السلام عليكم
انا اختبار الايلتس بتاعي في اول شهر 3 يعني قدامي 3 شهور عشان امتحن وانا حاليا مش عارف اعمل ايه أنا خلصت اول كورسين في المستوى الاول في ذا امريكان انجلش القواعد والكلمات وبقيت كل ما اعمل اختبار تحديد مستوى يديني B1 وعملت اختبار تجريبي جبت في القراءة 3.5 والاستماع 5.5 والتحدث 6 والكتابة 5 ف ال overall بتاعي 5 بس الجامعة اللي انا هقدم فيها عايزة 6.5
فمش عارف اعمل ايه دلوقت او احضر نفسي ازاي انا فكرت اكمل الكورسات اللي في المستوى الاول امشي فيهم كلهم بالتوازي يعني كل يوم حلقة من كورس الاستماع والصوتيات والقراءة والكتابة وبعد ما اخلصهم ادخل في المستوى التاني واخد منه على قد ما اقدر بعدين ادخل الامتحان بس سمعت حد بيقول لازم تحل اختبارات تجريبية كتير فمش عارف احل ازاي وانا لغتي لحد دلوقتي مش كويسة
اسف على الاطالة ولكن اتمنى حد يساعدني عشان مشتت جدا
