هههه صاي اسمحيلي
المهم فطناتك شوي و لالا؟
شوفي ماكيش فاهمة العلوم و الاونجلي , أقراي المواد اللخرين
ما تستهينيش بيهم , لأنو من قبل جبت معدل 15 , بلاك 70بالمئة منهم نتوع حفيظ
حفظي قد ما طيقي , و ديري اللي عليك , و تفكري بلي ربي ما يضيعش ألجهد نتاعك
و حتى بعيد الشر اللا ما خدمتيش , تفكري الآية اللي تقول .(و عسى أن تكرهوا شيئ وهو خير لكم )
أيا بالتوفيق
بصح قبل نحكيلك زوج قصص صراو معايا , ديت منهم جرعة نتاع أمل , و حكمة مفهومها أنو المهم تكوني راضية على الجهد اللي نتي تبذليه , ما يهمش المعدل , لأنو مجرد نقطة تنسايها مع الوقت , و كلما تتفكري حالتك كيفاه كانت دايرة تضحكي على روحك
قريت 5 سنين في ابتدائية , و في السنة الخامسة نتاع الصح السيزيام وقاع , صراو ظروف كانوا سبب في أني نتحول لابتدائية أخرى
تبدل عليا البروغرام , كنت ندي معدل 7 و لا 8 الماكسيموم , في الفروض نتوع العربية وقاع خدمت شوي , في الفرونسي ديت 1
و مانيش نزيد عليك ولا نقص , كان وحد الطفل يقرا ثم مقلل من قيمتي , لأنو داير في حسابوا بلي غي اللي ما يقراوش هوما اللي يتحولوا , صح كيما هاك , كنت نبكي بزاف , علاجال هذاك , فجأة جا السيزيام الأبيض فجائي ما قالولناش (قالوا للي كان عندهم إستدراك برك )
