اللى بيترعب اوى لا يقرأ ولا يتعمق ف القصة
الجزء الأول ملكه من الجن
هبدا قصتي بنصيحة وهي متتعمقش ف البحث عن الغيبيات وما وراء الطبيعة لانه فعلا.. موجود . الي بيقول ان المنتديات والمواقع مش بتجيب حاجة حقيقية.. لا صدقو فية منهم بيجيب وساعات بدون قصد او بدون علم مطولش عليكم انا اسمي محمد عايش ف الاقصر. اسرتي مكونة من ثلاثة اخوات ولاد والاب والام انا الاخ الاوسط 23 سنة وفارق ست سنين عن اخويا الصغير وسنة عن الكبير اخويا الكبير متجوز وعايش ف شقة لوحدو وانا واخويا الصغير وابويا وامي ف شقة دور ارضي المهم.بما ان عمارتنا من دورين بس يعني اربع شقق .احنا مترابطين مع بعض جدا غير اي جيران تانيين ف فيوم كنت قاعد بجهز ف شوية ورق للشغل بتاعي انا محامي بالمناسبة .خبط عليا عم احمد جارنا وقالي يا محمد ممكن خدمة ولقيتو متردد علي غير العادة ديما الحاج احمد بيجيلي البيت وانت يا واد هاتلي كذا او اعملي كذا كدة يعني..فقولتلو خير يا يا عم احمد اتفضل قالي بس بيني وبينك قولتلو حاضر مفيش مشاكل.. قالي دورلي علي حاجة ف النت عندك قولتلو طيب اقعد عايز تدور علي اية قالي.. لا.. ووشو اتقلب كدا قالي مش عايز اعطلك ..براحتك بعد متخلص شغل....قولتلو ماشي بس عايز تدور علي اية اتردد كدا وبعدين قال بس بيني وبينك ...كنت عايز اقولو يا عم اخلص هو انا هدورلك علي اية خايف تقولي... راح وطي صوتو وقال كحلة بنت برقان ...انا قولتلو ودي مين ان شاء الله قالي ششششششش .متقولش كدا ووطي صوتك.. وموطي صوتو وقالي ابقي قولي ها ابقي قولي لقيت اية ومشي بسرعة انا خبط علي ايدي وقولت لا حول ولا قوة الا ب الله يا رب... قعدت اشتغل لغاية تقريبا الساعة واحدة باليل خلصت ورق الشغل وانا وبوضب بقي مكان الشاي والورق افتكرت عم احمد قعدت اضحك وقولت والله لشوف الي هو قالي علية دة ...فانا عشان منساش كتبت الاسم علي حتة ورقة صغيرة اتعلمت كدا بحكم شغلي يعني..دورت عليها لغاية ملقيتها بس الغريبة اني لقيتها متغيرة ازاي متغيرة ...يعني انا كنت 8 الاسم كحلة بنت برقان بالكاف لقيتها مكتوبة بالقاف استغربت وانا بقول ف نفسي طب ازاي دا انا متحركتش من مكاني وانا كتبت الاسم دة بعد ما عم احمد مشي ...مين الي عدل الاسم قلبت الورقة لقيت شوية حروف و كلمات متلغبطة ف بعض .وبعديين اية اللخبطة دي قومت جايب ورقة فاضية وقعدت احاول افك الحروف دي من بعض او اجمعهم ...قطع حبل افكاري امي دخلت عليا الاوضة وبتقولي ...اية يا محمد انت مش رايح المحكمة ولا اية قولتلها خلاص انا داخل انام اهو .قالتلي يابني ينفع كدة كل السهر ده ده الساعة 8 الصبح ... 8 الصبح ازاي يعني انا سرحت ف الورقة دي سبع ساعات.. معلقتش علي كلامها وقولتلها خلاص يا امي انا داخل انام مفيش محكمة النهاردة.. اتلفت عشان ابص ع الورقة لقيت الورقة الي كنت بكتب فيها فاضية والورقة التانية فاضية برضو قلبتها وانا عامل زي المجنون لقيت الاسم الي انا كاتبة غلط موجود بالكاف مش بالقاف بقيت زي التايه فاتصلت علي المحامي صاحبي جالي اديتو ورق الشغل وقولتلو انا تعبان النهاردة مش رايح المحكمة وروحت انام وانا ع السرير شغال افكر ف الي حصلي وازاي الورقه اختفى الكلام الي عليها فجاة وازاي الوقت عدي بالسرعة دي انا وبفكر سمعت صوت دربكة برة قومت بسرعة قولت لتكون قطة الجيران دخلت المطبخ ... انا ورايح ناحية المطبخ لقيت الدنيا ضلمة بطريقة غير عادية بصيت لقيت الحمام هو الي طالع منو الصوت لقيت الحمام منور رغم ان اللمبة مطفية... ونور خافت طالع من تحت الباب حاولت اولع نور الطرقة نور الصالة نور الحمام مش راضين ينوروا.... فتحت الباب لقيت كمية قطط سودة كتير وشكلها مرعب وحاجة طويلة وراهم متغطية بملاية سودة.. بتنزل دوود والدود الي بينزل بيغطي القطط كانو رصاص بيخرمهم ف ثواني والقطط تطلع اصوات كانها بتتحول ...لا الحاجة السودة دي ليها عنين حمرا و دراعاتة من العظم دة كانو راجل بس طويل اوي وانا متسمر مكاني.... كل عصب من اعصابي رافض الحركة والدود قرب مني لسة ببص ع الدود عشان خايف يوصلي زي القطط.....لقيتو قفش ف رقبتي فجاة ولقيتو بيخنقني وصحيت من النوم .... انا كنت بحلم ..طب ازاي وانا حاسس بالم حوالين رقبتي قومت بسرعة لقيت الحمام فاضي بس احساس بأنو كان حقيقي كان فوق الوصف كانت الساعة 6 المغرب....انا حسيت اني نمت ساعة او اقل.... دة غير اني معود جسمي عل خمس ساعات بيبقي نشيط ..... قومت وانا حاسس ان جسمي مكسر بس صحيت وانا ناوي اعرف قعت ع الجهاز وبدات اكتب .واتعمدت اني اكتب الاسم بالكاف واشوف..مجابش غير حاجات علي البراكيين قولت يبقي بالقاف. كتبتو بالقاف لقيت ف السيرش حاجات ف شوية منتديات تضحك و ليت منتديات بتحذر من استخدامها ومنتديات غيرهم جايبة طرق تحضير هبلة بس عشان تجيب ليكات لغاية موقعت علي منتدي منزل المفيد ..صورة من كتاب وكاتب قبل الصورة تح تحذير من الاستخدام البدائي ..ومستخدمين التجارب ومستخدمين الشباب وكذا وكذا... والصورة باين منها انو كتاب قديم.. حملت الصورة ع الكمبيوتر وفتحتها مكتوب فيها الاتي ........................... . تزاكر دانا كنت بتكلم ف سري ومش مشغل حاجة صوتها عالي اتروشت مبقيتش فاهم حاجة .قومت روحت المكتب عشان فية شوية ورق هخلصهم مع المحامي الي بتدرب عندو ..طفيت الجهاز وروحت وبعد الشغل رحت مع جماعة صحابي كافاتريا وانا كل شوية صحابي يقولولي مالك انت وشك مخطوف والي يقولي انت باين عليك عيان ..روحت بعدها لقيت البيت كلو نايم ومطفيين النور داخل اوضتي لقيت عبد الهادي قاعد قدام الجهاز ف الضلمة ...بقولو يبني اية الي.... لقينو فاتح الصورة وبيقراها. بقولو بتعمل اية يبني. اقفل الصورة دي لقيتو اتلفتل ببطئ شديد وفاتح بقو اوي اوي.وعنية بيضة وبينزل نقط سودة من بقو وعنية ..ووقف وجاي نحيتي وانا واقف مش عارف اجري ولا اعمل اية لفيت وبجري لقيتو ف ضهري وبصصلي بغضب شديد وهو بيقولي العهد... التحضير ولما رديت قولتلو مش فاهم حط ادية الاتنين علي عنيا وبدا يضغط يضغط وانا حاسس بحرارة شديدة ف عنيا ودماغي كلها وبدات افقد الوعي مش هقولك اني صحيت لقيت نفسي ف السرير او المستشفي لا دا انا لقيت نفسي قاعد ف المحكمة وصاحبي احمد قدامي وبيحكي وصوتو بيعيد ولما بدات اميز صوتو لقيتو بيقولي و قدمت الورق لوكيل النيابة زي مقولت و .... اية يا محمد انت سرحت ولا اية.. تهت ..وبعدين قولتلو لا ابدا كمل . ولقيت امي بترن تقولي هتيجي تتغدا امتي .. طب دة حلم ولا علم يا ربي .وخلصت يوم شغل ورجعت البيت جري فتحت الكمبيوتر لقيت الصورة قولت هحذفها مرديتش تتحذف .. انا وبجرب دخل عليا اخويا قالي متتعبش نفسك انا جربت قبلك استغربت وبصتلو قولتلو انت شوفت الصورة دي قالي قصدك قريت الصورة دي.قولتلو امتي .قالي امبارح باليل .قلتلو وبعدين قالي حلمت حلم غريب حلمت اني ماشي ف شارع فاضييي مفهوش حد . وانا بجري بس مش عارف من اية وبعدين النور طفي عليا وقفت انا مش شايف حاجة عارف لما تبقي قاعد ف حتة ضلمة ومش شايف حتي ايدك الي هي متبعدش عن عينك 3 سنتي وانا مش عارف انا كنت بجري من اية .يا رب انا عرف انو حلم يا رب اصحي واحاول اضرب ف نفسي وافوق ف نفسي مفيش لغاية ما حاجة جت خبطتني وقعتني ع ضهري ..انا من الخوف مش قادر اقف تاني روحت حاطط راسي بين رجلي زي العيال الصغيرة ومغمض عيني وشغال اقول يا رب يا رب ...حسيت بنور فتحت عيني بالراحة لقيت الدنيا منورة وانا ف اوضتي وعلي سريري اتعدلت كدا وقولت الحمد لله قومت شربت لقيتك داخل من برة علي اوضتك لسة هكلمك لقيتك دخلت غسلت وشيى ودخلت الحمام انا وف الحمام المية قطعت احسبك برة قولتلك يا محمد اقفل المية لقيتك بترد انت اية الي ال ..وسكت قولتلك اية ..لقيتك بتقول بتعمل اية يبني .اقفل الصورة دي قولتلك مش فاهم النور قطع وانا انت عارفني خواف.. قمت بالراحة لقيت النور جة بس فية حاجة الحمام مليان قطط سودة وواقف وراهم كائن اسود عنية حمرا ايدو كلها متحلله والعضم هو الي باين مد ايدة نزل دود دوود كتييير غطي الارضية ومسكني من رقبتي قعد يخنق فيا يخنق فيا انا بحاول اهرب لغاية مهربت منو بالعافية بصيت ولا لقيتو ولا لقيت القطط ولا الدود ولا اي حاجة تصدقو ولا باب الحمام ..ايوة الحمام كام ملوش باب مكان البا حيطة مبنية وعليها بقعة سودة كبيرة بصيت ورايا لقيت مراية الحمام زي مهية بس الغريبة اني لقيت الباب ف المراية ..ابص ورايا الاقي الحيطة ابص ف المرايا الاقي الباب ركزت ف المرايا لقيت شكلي مختلف بركز اوي لقيت الي ف المرايا مد ايدو ومسكني وجرني جواها ولقيت نفسي علي الارض والدنيا ضلمة وحاسس بحركة حوليا وهمسات ..واطياف سودة بتعدي بسرعة بحس بهواها بيلمسني وجة واحد منهم مسكني من رجلي وقعد يجر فيا يجر فيا والباقين يخبطوني انا وبتجر لحد ما لقيت نفسي مش قادر افتح عيني عرفت ان دة الموت وانا حتي مش قادر اتشاهد ..وفجاة الكلام دة كلو وقف وافتح بصعوبة عشان الاقي امي حاطة ايدها علي راسي بالكمدات وبتقرالي قران اول مافتحت عنيا قالتلي الف سلامة مش كنت تاخدلك برشامة ولا حاجة قبل ما السخنية تزيد عليك كدا ..وانا بصراحة اتلككت وقعدت حاضن ايدها لحد مسمعت امي بتكلمك عشان تقولك جاي امتي عشان تحضرلك الغدا قومت بسرعة قولت ان الصورة دي سبب المصايب كلها.. حاولت احزفها كذا مرة مرضيتش بكل الطرق خوفت. قفلت الجهاز وبعدين انت جيت .قولي مين الي نزل الصورة دي .حكيتلو الحكاية كلها حتي لما الورقة اتعدل فيها الاسم ..وال8 ساعات الي انا قعدتهم سرحان او نايم فيهم..قالي طب والعمل وهو بيبوصلي بنظرة عتاب... قولتلو هنفك الجهاز خالص .وبالفعل فكينا الجهاز وامي نادتلنا ع الغدا ..واحنا وبنتغدي قالتلنا انا رايحة البلد انا وابوكم عشان اختو تعبانة وهناخد يومين والخبر دة تقريبا جاب من الاخر بصينا لبعض انا وهادي تقول نظرة خوف او قلق .وسبنا الاكل وقومنا..بس المشكلة ان احنا دخلنا الاوضة.......مش هكمل القصة غير لو لقيت تفاعل ف الكومنتات ( بهزر طبعاً )
نراكم في الجزء الثاني إن شاء الله
