السلام عليكم ورحمه الله وبركاته
كيفكم يا شباب ❤️❤️
اليوم هنشر ان شاء الله عن الفرق بين arrive at &in وبعتذر لأنى مش نشرت من بدرى فى شهر الطلقاء ❤️
ما الفرق بين arrive at و arrive in
طبعا الفعل arrive معناه يصل (في وقت او مكان) و حروف الجر المستخدمة معه at و in ، مش ينفع تقول arrive to خالص لان في الانجليزية انت بتصل في مكان و بالتالي مش ينفع تستخدم to ، طبعا فيه فرق بين استخدام at و in.
استخدم arrive at لما تكون تقصد تقول انك وصلت في جهة محددة ، يعني الامثلة دي هتوضح اكتر
I arrived at the public library.
انا وصلت الي (او نقول في احسن علشان تفهم المعني بالانجليزي) المكتبة العامة. هنا المكتبة العامة دي جهة او مكان محدد علشان كدا استخدمنا at
نفس الشيء ممكن تستخدم at مع الوقت يعني ممكن تقول
I arrived at the public library at 9:30 am.
استخدمنا at مع المكان (لانه مكان محدد) و مع الوقت كمان علشان وقت محدد.
استخدم arrive in لما تكون تقصد انك وصلت داخل بلد او مدينة او دولة بدون التحدث عن مكان محدد بداخلها ، يعني ممكن نقول
I arrived in Cairo last night.
ممكن تحدد الوقت عادي زي ما قولنا
I arrived in Cairo last night at 9 pm.
خلي بالك قولنا at 9 لان دا وقت محدد.
ممكن استخدام حروف جر اخري مع الوقت.
Michael will arrive in Cairo on Friday at 7 am.
هنا عندك 3 حروف جر ، متتلغبطش.
قولنا in Cairo لانها مدينة (مش مكان محدد زي محطة القطار او المكتبة او المطار) ، وقولنا on Friday علشان ايام الاسبوع بتاخد on. لو مش عايز تنسي موضوع ان ايام الاسبوع تاخد حر الجر on فكر فيها انك لو مسافر يوم الجمعة القادم و عايز تفتكر ممكن تكتب """علي""" النتيجة و تعمل دايرة بالاحمر علي اليوم دا و تكتب "سفر" مثلا :D و "علي" يعني on.
بعتذر كمان مرة لأن البوست عادى مش فيه الوان او اى شكل حلو لأنى مش فاضية ههههه
واتمنى أن المنشور يعجبكم
ودمتم فى امان الله ❤️
