First time here? Checkout the FAQ!
x

الملاحظات

إياك ثم إياك انك تأجل حاجة

في تصنيف تجارب شخصيه
بواسطة طالب مبتدئ (333 نقاط)  
+9 تصويتات
345 مشاهدات
إياك تعود نفسك على التأجيل

لو فضلت تأجل في الحاجات البسيطة هتلاقي ان حياتك كلها تأجيل

تعويد النفس على العادة سواء حلوة او وحشة بيبدا بحاجة بسيطة وطول ما انت في اول الطريق فسهل جدا انك تتراجع

لكن لو خضت شوط كبير في العادة صعب جدا جدا انك تسيبها

عادة التاجيل بتبدا بتاجيل الصحيان من النوم ،تاجيل النوم، بتاجيل مشوار مش هياخد منك دقيقتين لحد ما العادة تستولى على كل حياتك فهتلاقي انك بقيت بتاجل المذاكرة وبتاجل حاجة لو معملتهاش هتضر جدا وهتلاقيك بتاجل الصلاة

..

لو معودتش نفسك من صغرك انك تعمل كل حاجه في وقتها هتتعب

متقولش احنا معناش صغيرين

لا احنا لسا في بداية الطريق احنا لسا نوصلناش لسن الاربعين والخمسين والستين (طبعا مقصدش بكدا اننا صغار ع الموت ، الموت مبيفرقش) ومهما كنت وصلت لمرحلة صعبة في التاجيل فلو ملحقتش تصلح نفسك الوقتي حالا المستوى هيسوء اكتر وهيكون تخلصك منها اصعب من الوقت

زيها بالضبط لما كنا في ثانوي كنت ملتزم بالمذاكرة لشهر ١٢ وبعد كدا بدات ازهق وامل م المذاكرة وصلت لنص ١ تقريبا ويعتبر ممكن تقول اني مبذاكرش بقالي شهر ونص سمعت فيديو لواحد بيقول انت لسا لحد الوقتي مبداتش ثانوية عامة ولسا قدامك الوقت ، طبعا مصدقتوش ، سمعتله فيديو تاني في شهر ٣ تقريبا طبعا التوتر زاد والضغط زاد لاني كنت متساهل في المذاكرة بقالي مدة طويلة كان بيقول فاكر لما قلتلك انك لسا مبداتش ثانوية وبقولك تاني الوقتي انك لسا مبداتش كل ما هتتاخر في البدء يوم الضغط هيزيد ساعتها اقتنعت جدا بكلامه وبدات بنص عزيمة لحد قبل الامتحان بشهر ونص تقريبا اشتغلت باكتر حاجه اقدر عليها والحمد لله

مش المقصود اني احكي القصة لكن لو كنت اجلت شوية كمان كنت هضغط اكتر وكان هيكون صعب اكتر اني اوصل

وانا بقول كدا الوقتي لان لحد الوقتي بعاني من موضوع التاجيل دا الى حد ما هو اكيد اقل من الاول بكتير الحمد لله لكن بردو لسا بعاني وإن شاء الله من الوقتي حالا هحاول اني معتش ااجل اي حاجه

وبقول كدا عشان لو حد بيعاني زي يبدا ومياجلش البداية

من فضلك سجل دخولك أو قم بتسجيل حساب للإجابة على هذا السؤال

5 إجابة

بواسطة طالب عالمي (8.9ألف نقاط)  
+4 تصويتات

مثل مابدعت yes في شرح الداء

نتظر منك الدواء يادكتور 

بواسطة طالب مبتدئ (333 نقاط)  
سلمت
الدواء اننا نعود نفسنا على التعجيل في عمل الحاجة طالما عزمنا (فاذا عزمت فتوكل على الله)
بتبدأ على فكرة بابسط الأمور مثلا انا عطشان مقلش شوية كدا وهقوم لا لو مش مشغول في حاجة منعاني عن اني اقوم اشرب (مكنش مثلا بصلي والشيطان جاي يقطع عليا صلاتي او مكنش بذاكر والشيطان او نفسي بتحاول تشغلني عن المذاكرة) المفروض اني اقوم اشرب وما ااجلش لو انا مثلا بدات دراسة وخدت محاضرة مقولش بكرا هذاكرها لا اول ما اخلص اذاكرها مجيش بقا ابدا مذاكرة الاقي نفسي تقولي شوف بس بوست ع الفيس واخرج اقوم فاتح فيس لا المفروض اني اقاوم وابعد التليفون عني ولو هذاكر عليه اشوف تطبيق مثلا يمنع دخول غير التطبيق اللي هذاكر عليه وفي تطبيقات كتير من النوع دا وفي اجهزة فيها الميزة دي من غير تطبيق
والاهم من دا كله الدعاء والاستعانة بالله
وحقيقي أنا في حاجات كتيييير جدا اكون عاوزها تتحق والحمد لله ربنا حققهالي بالدعاء ومياسش من اول مرة اقول ربنا مستجبليش لا افضل ادعي لحد ما تتحقق واختار الاوقات اللي الدعاء بيستجاب فيها زي مثلا قبل الفجر اخر ساعة من الجمعة قبل الفطار في أيام الصيام ولو عندي نعمة او لو حسيت بان في تحسن احمد ربنا (لئن شكرتم لازيدنكم )
بواسطة طالب مبتدئ (333 نقاط)  
وفي نقطة مهمة جدا
لو انا مثلا حاطط لنفسي خطة اني اقسمها لخطط اصغر عشان محسش ان مستحيل احققها
يعني مثلا لو قررت احفظ القران خلال سنة اثسمها لشهور وايام فانا يوميا هخفظ صفحتين يبقا يوميا احافظ عليهم واحاسب نفسي يوميا ولو قطعت مدة عادي جدا كمل تاني ومقلش بقا الجدول باظ وهبدا من اول
بواسطة طالب عالمي (6.0ألف نقاط)  
+3 تصويتات

السلام عليكم دكتور عبد الله 

كلام حضرتك جميل جداا و نصايحك جميله yes.. ربنا يبارك فيك و يجعله فى ميزان حسناتك 

انا كمان كنت زى حضرتك فى ايام الثانويه لحد شهر 12 كنت ماشيه تمام و بعدها بدأت ازهق و أجل و كنت اذاكر اسبوع و الاسبوع الى بعده مذاكرش و اراكم المذاكره و الحل و الواجبات لحد ما اتزنقت فى آخر شهر و كنت بذاكر بأقصى حاجه عندى و كان فى مواد لسه متراجعش عليها ولا اتحل امتحانات و كل بسبب هذه العاده السيئه .. ندمت طبعا على الى عملته

 لكن الحمد لله على كل شيئ الى حصل حصل خلاااص و ادينا مستنين النتيجه 

شكرا لحضرتك يا دكتور smiley

بالتوفيق 

بواسطة طالب مبتدئ (333 نقاط)  
قدر الله وما شاء فعل
ربنا يوفقك ان شاء الله وتحققي اللي بتتمنيه
بواسطة طالب عالمي (7.7ألف نقاط)  
+2 تصويتات

جميل جدا، بجد الكلام دا حقيقي وواقعي وصحيح

وعن تجربة انا كمان، بايام الدراسة كنت ملتزمة جدا وكنت بخطط لكل حاجة حتى العطلة قسمت كل حاجة وكتبتها ووووالخ، وما ان أتت العطلة بدا يقل الالتزام دا وبدات اسوف اشياء واتساهل واقول بعدين بعدين عادي مش هتفرق اول مرة والمرة الجاية مش هتتعاد.. بس كانت بتتعاد بصراحة.. كنت عرفة اني بسوف وبأجل ودا كان مدايقني، ولكن بنفس الوقت الديق دا كان نتيجته حلوة لانه خلاني اخطط مرة تانية واراجع حسابتي وزي ما كنت منضبطة بالاول ف ممكن اكون منضبطة تاني

وبردو ورغم كل هذا، انا عرفة ومتاكدة اني فيوم من الايام هرجع اسوف كم حاجة كدا مرة تانية​​​​​​smiley لكن النقطة المهمة هنا انك تكون مستعد للتسويف هذا، وتعرف تتعامل معه وتتخلص منه

والحمدلله، الان افضل من السابق باضعاف الاضعاف..

شكرا الك..

بواسطة طالب مبتدئ (333 نقاط)  
سلمت
ربنا يخلصنا منها خالص
بواسطة طالب متميز (2.3ألف نقاط)  
+2 تصويتات

السلام عليكم

كيف حالك ؟

لا الحمد لله حالتي ليست كحالتك 

بل أسوء !

أي أحد يعرف طبيب نفسي أو شخص مختص في هذا المجال 

يدلني , لأن حالتي مستعصية , و شكرا 

بالتوفيق......................

بواسطة طالب مبتدئ (333 نقاط)  
هههه
ربنا يصلح حالاتنا جميعا
العلاج بسيط جدا
بيبدا باني اقاوم نفسي واستعن بالله واحاول وكل ما اقع اقوم تاني
وبيبدا من الوقتي حالا يعني لو رايا حاجه الوقتي وانا بقرا التعليق اقوم قافل التعليق ومقلش هخلصه وابدأ
لما اكون نايم واسمع المنبه اول ما افوق اقوم مقلش خمس دقايق وهقوم
مقلش هبدا مذاكرة من بكرا
بواسطة طالب متميز (2.3ألف نقاط)  
مشكلتي كلها تكمن في الإستيقاظ باكرا
لأن الصباح بالنسبة لي يعد أفضل وقت و أنسب وقت للقيام بأغلب الأعمال
أليس كذلك ؟
بالتوفيق ..............
بواسطة طالب مبتدئ (333 نقاط)  
البعض يفضل العمل بالليل واليعض يفضل العمل بالنهار فالمسالة نسبية

بالنسبة لي افضل وقت بعد الفجر مباشرة


لاحل مشكلة الاستيقاظ عندي احدد عدد الساعات التي تكفيني للنوم ثم انام قبل الفجر بهذا الوقت وان لم يكن الوقت بين الفجر والعشاء يكفى اكمل بين الظهر والعصر وهذا ما خالفته انا الليلة لاستيقاظي في هذا الوقت  ⁦ ╯︵╰

خلاصة هذا الكلام النوم مبكراً
بواسطة طالب متميز (2.3ألف نقاط)  
طبعا , شكرا لك أخي على النصيحة القيمة
بالتوفيق.............
بواسطة طالب عالمي (8.7ألف نقاط)  
0 تصويتات
مساء الخير

كلامك صحيح وانا بعاني وبشدة من هاد مرض سميته مرض لانو تغلب مني ودمر حياتي حرفيا

انا بسبب تاجيل والمماطلة والتسويف جبت مجوع قليل في ثانوية عامة

وما زلت الى الان بعاني

وحتى باجل اني اتخلص من مرض هاد حالة عندي مستعصية للاسف

ويا رب اعرف اتخلص من هالمرض
بواسطة طالب مبتدئ (333 نقاط)  
عُدل بواسطة
ربنا يعينك وتتخلصي منه
استعيني بالله ولو وراكي حاجه الوقتي اعمليها ومستنيش
وكتري من الدعاء ان ربنا يخلصك منها
وتبعا بقا لموقعك الجغرافي تخيلي انك في موقع معين واجلتي المهمة المطلوبة منك اي اللي هيحصل سواء ليكي او للثغر اللي انتي فيه او للناس اللي حواليكي
انتي الوقتي يعتبر على ثغر بس ثغر سلمي شوية
بواسطة طالب عالمي (8.7ألف نقاط)  
مش  فاهمة اي دخل موقع جغرافي في موضوع
وما فهمت الى بعد كدا
ممكن توضح اكتر
بواسطة طالب مبتدئ (333 نقاط)  
حضرتك فلسطينية
او مسلمة قبل ما تكوني فلسطينية
بواسطة طالب عالمي (8.7ألف نقاط)  
ايوا انا مسلمة فلسطينية
شو دخل هاد
بواسطة طالب مبتدئ (333 نقاط)  
اقصد تخيلي انك في حرب وطُلب منك مهمة هل ينفع تأجليها؟ تخيل لو اجلتيها  اي اللي ممكن يحصل ليكي او للثغر اللي انتي واقفة عليه او لاخوانك المسلمين اللي في البيوت

اقصد ان كلنا في الحرب دي لكن مهامتنا بتخلف يعني اللي في الجيش مهمته بالسلاح
والصحفي مهمته بالجريدة والطالب مهمته المذاكرة
بواسطة طالب عالمي (8.7ألف نقاط)  
ايوا معك حق والله
125 Online Users
0 Guest 125 Member
Today Visits : 55372
Yesterday Visits : 56116
Total Visits : 44225506

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...