Question

اولا بشكر حضرتك علي مجهودك وعلى تبسيطك للغه وعلي ان حضرتك خلتني اعشق اللغه وبنيت ليا الشغف والحب ومهدت الطريق وبنيت لي اساسيات اني اعرف اكمل في اللغه بمفردي بدون معلم 

استاذ عندي اسئله اتمني حضرتك تشوفها وترد

1/ استاذ ابراهيم قال اننا في طليق بندرس لهجه العاصمه ولكن برلين تقول ال (ch (ck

2/ مرعوب من اللهجات ومن كثرتها واختلافها عن اللغه الفصحي خصوصا سويسرا وبافاريا تنصحني كيف أتعامل معها لاحقا

3/ ان شاء الله مخطط اني هشتغل في call center باللغه اذا ربنا اردا،، وكل ما هحتاحه اني اكون قوي في المحادثه تنصحني بأي عشان أقوى المحادثه بسرعه

4/ اختصارات الالمان في الكلام و عدم نتطقهم لنهايات الكلمات كيف نتكلم مثلهم

بعتذر لكثره الاسئله

Answer 1

السلام عليكم ورحمة الله وبركاته.

حظا موفقا Youssef، و أتمنى أن يكون هناك بث مباشر للغة الألمانية في القريب العاجل باذن الله.

ماذا عن الكيمياء ؟ ظننت أنك تريد التخصص بها ؟ وفقك الله لما فيه الخير الكثير لك. ( أو على قول والدتي، جعل الله لك في خياراتك كل الخير كيفما كانت، و جعلها هي الخير بذاته)

Comments

وعليكم السلام ورحمة الله وبركاته
ولكي بالمثل اختي naimarocco ربنا يرزقك بكل خير
انا اصلا ربنا ما اراد اني ادخل ثانوي علمي ودخلت ادبي ومقدميش خيار كليه الكيمياء لذالك انا خلاص ناوي ان شاء الله علي فلسفه او علم نفس او ألماني ولكن الأغلب فلسفه وبعدين انا موضوع الشغل call center باللغه ده هيكون أفضل من الكيمياء بكتير من حيث المرتب في مصر اضعافه و هيكون شغل في فتره الكليه بس لانه مش مكانه اجتماعيه كويسه و اما بعد الكليه فا لسه ماخطتطش فا ربنا يسهل الأمور ويوفقنا أجمعين ان شاء الله

---

ممكن طلب،،، قولي الدعوه بتعت والدتك باللهجه المغربيه كدا،،، انا بحب لهجتكم جدا لدرجه بسمع راي مغربي وراب مغربي،،، والله خوتي كنموت علي هالهجه بزاف

---

ههههههه الدعوة بالأمازيغية و ليست بالدارجة المغربية. لأن أمي أمازيغية.
ممكن أترجمها.
الله يدير ليك الخير فين ما مشيتي و فللي درتي، و يديرو هوا الخير براسو.
قد تجدها صعبة بدون تشكيل. (براسو حرفيا برأسه، لكن عندنا تساوي كلمة  بذاته / درتي = فعلت / يدير = يفعل أو يعمل)

---

ربنا يوفقك كيفما كان خيارك، وتوجهك إن شاء الله.

---

اللهم امين اجمعين يارب العالمين
الله يحفظلك والدتك

---

اللهم آمييييين، و لك المثل.

Answer 2

ربنا يكرمك يايوسف وتحقق اللي بتتمنه

Comments

يارب يافاطمه اللهم أجمعين

Answer 3

هجاوب باللي اعرفه الى ان مستر مصطفى يشوف السؤال ويجاوب

1-اعتقد انه الموضوع مجرد لغة شارع "عامية" ولغة فصحى مش اكتر

2-الاختلافات مش كبيرة اوي بين اللهجات زي في مصر كدا مثلا فيه صعيدي وعامي وهكذا واللغة العربية نفسها فيها سوري ولبناني وعراقي ومصري الخ

وممكن فيما بعد اتقان اللغة ناخد كورس لهجات والفرق بينهم فيه كورسات لكدا بالفعل ع الانترنت

3-بالنسبة للمحادثة فهي ممكن تقويها عن طريق الممارسة الكتيرة والسماع ودايما تحاول تعرف كلامك اللي بالعربي هتقوله ازاي لو عايز تقوله بالالماني وهكذا

4- بالنسبة للموضوع ده فهو هتيجي بالممارسة لو فيه اختصارات في كلام معين

بس عموما الالمان بيوضحوا كل كلمة وكلامهم واضح جدا حتى لو بيتكلموا بسرعة تقدر تميز كل كلمة

اتمنى تكون مغلطتش ف حاجة وقدرت اساعد

Comments

السلام عليكم ورحمة الله وبركاته
شكرا علي إجابتك اخي
اخي اللغه العاميه غير اللهجه،، اللهجات لا تحصي في الالمانيه ومختلفه لدرحه اختلاف الكلمات عن بعض
وثاني شي ما في شي اسمه كورس لهجات، اللهجات بتتسمع بس و بيبقى في فيديو او اتنين بيوضح فروقات شائعه بين اللهجه دي والفصحي وده قليل

---

اللهجات كبيرة فعلا ولكن مع الممارسة مفهمومة
وثانيا لا فيه كورسات للهجات عادي وليكن الالماني بالنمسا مختلف قليلا فيه كورسات بتبقى للالماني بلهجة النمسا فقط عادي
 والفروقات بتكون كبيرة بعض الشئ