First time here? Checkout the FAQ!
x

الملاحظات

قصة جميلة من الماضي - الجزء الأول - علي محمد رسلان -

في تصنيف اسئله عامه
بواسطة طالب محترف (3.8ألف نقاط)  
+2 تصويتات
91 مشاهدات

السلام عليكم

آسف جداً لأني لم أقم بتنزيل قصص الفترة الماضية و سأحاول أن أستمر بنزول بإذن الله

جميلة من الماضي

الجزء الاول...

.

.

.

يعني اية يا اهيله هو انا كل ما اسيب حاجه ارجع الاقيها في مكان تاني بقولك اية يا بنت الناس انتي بقالك فترة متغيرة و افعالك و طريقتك بقوا غير الاول...

 قصدك اية يا محمد انت شايف اني خلاص بقيت مجنونه ما يمكن انت الى بقيت بتنسى زنبي انا اية ...

لا يا اهيله انتى عارفه كويس انا قصدي اية ...

ماشي يا محمد شكرا اووووووووي على الوعد الى انت محافظ عليه و الى كان المفروض انك متتكلمش معايا في الي فات او حتى تفكرني بيه ...

و دخلت اوضتها و رزعت وراها الباب و في اللحظه دي لقيت علبه السجائر الى كنت بدور عليها و الغريب اني اول ما لقتها افتكرت اني فعلا كنت شايلها في المكان الى لقتها فيه يعني كل شيء كان طبيعي و بعدها حاولت اصالحها و اقول لها اني غلطان لكنها كانت بتصد كل محاولاتي لدرجه انها كانت بتتنقل من اي اوضه بدخلها وراها عشان اصالحها للاسف اهيله مراتي شخصية حساسه و شفافة جدا.. للي بيسأل انت مين و اية حكايتك احب اقوله ان انا اسمي محمد حسن سني ٣٣ سنه بشتغل مرشد سياحي في مناطق و قرى صعيد مصر و الى كانت بتقوم فيها مملكه الفراعنه و قداماء المصريين اما بالنسبة لمراتي اهيله فأنا اتعرفت عليها من ايام التدريب العملي اما كنت في الكليه هي مكنتش زميلتي ولا حاجه لكن انا اتعرفت عليها في واحد من المعابد الفرعونية القديمة و الى كانت نوعا ما غير معروفة عند معظم الناس هبدأ الحكايه من وقت اول تدريب عملي و الى كان في قري من قرى الاقصر بصعيد مصر حضرت شنتطي و اخدت كتير من هدومي لان دي تقريبا اول مرة ليا اني اسافر من غير اهلى و امي ودعتني وداع المهاجر ... المهم طلعت مع بقيت افراد التدريب و كان ليا فيه ٣اصحاب مقربين كنت انا و واحد صاحبي اسمه علاء و بنتين مروة و سارة اتجمعنا كلنا في مقر الكلية و ركبنا اتوبيس الرحله و كان معانا ٥مشرفين و الى كانوا اصلا بيشتغلوا مرشدين سياحه و كان مهمته يعلمونا ازاي نتصرف مع السياح طول فترة تواجدهم معانا ..

وصلنا الاقصر في ٨ ساعات طريق طويل لكن في الاخر وصلنا الساعه ٨ الصبح و اخدنا ساعتين راحه بعدين ابتدى التدريب و التدريب كان عبارة عن مكان في قري ريفيه لكن كان في سياح كتير في المكان دة الحقيقة و في المكان دة كنت اول مرة اشوف فيه اهيله مكنتش اعرف عنها اي حاجه ولا حتى اسمها كل الى كنت اعرفه وقتها انها بنت ملامحها صافيه و جميله جدا لونها كان عامل شبه لون سنابل القمح ملامحها كانت مصريه جدا تحس انها جت الزمن دة بالغلط تحسها من ايام الفراعنه لدرجه ان كتير من السياح حوالوا يتصورا معاها ... المهم .. خلصنا اول يوم تدريب و كنا بنستعد عشان نروح السكن و لكن المشرفين قالوا ..

للاسف احنا هنضطر نعمل خيم نبات فيها لان نسبه الاشغال في الفنادق المتاحه ١٠٠% و هنعمل خيم لكل ٤ أشخاص طبعا مش محتاج اعرفكم ان البنات هتريح الاول و بعدين الشباب هيدخلوا يرتاحوا مع بدايه طلوع النهار ...

للاسف كنا مضطرين للحل دة و بعد تعب نصب الخيمه بتعتنا انا و اصحابي قعدنا برا الخيمه كلنا نتفرج على المنظر الجميل الى كان كفيل ينسيني التعب و بعدها تقريبا بساعه لقيت البنات دخلو الخيمه عشان يناموا و يرتاحوا و مفضلش غير انا و علاء فضلنا قاعدين و كنا قريبين جدا من القريه الى فيها مكان التدريب الي كانت شبه معدومه الاضائه بليل هو يدوب كام كشاف حالتهم تكاد تكون متهالكه و ضي القمر الى كان باين اووووووي ساعتها ... علاء صاحبي راح في النوم و انا فضلت قاعد و بعدها بشوية لحمت حد بيجري في وسط الضلمه و كان باين انها بنت و في وراها ٣ بيجروا كان باين من اجسامهم انهم رجاله و انا كنت قاعد في حيرة مش عارف اعمل ايه و يا ترى مين دي و مين الى بيجروا وراها و ليه حاولت اصحي علاء الى كان شبه ميت .. مكنش قدامي حل تاني غير اني اروح جري و اشوف اية الى بيحصل و لاحظت ان في ناس من الدفعه الى كانوا موجودين معانا بيجروا معايا و بيسألوني ..

بتجري ليه... فعلا وصلنا في الوقت المناسب و لقيت نفس البنت الى شفتها في التدريب .. اول ما الى كانوا بيجروا وراها لاحظوا اننا كتير هربوا و رجعوا تاني و احنا اخدناها و رجعنا على مكان الخيم و دخلناها مع البنت الى كانوا معايا و دخلنا معاها و كانت الخيمه بتعتنا زحمه فسألتها ..

ممكن تهدي هما خلاص مشيوا .. ممكن نعرف اسمك ايه ؟

اا ... ااهيله ...

هما كانوا بيجروا وراكي ليه انتى عملتي لهم حاجه؟..

لا معملتش حاجة و الله لكن هما في الاول قالوا لي انهم بيعملوا فلم وثائقي عن الفرعنه و الملوك الى كانوا موجودين في القريه دي لكن اكتشفت حاجه تانيه غير الى هما كانوا بيتكلموا عنها ..

قصدك اية يعني ؟..

كان في واحدة ست موجودة معاهم اسمها ماريا ظهرت لي في البداية في ظروف غامضة و قالت بلهجه شبه عربيه او تقدروا تقولوا عربي مكسر .و قالت ..

انتي بنت بملامح جميله جدا و لازم تشترك معايا في وثائقي و قعدت تشرح لي كتير كلام مفهمتش منه حاجه غير اني هكسب كتير من ورا الموضوع دة و فعلا ابتدينا نحضر لكن استغربت المكان الى احنا رايحين فيه مكان بعد القريه بشويه و في الخلا مفيش عمار ولا كان في ناس و مكنش فيه غير جبل و مفتوح على اوله بوابه حجرية دخلت جواها و ابتديت امشي .و لقيت ....

انتظروا الجزء الثاني ...

من فضلك سجل دخولك أو قم بتسجيل حساب للإجابة على هذا السؤال

2 إجابة

بواسطة طالب متحمس (767 نقاط)  
+1 تصويت

يااسلاام  عادت القصص  

مرحبا بعودتك و عودة قصصك الجميله ^^ 

.

و فعلا قصه من بدايتها مشوقه لأنها تظهر واقعية جدداا ❤  

في النتظار الاجزاء القادمه... 

بواسطة طالب محترف (3.8ألف نقاط)  
شكراً جزيلاً لك
الجزء الثاني غداً بإذن الله
بواسطة طالب متحمس (767 نقاط)  
العفو  أنت من يستحق الشكر على مجهوداتك ^_^ ✌
.
صابرون...
بواسطة طالب عالمي (6.8ألف نقاط)  
0 تصويتات

راااائع جدااااا.....

190 Online Users
0 Guest 190 Member
Today Visits : 21875
Yesterday Visits : 55702
Total Visits : 44247699

25.4ألف أسئلة

124ألف إجابة

154ألف تعليقات

29.5ألف مستخدم

مرحبًا بك إلى Taleek Discussion، مناقشات طليق - حيث يمكنك طرح الأسئلة وانتظار الإجابة عليها من المستخدمين الآخرين. تذكر اننا هنا جميعا لمساعدة بعضنا البعض فيرجى الالتزام بقوانين وارشادات المنتدى حتى نبقي عائلة طليق نظيفة وانتاجية - لا تنسى التصويت للاجابات الصحيحة والتصويت بالسلب للاجابات المضللة او المخالفة
add
لعبة السجن
...