتي مكانهم وزملائك تتفوقي عليهم بالمناقشة
اتفرجي عليهم بعد كام سنة دول هيكونوا فين وانتي هتكوني اتعلمتي ايه بالذاتك وهتروحي فين . فرفشي وانسي

وانت عبدو نصيحتي لك ما تتعبش أوي صدقني ركز بس علي النقاط الأساسية في كل مادة واشرح لنفسك بلاش التعب زيادة عن اللزوم وشوف اختبارات الكام سنة اللي فاتوا .
76 Online Users
0 Guest 76 Member
Today Visits : 10041
Yesterday Visits : 34609
Total Visits : 21873325

23.6ألف أسئلة

121ألف إجابة

148ألف تعليقات

26.8ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
...