مجاتش عليا غن أقول رأيي فى طلاب طليق
أية حيدر ويوسف:
أول اتنين اتعرفت عليهم فالموقع وكنت مبسوطة اوى لما كلمتهم وحسيتهم اخواتى بجد مع إن البلاد بعيدة عن بعض وللاسف اختفوا ومعرفش عنهم حاجة ربنا يوفقهم
منال:
اختى مش صحبتى بس وكنا متفقين على إن انا وهى وأية نفتح كوافير هههههههه
وكنا فالشات بنتكلم مع بعض 24ساعة منزهقش بنات طيبين وجدعان جدا واتشرفت اوى بمعرفتهم
رومانتيك:
اول محررة اتعرفت عليها ومشوفتش منها اى حاجة وحشة بالعكس كانت بتساعدنى كتير اتشرفت بمعرفتها
وطبعا هى من محبين شيكولاتة بالبندق
A bonito menina و Loozh
الاتنين اخواتى قبل ما يكونوا صحابى معظم الوقت بنكون مع بعض ومش بنزهق من الكلام
Rana Amir:
عرفتها من سلسلة كانت بتشارك بيها وكانت مبدعة جدا وعرفتها اكتر فالشات
مخيمر :
معلش يا مخيمر مش عارفة اكتب اسمك بالانجليزى هههههههه المهم المبرمج مخيمر
كلامنا بدأ فى تحدى كنا متفقين عليه وبسبب التحدي دة شجعنى إن ادرس البرمجة
عبد الله التاج:
اخويا الصغير مع إنه صغير بس ناجح فحياته الحمد لله ربنا يوفقه
وصاحب سلسلة الشخصيات الكرتونية
جرير المنايا :
صاحب سلسلة بحر الحروف وشكله كدة مش هيكملها بس برضو مستنية السلسلة دى بفارغ الصبر ولو مكملهاش هعمل عليه مظاهرة بس شخصية محترمة واتشرفت بمعرفته
شهد الجدى :
دى حاجة تانية خالص اختى وصحبتى المقربة حاليا هى ومخيمر اكتر اتنين لقيتهم فوقت الصعب
اسيل :
مع إن لسة متعرفة عليها من قريب بس شخصية طيبة وجدعة جدا
ميرفت :
مع إن متكلمناش كتير بس دمها خفيف وبتتصرف بتلقائية ومش بتتصنع وطيبة ومحترمة
بس كدة يارب مأكنش نسيت حد ولو نسيت محدش يزعل منى لأن انتوا كلكم محترمين واتشرفت بمعرفتكم انتوا عيلتى التانية