First time here? Checkout the FAQ!
x

الملاحظات

أسئلة لايف اللغة اليابانية

في تصنيف اللغة اليابانية
بواسطة طالب جديد (22 نقاط)  
+11 تصويتات
623 مشاهدات
السلام عليكم ورحمة الله وبركاته

عاملين ايه يا رب تكونوا بخير^^

لو حد عنده أي أسئلة يكتبها وحجاوب عليها اللايف الجاي إن شاء الله

دمتم بخير^-^

من فضلك سجل دخولك أو قم بتسجيل حساب للإجابة على هذا السؤال

5 إجابة

بواسطة طالب متحمس (1.0ألف نقاط)  
+4 تصويتات
Konbanwa sensei.

ما الفرق بين  わたし و わたくし و あたし.

هل فقط من حيث درجة الاحترام، أم هناك أشياء أخرى ؟

ありがとうございます
بواسطة طالب جديد (22 نقاط)  
こんばんは
بعتذر عن الرد المتأخر
التلاتة معناهم أنا
わたし أي حد يقدر يستخدمها سواء كبير أو صغير، راجل أو ست
わたくし دي لغة تواضع، حندرسها قدام شوية
あたし استخدامه بيقتصر بس على النساء
بواسطة طالب متميز (1.8ألف نقاط)  
+3 تصويتات

السلام عليكم ورحمة الله وبركاته...

ازي حضرتك ...

يا رب تكوني بألف خير...

أنا كان عندي سؤال فضولي شويه وهو،متى سنبداء اخذ محادثات ولو حتى قصيره في اللغه اليابانيه،لان هذا مفيد جداً في انتقال اللغه للعقل اللاواعي كما قال الاستاذ ابراهيم،وكما حصل في اللغه الاسبانيه...

والف شكر لكمheart

بواسطة طالب جديد (22 نقاط)  
وعليكم السلام ورحمة الله وبركاته، الحمد لله بخير شكراً للسؤال، وبعتذر جداً على الرد المتأخر
إن شاء الله من الوحدة التالتة، حنبدأ في التحيات اليومية وتعريف النفس، فحيبقى في محادثات قصيرة في الشرح والتدريبات إن شاء الله
بواسطة طالب مبتدئ (245 نقاط)  
+2 تصويتات
سؤال قد يثير السخرية لكن ماهي المانجا بتفصيل؟انا عندي صديقة بتحب تقرأ مانجا كثيير لكن انا مش فاهمة المانجا دي جاية أو عاملة زاي
بواسطة طالب جديد (78 نقاط)  
المانجا عاملة زى الكوميكس كدة فصص مرسومة بس يابانية
المسلسلات الانمى بتبقى مانجا الاول وبتتحول لمسلسلات فى مانجا اسبوعية وفى شهرية والمانجا ممتعة جدا
بواسطة طالب جديد (22 نقاط)  
أبدا لا سخرية ولا حاجة، كل الأسئلة مرحب بيها
وبعتذر عن التاخر في الإجابة
المانجا زي ما أستاذة هاجر مشكورة جاوبت كده
وبيكون في تفاصيل في المانجا أكتر عن الأنيمي، وأحيانا الأنيمي بيتغير شوية عن المانجا الأصلية بتاعته، زي فكرة الروايات اللي بتتحول لأفلام كده
بواسطة طالب محترف (3.8ألف نقاط)  
+2 تصويتات

أهلاً وسهلاً بيكي 

نورتي المنتدى 

هل يجب حفظ شكل الرموز ؟

يعني لو حفظت طريقة الكتابة و المعنى فقط ، هل هذا يكون أسهل لي أم لا ؟

بواسطة طالب جديد (22 نقاط)  
أهلاً بحضرتك شكراً، وبعتذر عن التأخر في الرد
معلش ممكن توضحلي أكتر تقصد ايه؟ لأن المعنى بيكون ليه علاقة بشكل الرمز وبعد كده طريقة الكتابة كمان بتثبت أكتر
بواسطة طالب محترف (3.8ألف نقاط)  
لا عادي ولا يهمك  .
أنا زمان لما تعلمت اللغة اليابانية ، تعلمت طريقة النطق مثل ال ( pinyin ) في اللغة الصينية
هناك 3 أمور
الرمز
طريقة نطق الرمز
المعنى
إللي أنا عاوز أعرفه .
لو أنا حفظت مثلاً yōkoso يعني مرحباً بدلاً من حفظ الرمز (أكون أتقن فقط الإستماع و التحدث )
هل هذه الطريقة صحيحة أم الأفضل حفظ الرمز و طريقة نطق الرمز معاً ؟
بواسطة طالب جديد (22 نقاط)  
الطريقة دي كده ينقصها مهارة القراءة والكتابة، أي لغة بشكل عام عشان تتقنها بتحتاج تغطي الأربع مهارات الاستماع والتحدث والقراءة والكتابة فلو اعتمدت على السماع والتحدث بس حتكتب وتقرأ ازاي؟ والطريقة اللي حنمشي بيها إن شاء الله بتعتمد على ربط شكل الرمز بمعناه عشان يسهل تذكره، وعلى حسب الكانجي ممكن نكون خدنا قراءته قبل كده، زي مثلاً كانجي 人 بمعنى شخص، على ما نوصله في دروس الكانجي، حنبقى عارفين قراءاته كلها وكل واحدة بتستخدم مع ايه، فبيبقى أسهل تذكر الرمز بس، لكن طريقة عرض الرمز وقراءاته بشكل منفصل من غير وضع كل قراءة في كلمة أو جمل، الطريقة دي مش فعالة أوي وبتؤدي إن الكانجي بيتنسي بسرعة، لأن في قراءات لوحدها ملهاش معنى من غير ما تكون في كلمة،
وإن شاء الله أول درسين في الوحدة السابعة عبارة عن مقدمة عن الكانجي بالتفصيل، وحنمشي فيه إزاي وكل حاجة حابين نعرفها عنه
بواسطة طالب محترف (4.6ألف نقاط)  
عُدل بواسطة
+2 تصويتات

السلام عليكم ورحمة الله وبركاته

مرحبا أستاذة مريم

عندي سؤال بخصوص الفرق بين الكلمات التالية

Watashi wa, Boku wa

عندما اسمعها كلها يتم ترجمتها " أنا أكون "

ولكن هل هناك فرق بينهم ام أنهم نفس المعنى، و الفرق فقط من ناحية احداها أكثر رسمية من الأخرى؟

سؤال آخر:_ بخصوص مهارة القراءة ألاحظ كثيرا أن النصوص تكون صعبة في القراءة لانعدام المسافات بين الكلمات، فهل هذا طبيعي في البداية؟ و هل سنتدرب في المستوى الأولى على قراءة بعض الجمل البسيطة؟ لأنه مع انتهاء الوحدة الثانية نكون قد انتهينا من ابجدية 

Hiragana, Katakana

و شكرا جزيلا لك أستاذة مريم على مجهودك

بواسطة طالب جديد (22 نقاط)  
وعليكم السلام ورحمة الله وبركاته، بعتذر جداً عن الرد المتأخر
الاتنين نفس المعنى، ولكن الاختلاف إن わたし أي حد يقدر يستخدمه سواء راجل أو ست، شخص كبير أو صغير، وكمان فورمال فنقدر نستخدمه مع أي حد
لكن ぼく بيستخدمه الولاد فقط وكمان في السن اللي هو من أول الطفولة لحد ممكن مرحلة الثانوي كده، بعد كده حتلاقي الرجال بيستخدموا الضمير おれ بمعنى أنا بردو،
و ぼく و おれ مش رسميين فحتلاقيهم بيستخدموا مع الأصدقاء والناس القريبة

هو فعلاً الموضوع بيكون صعب شوية في الأول لعدم وجود مسافات، والمشكلة دي بتتحل بالكانجي  بس لحد ما نوصله حتلاقي الجمل الطويلة فيها مسافات بسيطة عشان تسهل القراءة وبعد كده مع الكانجي الدنيا حتكون أسهل كتير بإذن الله، والملام عن الجزء ده بردو موجود بالتفصيل في بداية الوحدة السابعة مع بداية الكانجي
وإن شاء الله بداية من الوحدة التالتة حنبدأ في التحيات اليومية وتعريف النفس، وحيكون في جمل كتير ومحادثات كمان
بواسطة طالب محترف (4.6ألف نقاط)  
おはよう ございます
لا عادي و لا يهمك خذي راحتك مافي تأخير ^_^
شكرا لحضرتك كثيرا، و حابه اشكرك على أسلوبك السهل و الممتع في الشرح، في انتظار القادم بإذن الله و إن شاء الله  نصل معك إلى مرحلة الطلاقة في اللغة.
ありがとう ございます  せんせい
بواسطة طالب جديد (22 نقاط)  
おはようございます^^
العفو على ايه، ربنا يكرم وأكون دايما عند حسن ظنكم، وبإذن الله نوصلها
^_^いいえ いいえ
51 Online Users
0 Guest 51 Member
Today Visits : 34141
Yesterday Visits : 41462
Total Visits : 42812356

25.4ألف أسئلة

124ألف إجابة

154ألف تعليقات

29.4ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...