Question

هل هنالك طريقة للتواصل مع الاستاذ ابراهيم مباشرة حول ما يخص مشاكل التطبيقات والحلول الالكترونية المقدمة ؟

الحقيقة ان ما يقدمة الاستاذ ابراهيم هو قيمة كبيرة ويعطي قدر كبير من الافادة لكل المتابعين وانا شخصيا استفيد مما يقدمه وانصح به اقاربي و اصدقائي .

ولكن على العكس تمام هو حال التطبيقات التي يتم من خلالها تقديم هذا المحتوى الثري (خاصة تطبيق طليق) ، التطبيقات بها مشاكل كثيرة ، وعند طرح حلول لحلها يتم الرد بان هذه الحلول غير قابلة للتنفيذ ، علما باني مهندس كمبيوتر وعملي مختص بتطوير تطبيقات الهاتف والمواقع الالكترونية والتعامل مع قواعد البيانات ولدي من الخبرة الكثير في هذا المجال ، فاعلم كيف تحل هذه المشاكل وما هي الطرق الانسب لعمل ذلك ، وحاولت ايصال هذه المشاكل وطرق الحلول عن طريق اكثر من طريقة ولكن لا حياة لمن تنادي ولم اجد اي استجابة ولا حتى تم حل المشكلة مع التحديثات .

الحقيقة اني حزين على ان يكون هذا المحتوى القيم والمفيد والثري لا يستطيع الناس الاستفادة منه بالشكل المناسب (وانا بنفسي تضررت منه) وان يتم تقديم هذه الافادة بهذه الطريقة السيئة ، التي لا ترتقي للمحتوى المقدم من خلالها .

لذلك اتمنى ان يكون هنالك طريقة اتواصل بها مع الاستاذ ابراهيم لتقديم المساعدة على حل هذه المشاكل الخاصة بالتطبيقات ليستفيد المستخدمون (وانا منهم) بهذه القيمة العلمية الرائعة التي يقدمها .

اتمنى ايصال رسالتي هذه واعلامي باي معلومات تتعلق بما ذكرت.

شكرا للاستاذ ابراهيم ولكل القائمين علي العمل ولكل من قرأ .

Answer 1

والله المستر مش ناسي وهو بيعرف يااخي ولكن المشكله مش هنا المشكله في التمويل هو قالها بنفسه فيه اشياء عاوز يعملها ولكن هو مش قادر بسبب الدعم المادي لانه زي ماحضرتك شايف كل شي بيكلف مبالغ واذا حاب تتواصل معاه كلمه ع اللايف واطرح حلك للمشكله هو عادةً يعمل لايف كل خميس

Comments

حل المشاكل الموجودة بسيط ، مش محتاج تكاليف ، وانا عرضت مساعدة بدون مقابل لحل الحاجات البسيطة ديه الي هي ماثرة بشكل كبير على كتير من المستخدمين الي منهم انا

---

جزاك الله خير وقلتلك مالك غير تكلمه باللايف

---

وثانيا اخي التيم صغير ع فكرة يعني شخصين ماسكين مونتاج تسع لغات وفيه ناس حاسبها المستر ابراهيم وهما مش بيأدو وضيفتهم وتركو الشغل وعملو يعني مشكله وراحو وهياخذو عقابهم من الله الان مش المشاكل فقط ع التطبيق حتى فيه لغات موقفه فياليت من حضرتك تشوف اللايف كل لايف المستر بيتكلم عن المشاكل وكده محفوظة هتحصل بالفيس ومشكلة الفيس بوك هو شالها من زا اميركان ومن طليق كمان والاشتراك اخي اعذرني بس انا وكثير طلاب الله يجزاهم الجنة من بداية الموقع وطليق بكل مواقع التواصل كتبنا لاتشتركو بالتطبيق لانه فيه مشاكل لحد مايتم اصلاحها وهو المستر قال هترجع فلوسكم  وبخصوص التحديث وحل المشاكل اخي الله يسعدك المستر والله اتكلم وقال عن الميزانية لانه هو ماراح يضيف تحديث لحل المشاكل والسلام هيضيف خصائص وحتى فيه تحديث كبير وعدنا فيه وقال جاي وقته بس عشان الميزانية لانه التحديث الكبير  تغيير جذري لكل شي وحل ان شاءالله لجميع المشاكل  
واخيرا اخي زي ماقلتلك افتح اللايف وشوف كل خميس هو بينزل لايف من الساعه ثلاث العصر بتوقيت مصر واحيان لو مافيه كهرباء ومقطوعه بيصور ممكن ع المغرب كده فانت تابع وابعت كلامك والله ينفع فيك عبادة ويجزاك عنا وعن كل مسلم خير

Answer 2

انا اتفق معك

بس مشكلة مستر هي فلوس ودعم لانو كله على حسابه تقريبا

وكمان الفريق معه صغير مش قد كل ده

يعني تخيل انو شخص واحد مسؤل عن منتاج لغتين

فموضوع موضوع دعم

ولكن ممكن تخبره عن حل موضوع في لايف فيس بوك كل خميس

Comments

عرضت مساعدة بدون مقابل لحل المشاكل الكبيرة الموجودة الخاصة بحسابات المستخدمين كمان تحديدا ، ولكن ايضا لم يكن هنالك اي رد فعل ، انا مش بشتكي انا عايز اساعد بس محدش بيوصل عرضي للمساعدة ده الي بدون مقابل علشان تستمر الفايدة

Answer 3

زيادة على ماذكر الأصحاب 

الهجمات المستمرة 

من الهكر 

Comments

ده موضوع اخر تمام ملوش علاقة بالي بتكلم عليه ، المشكلة ان محدش متخصص فعلا بيرد عليا اطلاقا ، انا عايز المسؤول عن التطبيقات او استاذ ابراهيم علشان اقدم المساعدة

---

أنا كنت من ضمن
فريق التحرير و عندي خبر بما أقول
اضافة إن الأستاذ أحمد
تكلم في منشور هنا في المنتدى عن
هذا الموضوع

---

قصدي ب(محدش متخصص) محدش متخصص في البرمجة او مهندس كمبيوتر رد عليا ، لان المتخصص في ده هو الي هيفهم كلامي والحل الي بقوله .

اما عن الهاكر عارف انه موجود بس مش ده الي بتكلم عليه ، واعانكم الله جميعا على ده ووفقكم .

واعتذر لو كلامي ضايقك او وصل بشكل غير الي اقصده .

---

شكرا
أنا إلا آسف إذا فهمتك غلط

Answer 4

بص يا أستاذ سامح...

عندنا نوعين من التطبيقات، تطبيقات خاصة بالشركات العملاقة زي Google و YouTube و دي تطبيقات بيتم العمل عليها من خلال فرق ضخمة من المطورين، و يتم بذخ الكثير من الأموال عليها 

و تطبيقات فردية، خاصة بالأشخاص، يتم العمل عليها من قبل شخص أو فرقة صغيرة، و لا يوجد بها تمويل كافي

و لذلك إن كان طرف المقارنة الآخر هو تطبيقات مثل Udemy أو Skillshare أو YouTube فهذه مقارنة غير عادلة 

أتمنى أكون وضحت وجهة نظري 

بالتوفيق

Comments

بص يا استاذ ، انا مهندس كمبيوتر والمجال ده شغلي من سنين لحد انهارده فانا عارف بقول ايه ، مش لسه محتاج حد يفهمني .
ثانيا جبت منين اني بقارن برنامج طليق بالبرامج الي قولتها ؟

واضح ان حضرتك مش في شغال في المجال ده ومش على دراية بيه ، لو في مهندس شغال في المجال ده قرأ كلامي ده هيفهمه كويس ، خصوصا ان المشاكل الي موجوده حلها بسيط جدا بس للي فاهم .

واصلا ديه المشكلة ان دايما الي بيرد حد بره المجال ومش عارف الدنيا ماشية ازاي ، علشان كده عايز اتواصل مع الاستاذ ابراهيم او حتى المسؤول عن الموضوع ده

وانا فالاخر بعرض مساعدة لحل المشاكل الي موجودة مش جاي ابيع حاجة ولا اطلب فلوس ، لاني انا كمان بستفيد من البرامج ديه

ومعلومة اضافية بس انا اشتراكي وفلوسي الي كنت دافعها في حساب راحت عليا علشان الحساب اتقفل ومش بيتفتح ومفيش حد تعاون معايا علشان نحل المشكلة

اتمنى يكون كلامي واضح وشكرا ليك

---

على فكرة انا أيوة لسه مش متعمق كفاية في المجال ولكن كل الكلام اللي قولته دا هو كلام المستر في فيديو سابق، و غير كدا أنا قلت "إن كنت تقارن" مقصدتش انك فعلا بتقارن بينهم
بس أتمنى حضرتك تعرض المشاكل دي هنا غير مشكلة الحساب لأنه يتم عمل تحديث لاصلاحها حاليا

Answer 5

السلام عليكم ورحمه الله وبركاته ❤️ 

مساء الخير ❤️ 

كيف الحال 

لا يوجد طريقه لتواصل حضرتك مع مستر ابراهيم مباشرة 

هل يمكنك اعلامي بالمشكله اللتي تواجه حضرتك في التطبيق 

بالتوفيق ❤️⁦(✿^‿^)⁩⁦ 

Comments

وعليك السلام ورحمة الله وبركاته
مساء الورد

المشكلة ان حسابي مش عارف افتحه علشان كنت عاملة بالفيسبوك ، ومش من الطبيعي ان الحساب كده يروح ويبقى المفروض اني اعمل حساب تاني خصوصا ان حسابي عليه ال progress بتاعي وكمان كان عليه اشتراك مدفوع ضاع منه نص المده للاسف .

ولو افترضنا اني هعمل حساب تاني فطبيعي هحتاج ايميل تاني فبرضو مش من الطبيعي اني اروح اعمل ايميل علشان اعمل حساب في حاجة اصلا عندي فيها حساب بايميلي ، غير ان كان في حد كاتب ان رقم الموبايل كمان مطلوب (انا مش فاكر لما عملت حسابي كان مطلوب ولا لا) بس هل هبقى محتاج اجيب رقم تاني علشان اعمل الحساب التاني كمان ؟!! طبعا كل ده مش صح ومش كلام منطقي .

انا بستفيد من البرنامج ومن الي بيقدمه استاذ ابراهيم ، علشان كده انا بحاول اساعد (وبدون مقابل) وقدمت حلول للمشكلة ديه الي شوفت انها بتواجه ناس كتيرة كمان (بما ان ده مجال عملي وتخصصي) ، وزي ما شرحت محدش متخصص بيرد عليا ولا حد بيوصل رسالتي ويقولي الرد ايه ؟ والي بيتقال ان الحلول ديه غير قابلة للتنفيذ وبس .

ممكن اعرف حضرتك مين ؟
وهل مسؤول/ة عن الموضوع ده ولا لا ؟

وشكرا

---

مشكله الفيسبوك للاسف ليس لها حل حتي الآن

رقم الهاتف يمكنك ان تضع اي رقم وهمي فقد اشار الاستاذ الي ان هذه الخاصيه سوف تلغي مستقبلا
ايضا يمكنك التسجيل عن طريق جوجل
شكرآ جزيلآ لك لتفكيرك في هذه حل هذه المشكله
هل يمكنني ان اعلم مع من تواصلت واخبركَ ان الحلول غير قابله للتنفيذ ؟  
كما ان الاستاذ والاداره يبذلون قصارى جهدهم لحل جميع المشاكل
انا من محرري موقع طليق
لدينا تواصل مع استاذ احمد حسابه على الموقع admin ستجد حسابه في خانه الاعضاء عند الضغط عليها
 وقد اوصلت رسالتك لا تقلق
بالتوفيق ❤️

---

- مشكلة الفيسبوك لها حل عندي باذن الله .

- تواصلت مع صفحة ZAmericanEnglish علي الفيسبوك .

- وفقك الله الاستاذ ابراهيم والادارة وشكرا لهم على ما يقدمونه .

- طلاما انك مسؤول هنا واوصلت رسالتي وعرضي للمساعدة للمسؤول ، فهنا ينتهي دوري ، وقد قدمت ما لدي .

شكرا لكم جميعا من القلب ❤️

---

ان كنت لا تستطيع مشاركه حل مشكله الفيسبوك هنا بالمنتدي يمكنك ارسال رساله خاصه الي استاذ احمد
https://bit.ly/3uRx6r9
ستجد بجانب الرتبه ارسل رساله خاصه اضغط عليها ويمكنك ارسال حل المشكه اذا اردت
ان شاء الله تحل جميع المشاكل في اقرب وقت
شكرا جزيلا لك ❤️