وعليكم السلام ورحمة الله وبركاته...
نورتي الأسئلة يا منوله❤️✨
شوفي يا أختي.. بشكل عام احنا باللغات نعاني من هالشي انا راح اقولج الشي الي اسويه لما ادرس اللغة
بالبداية لا تحفظين كمية كبيرة من الكلمات دفعه وحدة يعني قسميهم على كذا يوم ويوميا راجعين يعني مثلا كل يوم ٥ كلمات ولما تبدين بكلمات اليوم راجع الي حافظتهم قبل (وانتي حددي عدد الكلمات الي يناسبج) تمام هذا شي مهم التقسيم والمراجعة
ثاني شي الاستخدام شي ما تستخدمينه اكيييد راح تنسينه بمعنى مثلاً الكلمات حطيهم بجمل لما تحفظينهم وبجذي راح تستخدمين الثروة اللغوية الي عندج
سوي خرائط ذهنية وبعد جذي يسهل الحفظ
إذا تتواصلين مع رفيجات وانتوا نفس المنهج تكلموا عن موضوع وتناقشوا بالانجليزي ولا بأس باستخدام العربي بالكلام مثلا موضوعكم أو درسكم عن الطبيعة تكملوا عن الطبيعة واستخدمي الكلمات الي حفظتيهم بعد شوفي فيديوات عن مواضيع دراستج وناس تستخدم نفس الكلمات
وشي ثاني اقرأي روايات قصص عن الانجليزي مثلا قصص اطفال بمختلف المجالات أو قصص على حسب النوع الي تحبينه سواء فرنسي أو انجليزي
بعد و أااهم شي شاركي الي تعلمتيه درسي احد او ادرسي مع احد يعني شاركي معلوماتج وجذي تترسخ المعلومة
والي دايما اسويه اقول زينب عادي اذا نسيتي خاصة لما تكون لغة جديدة علي مع التكرار والمراجعة راح أذكرها واحفظها وتصير سهلة يعني لا تجلدين ذاتج
إن شاء الله اكون افدتج وبالتوفيق منول
