بسم الله الرحمن الرحيم، انا شخص أعيش في مونتريال وأرى وأسمع كثيرًا في المسجد وبين الشباب المسلم في المسجد وبعرف قصص كتير ناس: أعرف شخص معه ماستر مهندس ميكانيك ظل سنتين ما عم يلاقي شغل بعدين بلش يدرس برمجة اونلاين لحاله لأن هذا ما يطلبه سوق العمل وبعد فترة بدأ شغل غير مهم بمعاش قليل جداً.. واعرف غيره تخرج معه شهادة بالفيزياء كمان مفس الشي راح بعد الفيزياء عالبرمجة. هذه لمحة صغيرة…
في هذا الجزء من العالم، لا بدّ لك من شهادة من أجل العمل في أغلب الأشياء.
بالنسبة لما يقوله الأستاذ إبراهيم وغيرهم ممن يقولون أنّ الشهادة غير مهمة، وأنّ شركة غوغل وأمازون توظّفك دون أن تنظر الى شهاداتك، هؤلاء الشركات لا توظّف الا شخص عنجد متمكن من شغله، والدخول إليهم صعب جدا ، أعرف شخص تخرّج هنا أيضا وعمل سنتين خبرة وعلاماتو جيدة جدًا وقدّم طلب شغل على امازون رُفض مرّة كان قبل ما يتخرج (internship)، وبعد ما تخرج قدّم على أمازون فقالو له أن يعمل امتحان لوحدو على وقت ويعير وقت وأنه اذا ما نجح بهيدا الامتحان ما يعذب حالو يقدّم لعندهم لأن بالمقابلة سيكون الامتحان أصعب وما نجح الامتحان يلي لوحده، لهذه الدرجة الدخول صعب الى امازون، كما أنّه بحسب المدير تبع الفرع يعني مممكن المدير يطلب شهادة ممكن لا بس مش كل المدراء في امازون يقولون لا ضرورة للشهادة..
هؤلاء كلهم متخرجبن من أفضل جامعة في كيبيك جامعة McGill. وترتيبها العالمي يتراوح من سنة لأخرى بين ال ١٧ وال ٢٤ على العالم على حسب علمي.
واذا كان حدا بدو يدرس شي وبي حبو، لن يستطيع دخول المختبرات…. الا بشهادة. لذلك أرى أنه من المبكر جدا قول الشهادة غير مهمة الا اذا حضرتك درست المجال وقوي فيه من هلق..
واحد من ال ٣ المذكورين (المبرمج يلي درس برمجة ما قُبل في أمازون) قال لي كان هو وعم يعمل internship في أحد الشركات، شاف موظف صار له كذا سنة في الشركة كان عم يدرس وبدأ يعمل internship ف عجبه الشغل وترك الجامعة وضل هكذا كذا سنة إلى أنّه بعد فترة غيّر رأيو لأنه هو معو خبرة وأحسن من الذين تخرجو من جديد ولكن الشركة لا تزيد معاشه إلّا اذا كان معه شهادة، ف راح أكمل جامعة متل الشاطر هه. وهذه الشركة هي SAP الأولى في مجال البرمجة.
أعرف رفيق كان معي يالمدرسة نابغة ذكي كتير من صف السادس كان بيعرف كلّ شي أنا هلق عم آخدو بالجامعة بيحمل شنطة فاضية، أخوه كان فايت فيزياء بالجامعة سنة تانية وهو بيدرس يلي بياخدو اخوه - قولو ما شاء الله - يمكن تفكروني عم بالغ بس هيدا يلي شفتو منه وانا الآن بالجامعة اوقات بسألو بالرياضيات وبالفيزياء بي ساعدني. هو حاليا بالجامعة اللبنانيه بالنتظار يتخرج ليطلعلو منحة بعد كم سنة…. وهو يكره النظام التعليمي.. بس المشكلة أنه مجبور..
وما بي قول بس بدي اترك الجامعة/المدرسة بل درس كتير اونلاين وعلى يوتيوب وهيك….
ف على الأقلّ أقترح الى يلي عم يفكّر يترك الجامعة على الأقلّ يحاول هلق في وقت فراغه يشوف شو كان ح يعمل اذا ترك الجامعة ويبدأ فيه. كما أنّ النظام الأميركي والكندي نفس الشي والكثير من الدول تتبع اميركا ك بريطانيا على علمي وغيرهم…
كما إنّ إرضاء الأهل واجب ( ح يخافو ع ولادهم انو بدهم يتركو الجامعة ويروحو ع مستقبل مجهول الى حد ما ) ولا يحبّون إرغام أبنائهم وهاد الموضوع بيغل فكرهم كتير انا كنت عم قول لأخلي بدّي اترك انشغل بال أمي كتير…..
هل نختار ما نحب ام ننظر الى حسب المطلوب في سوق العمل؟ في رأيي اذا حضرتك ما كنت ذكي متل وفيقي وحابب وقادر الى ان تكتشف الذرة وأشياء جديدة وما كان عندك ميول الى ان تقوم بالدراسات العليا ف أحسن شوف شو بيطلبه سوق العمل بس كمان للزم يكون شي يعني ما بتنزعج انت وبتعملو.. مثلًا البرمجة صعبة جدا.. وكتير ناس بيتركو البرمجة ال coding ويقومون بالتغيير في داخل التخصص، حيث أن المبرمج بيقدر يعمل : project manager - technical support وغيرها من الأشياء.. كلو هاد مجال البرمجة بس مش كتابة الكود..
ف مفسالشي لو واحد عمل رجل اعمل (اقتصاد) ولم يحب الشي يلي عم يعملو، ممكن يغير التخصص عن طريق أخذ كم كورس مثلا المحاسب بيقدر يكفي finance/economics/ supply chain management… ف كمان من أهمية الشهادة انو لو ما حبيت المجال وبدك تغير ما بتطلع صفر ما بتعرف شي، بل بتاخذ كم كورس وخلص.
طبعا البرمجة صعبة كتير لإن دائما يجب ان تفكر كيف تكتب الكود بطريقة جديدة منها شي بتدرسو وبتشتغل فيه متل الرياضيات وغيرها.
اتمنى تكون وضحت الصورة، بانتظار تعليقاتكم/ استفساراتكم ^^
