دلوقتي احنا مع بعض قدرنا -بفضل الله- نوفي بوعدنا و نخلص فيلم Frozen II بالكامل كشرح
للأسف حاليا أنا ممكن أختفي من على الموقع لأني داخل دراسة و مش أي سنة دراسية، أنا داخل ثانوية عامة (أسألكم الدعاء)، ولكن عايزين نكون جاهزين من دلوقتي انكوا تطلبوا مني أي فيلم (طالما مفيهوش أي حاجة حرام) و انشاء الله بعد الثانوية بتاعتي نشرح الفيلم دا برضو و نشارك مع بعض كل اللي نعرفه عن اللغة
و للناس اللي عجبهم الفيلم، أرجح طبعا تتفرجوا على الجزء الأول للي مشافهوش، و بعد كدا لو انت خلاص من الناس اللي حبوا Frozen أوي كدا زي حالاتي أرجح تقرأ الكتب دي
Conceal don't feel و دي رواية عن الجزء الأول من Frozen و لكن بأحداث مختلفة تماما، تحت شعار (What if Anna and Elsa never knew each other?)
رواية Polar Nights: Cast into darkness
و دي رواية أحداثها بتدور بعد أحداث Frozen II و لكنها ممتعة جدًا
(بصراحة مرجحش أوي إنك تندمج مع Frozen كدا لإن احتمال يكون في أخبار وحشة)
و الناس اللي بتحب الأفلام، فيه أفلام حلوة قوي ممكن تسمعها زي
Arrival
Mission: Impossible :Fallout
Alita: Battle Angel
Edge of tomorrow
Interstellar
Inception
Black Widow
و فيه غيرهم كتير، و مشاهدة الأفلام بدون ترجمة هي عامل مساعد قوي جدا في تعلم اللغة (خلي بالك انها مجرد عامل مساعد مش وسيلة للتعلم)
بالتوفيق للجميع
Thank you
