قصة ملكة من الجن - الجزء الثاني
نستكمل ....
الاوضة لقينا الكمبيوتر متركب زي ماكان ومشغل الصورة والطابعة شغالة تصور ورق من الصورة الملعونة صورة كتاب الظلام وكانت تقريبا ملت الارضية ورق انا بقيت مش فاهم ولا عارف اعمل اية حاولت بصعوبة افصلها من الكهربا بعد ما اتكهربت كذا مرة فصلتها وسكتت بعدها الكمبيوتر اشتغل لوحدو والصورة اشتغلت ع الشاشة ..حاولت اقفلو مرضيش كذا مرة طلعت اخويا برة الاوضة وطلعت وراة وقفلت الباب امي طلعت ف اللحظة دي لقيتنا ماسكين اكرة الباب احنا الاتنين .قالتلنا فية ايه .هادي لسة هيتكلم قولتلها لا دة دةةةةةة حشرة بتطير خفنا منها رشينا بريسول وطلعنا برة قالتلنا كالعادة ربنا يشفيكم ع المغرب كان ابويا وامي جاهزيين للسفر وصلتهم للموقف .امي قالتلي خلي بالك من البيت عبال ماجي ولو احتجت اي حاجة قول لعمك احمد او ام محمود (مراتو) ...ايواااااا.عم احمد هو مفتاح اللغز الاصلي مش الصورة. دماغي ودت وجابت لغاية مروحت. لقيت هادي مستني ف الشارع منغير مسأله عرفت لية واقف ف الشارع ..قولتلو عم احمد عينو لمعت كدا قالي انا..... قولتلو هتيجي معايا....خبط عليه فتح واول ما شافني ابتسم ابتسامة صفرا كدا وكأنه مستني ان اقولو الخبر وقلتهولو.. قولتلو لقيتلك المطلوب قالي عبد الهادي ...قولتلو عرف كل حاجة قالي ازاي ..حكيتلو علي كل حاجة كشر كدا وقالي لازم يحصلك كدا انت واخوك التحضير دة لية اصول مينفعش اي حد يقرا الطلاسم من غير الشروط. قولتلو مكانش فية شروط قالي لا احنا عارفينها .قولتلو انتو. قالي ايوا المعاشريين اتنفضت كدا..عم احمد جاري من زمان اول مرة اعرف انو بيحضر ..واجهتو قولتلو من امتي .قالي علي فكرة انا مش شغال ف الشر والي تحت ايدي مش بسخرهم غير ف الخير ..اطمن انا كدا قولت ف بالي.. قولتلو والعمل انا واخويا ف الي بنشوفه ضحك كدا وقالي لازم تكملو الي بدأتوو قولتلو لا ابدا انا مش هعمل كدا مهما كان التمن . سكت كدا وبصلي لدرجة اني خفت منو ملامح وشو اتغيرت وقومت انا واخويا نمشي قالي هتجيني تاني..روحت وقفلت الباب بالترباس ودخلت الاوضة كنت مستني الاقي الجهاز مفكك زي ماهو بس لا لقيت الورق مبهدل الدنيا والكمبيوتر شغال ع الصورة راح هادي بدون تفكير قفل باب الاوضة دي وقال هنقعد ف الصاله والنوم ف اوضتي شغلت التلفزيون والراديو ع القران وسبتهم شغالين ولكن بدا الليل يفترس ويقاتل ليصبح سيد الموقف وانا وقاعد حاسس بحاجات بتتحرك حوليا عارف لما تشوف حاجة بتتحرك بطرف عينك وتبص بسرعة متلاقيش حاجة بقيت خايف انام لكن النوم يغلب ولا يغلب .يغيب ولا يختفي بصيت ف الساعة لقيتها 12 باليل لقيت اخويا بيقاوح النوم قولتلو عايز تنام بصلي وقالي طب والعهد اتنفضت لورا من الكلمة ورميتو ف الارض بعد مكان نايم ع رجلي لقيتو مش اخويا خالص وبدا يزحف نحيتي كائن اسود سواد الموت كأنه متغطي بشحم ودرعاتة الي من عضم دي بيحاول يمسكني وانا مش قادر حتي ازحف لورا .والنور قعد يروح ويجي فعز خوفي لقيت صوت بينادي من بعيد يا محمد لقيت عم احمد واقف بعيييد كان البيت طولو طول الشارع وقالي هو وماسك .ماسك ...دة ماسك اخويا قعد يقولي الحل ف ايدك تخلصو وتخلص نفسك تعالى الشقة التانية الي ف ارض السواقي ومشي وانا متخيل ان كدا خلاص..لا ببص قدامي لقيتو قدام وشي الكائن الاسود نفسو السخن ف وشي كأنها انفاس من الجحييم وعينو الي حمرا زي الدم .... يا رب ابعدني عن الشر دة يارب نجيني منو . وانا بدعي اني حتي يغمي عليا عشان مشفهوش ..ومش عارف ازاي لقيتني بقول العهد ف ارض السواقي حاضر هروح .وكأنها كلمة السر لقيت حاجة ضربتني ف ضهري قومتني من ع الكنبة واخويا كان نايم وصحي مخضوض من قومتي مرة واحدة كدة.والتلفزيون مشوش والراديو كمان مشوش عدلتهم ورجعتهم للقران تاني ..انا وبتالم من ضهري بقلو بص ع ضهري كدا. اول ماكشف ضهري قال اعوذ بالله من الشيطان الرجيم. دة حرق مطبوع بكفة ايد . كفة ايد من الجحيم .كشف رجلو وخلاني اشوف نفس العلامة ع رجلو لما كانو بيجروه ف الحلم برضو .بدانا نحط كريم لبعض ع الجروح او الحروق قالي هي ارض السواقي دي بعيدة بصيتلو كدا قالي اصل عم احمد خبط ع الباب وقال ارض السواقي.مستنيكم..و قولت مينفعش نبات ف البيت الليلة دي جيت افتح الترباس لقيتو مكلبش ف الباب وبصيت ف الساعة لقيتها اتنين ونص جبت شاكوش وضربت ف الباب منفعش شكلها ليلة مش معدية حاولت في الترباس لغاية متكسر.. بس الباب مبيفتحش قولت مش بايت ف البيت يعني مش بايت فية .قعدت اضرب ف الباب بكتفي انا وهادي لغاية مكسرناة واترمينا برة والباب اترزع ورانا..ههههه.اقصد اقول جوة .جوة فين جوة الاوضة اتعدلت لقيت الكمبيوتر ف وشي هادي بصلي وقالي احنا ف الاوضة .ايوة ف الاوضة ..الاوضة الي اتلعنت بالكمبيوتر
عشان الصورة بس الغريبة اني لقيت الورق الي كان مالي الارض معلق بنظام علي حيطان الاوضة ومكون حروف ك ح ل بصيت ورايا اشوف الباب لقيت الاوضة عبارة عن حوائط بس من غير باب او شباك والنور قطع اخويا حضني .ورجعنا بضهرنا عشان نلمس الحيطة بس كل ما نرجع .مفيش حيطة .نرجع مفيش حيطة ..تخيل انت ف مكان مش عارف ابعادة والدنيا ضلمة. وانت من الي شوفتو خايف حتي من اخوك ال حاضنك وبيستنجد بيك وفجاة النور جة والقي نفسي ف الحمام اكتر مكان بكرهو حتي ف الايام العادية والارضية كلها سودة وبدات تمسكنا كائنات طالعة من الارض .يارب يكون حلم يارب وبدات الوحوش دي تعضعض فينا باسنانها المدببة .ولقيتني بدون وعي بقولهم انتو عايزيين اية .سكتو فجاة وقفو ومسكوني وخلوني ابص ف المرايا ولقيتها كانها شباك لعالم الموت بدات ابص من خلالها ع الي جواها شوفت ناس زينا بس اطول .اطول خالص وناس منهم شكلهم يخوف وحيوانات منهم كان الكلاب شبه كلابنا بس جلدها محروق او مسلوخ وانا وبتفرج ومش عارف بتفرج لية سمعت صوت بيقولي العهد .القربان ف ارض السواقي ..بدون تفكير قوت حاضر حاضر بدات افوق كاني كنت نايم لا انا كنت نايم فعلا لقيتني ف سرير هادي وهادي حضني اوي ونايم وامي بتصحيني وبتقولي قوم يلا الغدا جاهز واخويا صحي ع صوتها برضو يعني دا مش حلم بصتلها كدا انتي امتي جيتي قعدت تضحك وتقولي يلا مش وقتو هزار و بصيت لهادي وقلتلو اية. قالي حلمت قولتلو الاوضة والحمام معتقدش انو حلم بدانا نحس بالم العضعضة واحنا بنبص لبعض طلعنا من الوضة وقولتلها لكن انتو لية جيتو بدري كدا ..لقيتها بتقولي بدري من عمرك كفايا اوي يومين دا كانو عاوزيين يمسكو فينا اكتر من كدا ...قولتلها يومين دانتو لسة ماشيين من كام ساعة هادي غمزلي كدا وهو بيشاورلي بالنتيجة الي ف الموبايل بتاعو ضحكت وقالتني واطي عايزني اقعد اكتر من يومين ..روحت بصيت ف نتيجة موبايلي لقيتها صح عدت يومين وخلال اليومين اتكلمت مع اصحابي المحامين وامي رنت عليا ورديت عليها وف اليوم الي بعدو ابويا وانا رادد علية ووقت المكالمة ست دقايق ..بقيت مش عارف اعمل اية يومين يومين ضايعين وانا كنت فين نايم ولا اية الي بيحصلي .. قولت لهادي انا لازم اروحلو ارض السواقي قالي وانا هاجي معاك .قولتلو لا قالي احنا الاتنين ف الموضوع ده ولازم نخلصو مع بعض افتكرت الحلم انو كان ماسكو هو وبيكلمني اتحط الاكل و اتشال ولا اكلنا ولا شربنا واتحركنا الساعة سبعة ناويين نقفل الموضوع دة .قالي هو انت عراف البيت؟ قولتلو ايوة وديتلو قبل كدا كيس فية شوية طلبات ..اةةة دة قالي ف اليوم دة معايا تحضير وانا مفهمتش .حسبي الله ونعم الوكيل. رحنا ارض السواقي ووقفنا تحت البيت وبصيت لهادي.قالي متبصليش هنطلع مفيش حل تاني ..اول ما قربنا من السلم حسينا بحركة ورانا بصيت لقيت قطط سودة كتيير اول ما فكرنا نرجع خطوة زمجرت لدرجة اني خفت اتحرك لكن بعد ما اتحركنا لقدام سكتت وماشية ورانا لغاية موصلتنا للتالت قبل مرفع ايدي اخبط كان فاتحلي وعلي وشو ابنسامة صفرا .قالي كنت عارف انك هتيجي مسك هادي من ايدو وهو ماسك فية قالو متخافش ادخلو اول ما دخلت لقيت حاجة خبطتني ونزلت ع الارض وانا خلاص بغمض عيني مش عارف هفوق تاني ولا لأ. لقيت حاجات سودة كتفت اخويا وانا بحاول اقوم مسكني من شعري ورفع وشي ف وشو وقال متقاومش عشيرة برقان طلبتة هو انا كنت عيزك انت بس هم عاوزينو هو وخبط راسي ف الارض ..فوقت لقيت نفسي مربوط ف بحبل ف الحيطة الي حاطط فيها سياخ حديد وفية منها واقع ف الارض حاولت اجر واحد برجلي معرفتش لقيتو واقف وبيميل يمين وشمال وبيقول كلام غريب وسريع مش عارف ازاي بيتكلم بالسرعة دي وفية حاجات سودة شغالة تلف حولية وتمشي وتظهر تختفي .انا وببص كدا وكدا بدور ع اخويا لقيتو راسم دايرة فيها مثلثات واخويا نايم وسطها .وانا عارف انها هتختم بنهايتي انا واخويا حاولت افك نفسي مش قادر .فضلت ازعق سيب اخويا خدني انا .حرام عليك دة لسة صغير وحسيت اني بدات ادايقو بصوتي فضلت اعلي صوتي لغاية مشاور عليا لقيت الحبال بتتفك وانا بترفع من رقبتي ف الجو بدات اتخنق وانا عارف اني ضيعت اخويا الصغير مش عارف لية حسيت ان الحل الوحيد ان ابقي معاهم فضلت اقول زي ما هو بيقول ابتسم ابتسامة الشماتة وخلاهم ينزلوني اول ما لمست الارض مسكت سيخ حديد من الارض اديتو بية ع دماغو رجع لورا بس باين انو متاثرش جامد .........اثبتوا تفاعلكم مع القصة بكومنت عشان نكمل الجزء الاخير
