First time here? Checkout the FAQ!
x

الملاحظات

طلب منكم لو هغلبكم

في تصنيف شات طليق
بواسطة طالب محترف (3.8ألف نقاط)  
+10 تصويتات
1.2ألف مشاهدات
انا مقرر اروح اعيش لوحدي بسكن بمحافظتي طبعا عهاد الحال لازم اتعلم الطبخ عشان اعرف اعمل اكل

ومن خلال خبرتي انا لازم افهم نظري قبل مبدا عملي عشان كدا هطلب منكم شرح نظري في كل ما يخص الطبخ ومصطلحاته واشياءه قبل مخش على فيديوهات واطبق

محدش يقلي اتعلم بالبيت امي مش راضية تعلمني عشان قال فكراني هتجوز قال ومينفعش انا اقف اتعلم طبخ

فمتضر اجي اطلب منكم هنا لو تكرمتوا يعني

من فضلك سجل دخولك أو قم بتسجيل حساب للإجابة على هذا السؤال

8 إجابة

بواسطة طالب عالمي (8.7ألف نقاط)  
+6 تصويتات

السلام عليكم ورحمه الله وبركاته ❤️ 

مساء الخير ❤️ 

كيف الحال 

اذا هيا بنا نبدأ  

قبل كل شيء سأعطيك كورس فِ الطبخ لكل يوم اعلمك فيه طبخه تدفع لى فيها مثلا ثمن 

المكرونه 20 جنيه 

الارز 30 جنيه 

الفراخ 50 جنيه 

اللحمه 90 جنيه لانها صعبه قليلا هههههه 

وكل انواع الطبيخ تكون ب 60 جنيه 

اذا كانت هذه الشروط تناسبك اذا هيا فلنبدأ 

امزح cheeky


اولا بما انك ستسكن بمفردك فهذا معناه انك سوف تعتمد على الاكل السريع بشكل كبير جدا 

مثلا المكرونه بالصلصه وايضا ساندوتش الجبنه المشهور والكشري وهكذا 

وعندما تريد ان تأكل الارز مع الدجاج او اللحمه هذا سيكلفك الكثير من الوقت ولكنه سهل جدا 

ان كنت تريد ان اخبرك طريقه تحضير كل هذه الاكلات فلا مشكله ابدا 

بالتوفيق ❤️⁦(✿^‿^)⁩ 

بواسطة طالب محترف (3.8ألف نقاط)  
ههههههههههههه فاتحين نفسي عالضحك اليومين دول
بصي اخرك ستين جنيه تمن الكورس ومكارمك فيها كمان
وثانيا مش هعتمد عالاكل السريع خالص خاصة المكرونة ممكن سندوتشات لاي حاجة خفيفة وخاصة بيض افضل عشان مش ناقص خلقة الاقي جسمي اختفى اساسا وهو مفهوش اقوم اجيب اكل سريع
لا كدا تمام اذا عالرز واللحمة مش هاكلهم إلا مرة في الأسبوع
تمام تعمليهم دروس ونحدد تمن الحصة بكام بس ما تافورييش قوي ههههههه
بواسطة طالب عالمي (8.7ألف نقاط)  
ههههههههههه تدوم
اذاً فلنبدأ اول شيء بما انك هتاكل بيض فأكيد هيكون مسلوق او بسمن وبسمن اسرع بكتير ولكن المسلوق اكيد تعرف طريقه تحضيره تضعه ف ماء وتتركه مثلا ربع ساعه او شيء ولتتأكد من نضوجه تخرج البيض من الماء بأي اداه ف المطبخ ثم تضعها ف طبق ان حف الماء من حوله في مده 10 ثواني فهذا معناه انه نضج لو حصل عكس كدا واخذ وقت اطول رجعه تاني للماء
اما بالنسبه للارز ممكن تحمره وممكن تسلقه
طريقه التحمير انك هتغسل الارز وبعدين هتحطه بمصفى او اغسله وهوا بمصفى وسيبه يتصفى كويس جدا وبعدين هتجيب اي حله وتحط فيها سمن وبعدين ضيف الارز وقلب لمده 5 دقايق تقليب مستمر او لو ايدك وجعتك ممكن تريح 15 ثانيه بس مش كتير لان ما يلزق ببعضه وبعدين بتحط مرقه الدجاج او اللحم بحيث يكون ارتفاع المرقه اعلي من ارتفاع مستوي الارز ب 3 سنتي المهم يكون مغطي الارز كله وبتتركه على النار حوالي نص ساعه لحد ما تحس انه شرب كل الشربه وكل هذه الخطوات بتكون النار هاديه فيها
والفراخ او اللحمه ممكن تعملها صنيه بطاطس وبتوفر الطبيخ وكله وبيبقا طعمها حلو جدا صراحه بتقطع البطاطس شرايح والبصل ومعاه طماطم تقدر تفرمها او تقطعها شرائح وبعدين بترسهم طبقات وبالقرب من النهايه بتحط الفراخ او اللحمه وبعديها طبقتين او شيء والتوابل والسمنه على وشها وبس وطبعا في البدايه يتحط الطماطم المفرومه عشان ما يتحرق
والمكرونه بنفس طريقه الارز بس لما تقلبها لا تضع الشربه الا بعد ما تاخد اللون الدهبي
والسندوتشات ممكن مع البيض جبنه او لانشون واكيد بتعرف تحضير الفول صح ولا ⁦。◕‿◕。⁩
بواسطة طالب محترف (3.8ألف نقاط)  
واو شكرا كتير يا الاء عتعبك ده مش عارف قلك اي طيب كيف تحبي تاخدي تمن الحلقة
بصي انا بحط البيض عالنار واسيبه يمكن قد متيجي فدماغي لكن الطريقة ال قلتيها دي اول مرة اعرفها ال هي ازاي اعرفه اتسلق كويس ولا لا صراحة انا بصفي المي المغلية واروح اضيف مي باردة واقشر بس ههههههه
الرز معقد شوية محتاج تركيز الصراحة هههههههههه
أم بالنسبة للفراخ دي امي بتعملها بشكل روعة وحمتيني وانا قاعد ههههههههه الصراحة اكلة لا توصف بس اول مرة اعرف انها طويلة كدا
مبحبش المكرونة فمش عاوز اعرفها
او الفول مين فمصر مبيعملش الفول ده الفول انا ال مسؤل عن تحضيره فالبيت وبسحرهم بيه بيبقوا عايزين يرموه فوجههي ههههههه
بواسطة طالب عالمي (8.7ألف نقاط)  
ولا يهمك انا هعطيك الكورس دا ببلاش بس مش عشان حاجه عشان انا طيوبه بس ههههه
انا دايما اضعهم وانساهم لحد ما الميا احسها اغلبها اتبخر وبس اقفل عليهم وقشرهم وبيكونو تمام
ف طريقه تاني للارز بس يكون مسلوق وهيا معروفه للدايت والرجيم واعتقد انها مش هتكون مغذيه ابدا
هههه كل الاكلات طويله او اغلبها وطبعا لا تنسي أن مش اي حاجه بتنجح من اول مره يعني ممكن تحرق الارز وتنسي الفراخ على النار كل هذا وارد يعني في كيك شفته على اليوتيوب بحاول اعمله انا واخواتي وعمره ما ظبط معانا بس بنضيع فلوسنا على الفاضي بس حتي لو بايظ كدا كدا بناكله هههههه
طبعااا الفول دا الاساس ههه تقدر تجربه بالطماطم او بالبصل او الثوم بس ابعد عن الثوم عشان صراحه طعمه مش لطيف اوي بس في ناس تحبه
بواسطة طالب محترف (3.8ألف نقاط)  
تسلمي يا طيوبة ده من كرمك طبعا بردهالك أن شاء لله
انا مرة سبت البيض ونسيته لقيته طرشق هههههههه مش عارف بتظبط معاكي ازاي
دايت ورجيم وات انا وزني ميجبش ٧٠ كيلو لسة هعمل دايت على اي على مفيش ههههههه
لا سهراية الكيك اتركهالي يعني سبحان الله انت مش عارفة تعمليها اقلك اي مرة انا واخوي الصغير شفنا طريقة عمل بلح الشام عاليوتيوب ومكناش نعرف انه بلح الشام فقمت انا واخوي عملناه وجهزناه وكلناه وهو سخن طلع طعمه يععع هههههه سبناه برد لحد الصبح وجه عليه نموس وبرده كلناه يدوب عرفنا انه بلح شام وكان طعمه روعة من الاخر باختصار ابعتيلي الكيكة دي وان ظبطها انا واخوي انت تقرري المفروض نعمل ايه كدة بدي مكافاة طبعا هههههههه
انا باكل فول عادي أو بالبيض النوعين دول بعملهم ام الاضافات التانية امي ال بتعمله بس بيعمل دماغ هههههههه بحب الثوم عالسلطة افضل
حصة طبخ مفيدة الله يكتر منها
بواسطة طالب عالمي (8.7ألف نقاط)  
هههه اذا بالنتظار الرد
ما في اي مجال للدايت ابدا لازم تاكل دهون كتير وبروتين
ههههههههههه ما شاء الله بجد كويس جدا يعني اكيد المره الثانيه طلع احلي وسبتوه لما يبرد
دا الواحد بيعك عك ف المطبخ وربنا اللي بيسترها والله هههه
لا تقلق مع الوقت هتكون شيف ماهر كمان ههه
بواسطة طالب محترف (3.8ألف نقاط)  
طيب بس تخبرينا أم يكون في مناسبة أو أي شي بكون جاهز ان شاء الله
ده الدايت متفاجئ مني ال هو احيانا اكل عيش ورز كتير وما ازيد بالعكس كنت بخس كمان هههههههه
لا معملنهاش تاني للاسف بس مقرر اعملها وان شاء الله هتطلع افضل من اول مرة طبعا مش زي جماعة كدا،  بهزر
انا مبرحش عند المطبخ إلا للشاي واللحمة حتى خلاص صرنا نجيبها عالصنية هلا عالشاي بس وهاد بيحصل فيه عمايل مرة اعمله وحش ومرة مسكر ومرة مظبوط،  وسعوا للفنان هههههههههه
بواسطة طالب عالمي (8.7ألف نقاط)  
بس كدا حاضر المشكله انك جاي باخر رمضان وخلاص العزومات عدت ههههه
ههه حصل حصل بس دايما يقولو الاكل ملوش علاقه بالوزن
احم احم شامه ريحه تلقيح كدا ههههه
لا الشاي هوا وحظه دايما هههه
بواسطة طالب محترف (3.8ألف نقاط)  
خلاص فاي حاجة غير رمضان تمشي برده ولو مكنش في في رمضان الجاي برده ان شاء الله ربنا يحيكم نردها فيه
مش علطول عمي لم بيقلل اكل بيخس جامد ولم يزود بيزيد انا بقا في الحالتين بخس هههههههههه
لا مش بلقح انا بتكلم على واحدة كدة متاخديش فبالك يعني هههههههههه
لا الشاي ده سهراية ومصيبة لو مشربتش امي شاي من ال بعمله فترة وجه مظبطش لم تطلبه مني تبقى عايزة تحدفهم فوجهي ههههههههه
بواسطة طالب عالمي (5.6ألف نقاط)  
+6 تصويتات
على رأى ألاء بما إنك هتعيش لوحدك هتعتمد اكتر على الحاجات السريعة

ولو عايز طبيخ اقدر اقولك بالتوابل السرية بتاعتى كمان اى خدمة

اول مرة من غير فلوس وهاخد بعد كدة بعد اى استفسار 100ج
بواسطة طالب محترف (3.8ألف نقاط)  
عادي هعمل بيض بسمن أو مسلوق وفول وطعمية أم حجات تانية هيحصلي بلاوي ههههه
اي ده توابل سرية كمان واو ماشي يا رؤى ال تشوفيه واكون ممتن جدا
انا هستغل اول مرة انت مافورة قوي في السعر حد قلك اني وارث يمدام
بواسطة طالب عالمي (5.6ألف نقاط)  
مدام مييييين يا نهار اسمر
بعد كلمة مدام مش معلماك حاجة ههههههه
بواسطة طالب محترف (3.8ألف نقاط)  
سوري طيب بدون مدام انا ما بعرف شو بتعني حتى خلينا انسة تمشي طيب ولا اخت وخلاص
بس بليز هيلب
بواسطة طالب عالمي (5.6ألف نقاط)  
ههههههه بهزر والله انا مزعلتش
التوابل السرية بتاعتى بصل مطحون وتوم مطحون وفلفل اسود وزنجبيل ومرقة دجاج الحاجات دى اساسية عندى
من غيرهم مفيش للاكل طعم
تحب تطبخ
اول حاجة تجهز كل حاجة علشان متتلخبطش
اول حاجة نعصر الطماطم بالكمية اللى انت عايزها
ونقطع بصل لو كبير هيكون اتنين او تلاتة بالكتير
ولو صغيرة يكون اربعة
تحمر البصل لحد ما يكون لونه ذهبى وتصب فيه عصير الطماطم وبعد كدة تحط التوابل وتسيبه لحد ما يتقل شوية
بعد كدة تحط الخضار اللى انت عايزو وتحط عليه شوربة (حساء) إذا كان لحمة او فراخ بس متكترش من الشوربة
وبس كدة بألف هنا
بواسطة طالب عالمي (5.6ألف نقاط)  
وانا من رأيي تخليك فى اى حاجة سريعة
بواسطة طالب محترف (3.8ألف نقاط)  
حاجة سريعة مش هتنفع مع بناء الجسم.
انا عارف بتهزري بس قلت يمكن
حلوين شوية نصايح دول هجبلك شوكلاتة عالخلطة السرية ولا يهمك بس توافقي اديها لوحدة هي كدة
هو لي مينفعش كتر شربة مينفعش اعصر لمون بس ههخخخخخ
الف هنا عليكي انت تشكري
بواسطة طالب عالمي (5.6ألف نقاط)  
بصراحة مجربتش اعصر ليمون
بواسطة طالب محترف (3.8ألف نقاط)  
الخاء ال في الاخر في السطر ال قبل الاخير بالغلط اسف
انا بعرف اعمل لمون عصير بس بقطعه غلط ههههههههه
بواسطة طالب عالمي (5.6ألف نقاط)  
ههههههه ولا يهمك انا فاهمة
بواسطة طالب عالمي (8.9ألف نقاط)  
+6 تصويتات

أنا مثلك ماعرف الا

شيئين 

النسكافيه        البيض المقلي 

ههههههههههههههه

بواسطة طالب محترف (3.8ألف نقاط)  
انا بعرف شاي كمان هههههه وبيض مسلوق احيانا طلعه بيشهي
بواسطة طالب عالمي (7.6ألف نقاط)  
+5 تصويتات
الموضوع سهل التطبيق ابسط من الشرح صدقني كلنا يالبنات كنا بنطبق بالمدرسة او بالبيت او لم نشوف طبخة بنعملها عادي الامر كله يعتمد ع (النفس )

بمعنى لم تطبخ اطبخ بحب واستمتع وانت بتطبخ واهم شي اذا تبي الاكل يضبط معاك لاتستعجل عليه دي نصيحة امي  لاتعلي النار قصر ع البوتجاز ع اخر شي

ياخذ وقت وراح تحسب بالبداية مش مشكلة بس بعدين لم تتقن الطبخ مش هتركز بالوقت ولا بشي

وهي تجربة صراحه ممتعه بس تتقنها هتحبها اكثر
بواسطة طالب محترف (3.8ألف نقاط)  
الكل بيحكيلي هيك وانا بخش في التطبيق وبلبس في الحيط
ده انا بقالي خمس سنين يسلق بيض وللان الوقت عندي مشكلة احيانا طلع البيض مش مستوي واحيانا اتركه بوووم ههههه
بواسطة طالب عالمي (7.6ألف نقاط)  
عادي والله بالبداية كل شي صعب وراح تشوف كل شي معقد لكن المسألة صبر لاتحسب وقت سلق البيض خليه ع نار هاديه جدا واحسب 15 الى 20دقيقه وكل شي باذن الله راح يضبط انت لاتستعجل قصر النار بس ع اخر شي
ومع الايام راح تتعود المسألة تعود بس
بواسطة طالب محترف (3.8ألف نقاط)  
منا بقلك بقالي كم سنة مو شهرين مثلا بس يلا هحاول برده شكله هقضيها بيض واريح دماغي هههههههههه
بواسطة طالب متميز (1.5ألف نقاط)  
+4 تصويتات
هههههه هههههه مش عارفه ازاي اعلمك وانا مش اعرف هههههه

انا مش اعرف اطبخ بس اشياء بسيطه بس انا احب اعمل حلويات وكذا هههههه
بواسطة طالب متميز (1.5ألف نقاط)  
طب مشاكل ايش احكيلي ⁦(◍•ᴗ•◍)⁩
شكرا شكرا وينور عليك⁦(◍•ᴗ•◍)⁩
بواسطة طالب محترف (3.8ألف نقاط)  
عندي ضعف بالقشرة الرمادية في الدماغ (وجه ضفدع)
وعليكي ربنا يزيد فيك وفي ال زيك
بواسطة طالب متميز (1.5ألف نقاط)  
ياا عيني ماهذا انا اول مرة اسمع بهذا الشيء ، كيف يكون ؟!
لا مش يزيدهم حتعبوا بترجمه اللهجه المصريه انا لحالي مكفيه هههههه
بواسطة طالب محترف (3.8ألف نقاط)  
ههههههه هاي محتاجة درس احياء شوفي يمكن الدكتورة شهد تشرحلك ياها
لا محنا هنعلمهم اللهجة لا تخافي
بواسطة طالب متميز (1.5ألف نقاط)  
دوم لضحكة يا رب
لا مش عاوزه اتعلم هيك اشياء انا اخاف منها
طيب علموني بل اول والله كريم ع البقيه

للعلم انا ما بعرف مصري غير المستر ابراهيم يعني مش سامعه لهجتكم من حد تاني للذلك عم اواجه صعوبه شوي ✨❤️
بواسطة طالب متحمس (1.1ألف نقاط)  
+4 تصويتات

انااا بحب الطبخ جدااا علي فكره قولي عايز تعمل اي وهقولك طريقتي wink

معااك الشيف بسمه اي استفسار يا فندم ههههههه

بواسطة طالب عالمي (8.7ألف نقاط)  
بسمه اخبارك طمنيني عنك ❤️
كيفك وكيف عبير سلميلي عليها كتيير ❤️
بواسطة طالب متحمس (1.1ألف نقاط)  
الحمد لله اناا كويسه وعبير كويسع انتي الي عامله اي ❤❤
وعامله اي فالمدرسه
بواسطة طالب محترف (3.8ألف نقاط)  
عايز اعمل فراخ محمرة وسلطة بس مبعرفش قطع الطماطم لول
بواسطة طالب متحمس (1.1ألف نقاط)  
قصدك الفراخ المسلوقه والمتحمره ولا البانيه
هقولك الاول المسلوقه وبعدين تحمرها
اول حاجه هتجيب الفراخ متنضفه وتغسلها كويس  بالليمون والدقيق والملح وبعد كده حات حلع وحط فيها الفراخ مع بصله متقطعه او ممكن سليمه بس اوعي تحطها من غير ما تقشرها بس لو هتحطها سليمه في بصل للشوربه بيبقي صغير حط اتنين مثلاا وقلب علي نار متوسطه لخمس دقايق كده علي مالفراخ تنزل مايتها وتاخد تشويحه بعد كده تنزل بشويه عصير طماطم  وتضيف مايه تغطي الفراخ وتحط ورق لور وحبهان وفلفل اسمر واابهارات الي انت عايزها بس انا مش بحب احط اكتر من ورق لور وحبهان وفلفل عشان البهارات متغطيش علي طعم الشوربه وبعد ماتغلي وطي النار وتسيبها تستوي براحتها ومتنساش تغطي الحله بعدين بقي يا سيدي لما تقرب تستوي حط ملح  ولما تستوي طلعها فطبق
وفي طريقتين للتحمير علي حسب مزاجك اول حاحه متحموه فالفرن ودي هتجيب معلقتين صلصه طماطم وتحط عليها معلقه زيت لو هتعمل مقدار ربع فرخه مثلا ليك فمعلقه صلصه كفايه
وتحط علي الزيت والصلصه شويه فلفل اسمر وملح صغيرين وتدهن الفراخ بيهم بعدين تحط الفراخ فالفرن تحت الشوايه لحد ما تحمر من فوق اقلبها علي الاتجاه التاني عشان تاخد نفس اللون  ودي طريقه صحيه جدا واحسن من الي متحمره فسمنه او زيت
بالنسبه للي متحمره فسمنه او زيت بالنسبالي انا مش بحب السمنه خالص فبحط زيت ووممكن تحط سمنه مكانه هتجيب طاسه وتحط فيه زيت او سمنه ولما يسخن الزيت هتحط فيه الفراخ تحمر اقلبها ع الجنب التاني بعد ما تحمر طلعها ورش عليها حبه ملح وحبه فلفل اسمر وخلاص بالهنا والشفاء
بالنسبه للسلطه مفيش اسهل منها اصلاا تجيب الطماطم والخيار والجزر والخس وتقطعهم قطع صغيره وتحط ملح وتعصر نصف لمونه وخلاص كده في الي بيحب يحط بصل وحاجات تانيه عادي بس دي السلطه الي بحبها ومش بحب الخضار الباقي
حاجه تاني عايز طريقتها؟
بواسطة طالب محترف (3.8ألف نقاط)  
بصي انا مقدر تعبك في الكتابة كل ده والله ومشكور عالمساعدة والطريقة بس انا بحب السلطة بخضار ده اساسي المشكلة مبعرفش اقطع المكونات
ومش عاوز زعلك بس تعبك مشكور جدا عالتعليق كله ده
بس انا كدة مش هاكل فراخ ولا لحمة طولة الشهر الا لو قعد معايا رصيد في الاخر اجيب جاهز مكداش مش ضروري عشان لو قعدت اعمل ده كله هيجيله انهيار عصبي هههههههههه
بس كفاية السلطة هحاول اعملها ولو غلط وشكرا يا بسمة
عايز اعرف في حجات في المطبخ كدة احنا كرجالة بالعادة منعرفهاش عشان بتحصلي حالة توهان شديدة لو حد قلي اسم حاجة انا معرفهاش ههههههه
بواسطة طالب عالمي (8.7ألف نقاط)  
يارب دايما تكونو بخير ❤️  
الحمد لله بخير دامكم بخير ❤️
صراحه شايفه ان بسمه مظبطه الدنيا ومش حرماك من حاجه المفروض تدفعلها قبل تدفعلي ههههه
بواسطة طالب محترف (3.8ألف نقاط)  
الله يكرمها بسمة والله عملت وزيادة خلاص كيف ما تحب ادفعلها ونتفق عالسعر وانا جاهز هي ما حرمتنا من شي وتعبت والله حرام ما نتدفعلها بس لم اقبض هههههههه
وانت بالف خير ههه
بواسطة طالب محترف (3.3ألف نقاط)  
+3 تصويتات
السلام عليكم ورحمة الله وبركاتة

أهلا بالشيف

بص حضرتك لازم تستخدم الأواني الغير لاصقة لأنها سهلة في الغسيل زي التيفال والجرانيت والاستسل ستيل ويبقي نوع كويس وتستخدم معاهم ملعقة خشب او سلكون وممكن تشتري منهم بالقطعة حلة واحده طاسة واحده وهكذا ده هيوفر معاك في السمنة والزيت وكمان الغسيل هيبقي سهل

أسهل حاجة تتعلمها في الأكل مكرونة وبانية فراخ وجبة مشبعة للغداء

البطاطس علشان تتطلع حلوه ومقرمشة لازم تحطها في ميه وخل وبلاش ملح علشان بيتاكسد مع الزيت حطه بعدين

بالنسبة للبيض المسلوق  أما بيطلع من الثلاجة تحطة في المية رشة ملح وخل  ويستوي علي نار هادئة علشان مش يفرقع  والوقت من ٥ دقائق إلي ١٥دقيقة حسب التسوية المفضلة لك وأما يستوي تحطة تحت الحنفية ميه

والملقي يفضل بالسمنة وبردوا علي نار هادئة

نصيحة لك تعمل أكل في البيت لأن الأكل بره مش حلو وعند الضرورة بس تأكل بره

إحنا معاك لو احتاجت اي حاجه

بالتوفيق ياشيف
بواسطة طالب محترف (3.8ألف نقاط)  
وعليكم السلام ورحمة الله وبركاته
عجبتني نصاايح الصواني هاخدها في الاعتبار عشان مهمة قوي
لا البيض تخطينا محنته شوي هههههه
مهو عشان كدة انا بسال ما بدي اكل من برا الواحد ميت خلقة اساسا هههههه
شكرا
وانا مش شيف عفكرة انتن الاساتذة
بواسطة طالب محترف (3.3ألف نقاط)  
بالتوفيق ارشح لك إيه حبيب ونادية السيد هتتعلم منهم وكوييسين جدا
بواسطة طالب عالمي (8.7ألف نقاط)  
+2 تصويتات
بعرف اعمل حليب وشاي

تحب اقلك طريقة هههههههههههههههههههههه
بواسطة طالب محترف (3.8ألف نقاط)  
بعملهم احسن منك كمان
انت ما بتعرفي تظبطي شي شكلك بتحرقي الشاي ههههههههه
بواسطة طالب عالمي (8.7ألف نقاط)  
ههههههههههههه كلام ده مش صح انا بعرف اعملهم كويس كويس بقا
127 Online Users
0 Guest 127 Member
Today Visits : 39316
Yesterday Visits : 56116
Total Visits : 44209463

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...