Question

جميله من الماضي

..

..

..

الجزء الثاني...

(في البداية انا احب اعتذر عن التاخير الى حصل و الى كان بسبب ظروف شخصية )..نرجع لقصتنا تاني ..

اهيله بعد ما هديت و حست بالامان ابتدت تتكلم و قالت..

انا كنت مش مطمنه لماريا و خصوصا اما دخلنا بوابه حجريه في وسط جبل كان موجود معاها اكتر من ٦ رجاله و كان منهم اتنين لابسين ملابس غريبه لونها اسود و مغطيه اجسامهم بالكامل و كانوا واقفين عكس بعض و بنهم زي طربيزه و عليها كتاب مفتوح بيقروا منه بصوت عالى الإضاءة ابتدت تتهز و ابتديت اسمع اصوات غريبه جوا راسي و شفت ناس غريبه كانت موجودة في المكان كانوا لابسين ملابس الفراعنه و شفت واحدة قاعدة على عرش كبير كأنها ملكه و كانت واحدة واقفه وراها كانت شبهي بالظبط نسخه مني كأني واقفه في المرايا و في اتنين رجاله انحنوا للي كانت قاعده على العرش و ابتدت بنهم مبارزة بالسيف في وسط صوت للطبول و منظر يدل على الهيبه الى كانت فيها و الي كانت تشبهلي فجأه خرجت خنجر و حطته على رقبت الملكه و ابتدا الاتنين الى بيتبارزوا بالسيف يقفوا وراها و يحموا ضهرها ... انا سألتها بعد ما لقيتها ساكته..

و بعدين حصل ايه.؟..

ولا حاجه لقيت نفسي واقفه و كأني رجعت من رحله في زمن انا كنت عايشه فيه و كنت واقفه قدام تابوتين شبه بعضهم واحد مقفول و التاني مفتوح و في اللحظة دي حسيت بطاقه رهيبه ملت جسمي زقيت الى كان واقف ورايا و ابتديت اجري و اهرب و اخر حاجه سمعتها في الجبل صوت ماريا و هي بتقول ..

امسكوها لازم نكمل طقوس استحضار.. هربت منهم لحد ما وصلت هنا ... واحد من المشرفين قال ..

طيب يا اهله ادخل ارتاحي في الخيمه دي و بكرة هنرجعك للقريه ..

بعد ما دخلت واحد تاني من المشرفين اعترض و قال..

دي على فكرة مسؤلية كبيرة و لو حد عرف هنتجازا كلنا انا مش فاهم حضرتك ازاي توافق على وجود واحدة احنا منعرفش عنها حاجه انها تبات معانا ..

اهدى شويه يا استاذ سمير انا المسؤل هنا عن الرحله و هبقى اكتب في التقرير النهائي عن الى حصل و ان انا المسؤل مسؤليه كامله عن وجودها و بعدين انت عندك بنت يعني انت المفروض اول واحد تطالب انها تكون موجودة معانا ..

انت عارف كويس انا خايف من ايه يا دكتور احمد خايف تكون ...

استاذ سمير خلاص الكلام خلص لحد هنا انا النسؤل زي ما قلت لحضرتك...

خلصت المناقشة على اننا هنخليها موجودة لحد ما النهار يطلع و ان حد هيرجعها للقريه ..

خرجت انا فضلت قاعد بتأمل المنظر و غلبني النوم في وقت قصير و صحيت بعدها بشويه على صوت صراخ جاي من خيمه اهله و لقيت مروة خارجه بتصرخ هي و سارة و بتقول ..

البنت دي مش طبيعيه كانت نايمه فجأه لقينها قعدت و ابتدت تتكلم بلغه غريبه و فجأه قامت خالص و جريت ...

الاستاذ سمير اول ما سمع الكلام دة قال..

انا مش قلت لك يا دكتور احمد ان دي اكيد سليا ..

و بعدين معاك يا استاذ سمير ..

خلصت بينهم مناقشة كانت حادة جدا و اخيرا النهار طلع و ابتدينا اول رحله كان في اربع مشرفين كنت انا مع الدكتور احمد الى كان بالنسبة لي هو الاب الروحي الي اتعلمت منه كتير و كان بيرعاني بشكل خاص و مميز و كان دايما بيقولي انه كل ما بيشوفني بيفتكر ايام شبابهو ابتدت اول جوله سياحيه ليا معاه و الى كان بصراحه ييشرح ؤباللغه المناسبه للفوج الى معاه وباللغه العربية يعني كان بيقول الجمله باللغه الاجنبيه و يرجع يترجم بالعربي و في وقت الراحة جبت له شاي معايا و رحلت و قلت له..

اتفضل يا دكتور احمد ..

ربنا يبارك فيك يا محمد ... و فضلنا نتكلم عن اهله و الى حصل امبارح و سألته و قلت ..

دكتور احمد هي مين سليا الى قال عنها الاستاذ سمير ؟..

سكت دقيقة و قال ...

هو مينفعش اتكلم عن الموضوع دة لكن عشان انت غالى عندي وانا واثق فيك و ان انت هيكون ليك مكانه كبيره في مهنتنا انا هقولك لكن بليل مش دلوقتي و فجأه لمحت اهله ماشي قدامي و قلت للدكتور احمد ..

طيب انا هروح اشوف حاجه و ارجع لحضرتك ..

اتفضل ..

مشيت وراها و لحد ما دخلت مكان مفتوح سقفه و قفتها و قلت لها ..

اية يا اهله انتى هربتي لية امبارح و اية الى حصل معاكي ..

حضرتك مين و تعرف اسمي ازاي ..

معقول مش فاكرة امبارح انا الى جريت لحقتك من الى كانوا بيجروا وراكي ..

اه انا اسف المكان كان ضلمه و انا كنت في حاله صعبه و مكنتش مركزة اولا الف شكر للموقف بتاع امبارح ...

لا شكر على واجب اي حد كان هيعمل كده و اكتر ..

طيب انا مضطرة امشي بعد اذنك ..

استني بس كنت عايز اعرف اية الى حصل معاكي امبارح ..

صدقني مش هينفع ... و فجأة ظهر واحد و حاول ياخدها بالعافيه و دارت بيني و بينه خناقه و اهله قدرت تهرب و بالصدفة كانت اتني زمايلي قدروا يشوفونا و اتجمعنا عليه احنا ال٣ و كتفناه و الدكتور أحمد جه و قال ...

في اية يا محمد و مين دة و من امتى علمتك تضرب سياح ..

يا دكتور دة كان بيطارد اهله..

الدكتور احمد اتكلم معاه كتير بلغه احنا مكناش فهمنها و في الغالب كانت روسي و فجأه ااراجل دة زق الدكتور احمد و هرب جيت احاول الحقه لقيت الدكتور احمد بيقول سيبوه خلاص و انت يا محمد تعالى معايا ..

خدني معاه و مشينا شويه مع السياح بعد ما كان فترة الراحه خلصت و قال لي ..

حاول تجنب المشاكل ..

قصدك اهله يا دكتور صح ؟..

بص يا دكتور انا مش عارف ليه عندي احساس المسؤليه نحيتها و انها مظلومه و انها في مشكله اكبر منها بكتير و على فكرة انا مبحاولش انى ادور حتى عليها هي الى بتظهر فجأة قدامي و ...

لسه مكملتش كلامي و لقيتها واقفه قدامي و اتفجأت انا و الدكتور أحمد الى قال ..

مالك بتهربي من ايه ؟..

قالت انا مش بهرب انا ...انا جايه اعتزر لاستاذ محمد..

لالا مفيش حاجه حصل خير انا بس عايز اعرف اية الي حصل معاكي قبل ما تهربي .؟.

انا كل الي فكراه ان انا بشوف حجات كتير غريبه عن الواقع و لكن اليوم دة شفت فيه اكتر حاجه كانت مخيفه بالنسبه لي..

انتظروا الجزء الثالث...

Answer 1

تعرف قصصك حلوة عشان قصة الشبح وحدثة العربية قبل كدة كانت قمة في الروعة بس مكسل اقرا دي

Comments

ليه تكسل إنك تقرأ القصة دي ؟

---

طويلة وفي كذا حاجة بعملها ممكن اقرائها بكرة

Answer 2

أولا  ولا  يهمك  عل التأخر أو الغياب  فلا تعتذر وخذ راحتك 

و ثانيا في انتظار الجزء الثالث 

و ثالثا  انا والله  إلى هذه اللحظه ما عرفتش اقرا اسم الصبيه  هههههههه 

هل اهيلة  او اهلة  أو آهلة أو آهيلة او..... 

فكل مره اقراه ب طريقه هههههه  يمكن لأن الاسم غريب علي 

Answer 3

still  waiting for the third part 

If it's possible of course ,take your time 

Answer 4

لسا ما ظهر الجزء الثالث  

و انا لساتني بنتظر  ^‿^

Comments

للأسف لقد قمت بمسح الجزء الثالث و الرابع ( الأخير ) من الكمبيوتر الخاص بي بدون قصد ، لأني أكتب على الكمبيوتر .
سأحاول إسترجاعه مرة أخرى و إن لم أستطع سأحاول كتابته إن شاء الله .

---

براحتك  صديقي  
إن لم تجده  فلا  مشكله  ^^