الفرق بين ( Come Back / Go Back ) :
♦️ أولاً : الأثنين من الأفعال المركبه ( phrasal verbs ).
♦️ ثانياً : الأثنين معناهم يرجع بس الفرق بقي هيرجع فين أو أقصد يعني المكان اللي هيرجعلو :
Come Back & Go Back = Return.
☀️ 1 : Come Back = Here
بنستخدم ( come back ) لو هتكلم عن الرجوع لمكان إنت موجود فيه وكلمة ( here ) يعني هنا.
فلنفرض مثلاً وعملت حفله كبيره أوي وعزمت صحابك كلهم وصحابك دول هيمشو من الحلفه بس قالولك هيرجعو تاني ، فأنت هتقولهم :
✳️ When will you come back?
هترجعو أمتي هنا يقصد الحفله يعني نفس المكان اللي كانو موجودين فيه ، وهما يردو مثلا ويقولو :
✳️ We will come back at ten.
☀️ 2 : Go Back = There
بنستخدم ( go back ) لو هتكلم عن مكان إنت مش موجود فيه ، ازاي يعني مكان ومش موجود فيه ،
فلنفرض مثلاً ربنا كرمك وبقيت غني جداً وذهبت تصيف فى المالديف فالإستقبال اللي فى الفندق هتسألك وتقولك :
✳️ When will you go back?
إنت هترجع أمتي تقصد بقي إيه البلد اللي إنتي جي منها هترجعلها أمتي.
✳️I have to go back in three days.
يعني مكان وإنت مش موجود فيه.
