الفرق بين ( love & like ).
I Like :
معناها إنك معجب بحاجة ( بس خلي بالك ) لسه مفيش "مشاعر حب". مفيش إرتباط عاطفي. سهل جداً تشوف عيوبها، وتشوف مميزاتها، وتكرها أو تحبها لإنك لسه في المنطقة الوسط بين الحب والكُره ومتعلقتش بيها.
I Love :
دي جملة مكانتها أعلى في المشاعر من ( I Like )
ومعناها إنك بتحب. يعني فيه إرتباط بالعاطفة حصل. ولو هتشوف عيوب اللي قدامك، ولو شفتها هتحبها برضو. لإنه بقى كل حاجة في حياتك.
ودا فرق مش متعلق بالأشخاص بس. نقدر نستخدمه كمان مع أي حاجة في حياتنا بنفس الفكرة.
✳️ Ex : I like pizza.
الترجمة : أنا بحب البيتزا ( بس هي بالنسبالي مجرد أكله، بس مفيش عاطفة شديدة بحسها وأنا باكلها، وعادي أستغنى عنها ).
✳️ Ex : I love pizza.
الترجمة : أنا بحب البيتزا ( بس هي بالنسبالي "مش" مجرد أكله وخلاص، لأ دا في عاطفة شديدة وأنا باكلها، بستمتع وبستطعم وبحس بالسعادة معاها، ومقدرش استغنى عنها
⛔ يعنى الخلاصه :
Like.
معناها معجب ( مع الأشخاص إعجاب وحب أخوي ومشاعر بريئة ).
Love.
حب المشاعر والأحاسيس ( حب فطري قوي ).
❇️ Ex : I like pasta ❤ ,but I love rice ❤❤.
❇️ Ex : I like tea but ❤ , I love Coffee ❤❤.
و طبعاً فيه الحب الفطري :
❇️ Ex : I love my Mom and I love my Dad.
حب الأب و الأم ده حب فطري مينفعش إستخدم لايك.
يعنى ماينفعش أقول :
I like you ,mom ❌
♦️ I love you , mom ✔
I like Allah ❌
♦️ I love Allah ✔
واللي أقوي من ( love ) كمان في الدرجة كلمة ( adore ) ( يعشق ).
وفي حب العبادة وده مختص بالذات الإلهية بس وهي كلمة يعبد ( worship ).
مع الأشياء لو إنت بتحب شئ قول ( like ) و لو بتحبه اوووي قول ( love ).
مع الأشخاص لو أنت معجب بالشخص قول ( like ) ولو بتحبه من قلبك قول ( love ).
