• ينفع كده يعنى ياعم فرج ، ابقى مهندس ميكانيكا شغال فى شركة مصاعد قد الدنيا وبطلع الدور السابع كل يوم على رجلى عشان شوية خرافات مخليه الكل خايف من الاسانسير ،والله دا حتى عيب في حقى .
• ياباشمهندس بلاش الفكره دى ابعد عن الاسانسير بالذات ،كل الل فكرو قبل كده زيك عزلو من العمارة بعد كارثه حصلتلهم ، وأسأل الست الوالدة تحكيلك ماهى اقدم واحده هنا فى العمارة .
عمارة ايه ياعم فرج هو فيه حد من سكنها باقى غير احنا وا.جابر الل ف الارضى وقافلها بعد ماعزل راح القاهرة ومابيجيش غير كل صيف.
ونسيت دكتور خالد الل اشترى شقة التالت ، وسابها بعد ماحصل حاجات كده ربنا يجعل كلامنا خفيف عليهم، اسكت ياباش مهندس بلاش السيرة دى .
ماشى هسكت بس روح هات شوية الطلبات دول ،وبعد كده لما انادى عليك ابقى رد مش حتى يوم الإجازة هتنزلنى .
حاضر يا باش مهندس بس رجلى بتوجعنى الايام دى مابقدرش اطلعوالسلم ،ينوبك فيا ثواب استنى خد الطلبات معاك وانت طالع.
ماشى ياراجل ياعجوز هستنى .
وبعد ما بعد عمى فرج بدأت الفكرة تشغلنى اكتر ، واتوجهت بنظرى لباب الاسانسير،ياترى ايه الل وراك وايه مخوف الكل منك ،لا بس دى كلها خرافات مافيش حاجه ،اكيد فيه مشكلة ميكانكيه مش عفاريت وخرافات ،لابد اشوف فيه ايه .
ياااه بابه تقيل اوى ،مابيفتحش ليه ،اكيد من ركنته كل السنين دى .
بتعمل ايه ،مش قولتلك ابعد .
فيه ايه ياعمى فرج ، خضتنى .
ياباشمهندس ، ابعد عن الاسانسير خلينا في امان ،ماتفتحش علينا باب اتقفل.
لكن الأمر بدأ يكبر في دماغى مابفكرش غير فيه ليل نهار .
بدأت اقرا على النت عن الجن والعفاريت رغم ايمانى بأنه مشكلة الاسانسير ميكانيكا بحته بس مايضرش لو استعديت من كل اتجاه ماانا لابد انجح .
بدأت اتواصل مع حد الفيس من الل بيقولو على نفسهم معالجين روحاونين ،وكان اول سؤال ليه احكيلى تاريخ الاسانسير ده ؟
بدأت احكيله الل شوفته بعينى وهى حادثة واحدة بس وبدأت استرجع معاه اليوم ده رغم أن سنى وقتها لم يتجاوز العشر سنين يعنى من اكتر من عشرين سنة واحنا بنلعب في مدخل العمارة بالليل مش متأخر في حدود الساعة تسعة بالليل ،وبنستخبى وواحد مننا استخبى في الاسانسير ، وبسرعة رهيبة الاسانسير رفع وسمعنا صرخة سامى مدوية ، وهبط الاسانسير بسرعة عالية ، السكان خرجو على الصرخة ،الكل جرى على الاسانسير فتحه ، لكن الاسانسير ماكانش بيفتح وبعد محاولات عديدة في وسط نحيب وصريخ اهل العمارة فتح الباب ، فى وسط ذهول رهيب من الجميع وصرخة مدوية من امه رأينا سامى وقد انفصل جسدة عن رأسة بكيفية غريبة ،وبعد هذه الحادثه الغريبة ابتعد الجميع عن الاسانسير وبدأوا في ذكر حادثة تسبقها في الاسانسير لكن مش فاكر منها حاجه ،وبعد كده بحوالي عشر سنين أصر واحد من السكان أنه يصلح الاسانسير ويشغله وفعلا بعد مااشتغل يومين رغم مقاطعة اهل العمارة الصعود فيه لكن الساكن الجديد ما خافش وفي اليوم التالت قال إنه اتقفل عليه وهو نازل الفجر وشاف ست عجوزة بتقرب منه بسكين فضل يصرخ كتير بس ماحدش سمعه والكل شافه وهو طالع يجرى من العمارة وماسك رقبته وخايف وبعدها عزل من العمارة ، وعزل بعد الحادثه دى سكان السادس ، وفضل الكل خايف ومرتقب ليه مش فاهم ، لحد في يوم حوالى الساعة الثانية عشرة منتصف الليل سمعنا صريخ عالى جاى من الاسانسير وطلعنا نجرى لقينا جارتنا ام سليم الل فى الخامس بتصرخ وتعيط وتقول "هو جرى من ايدى على الاسانسير وفتحه وبسرعة رهيبة ارتفع وبنفس السرعة هبط ، ليه ياابنى عملت كده ؟"
واتكرر نفس مشهد قتل سامى .
انتهت الجلسة وقالى هحدد ميعاد ازور فيه المكان ،هبلغك بكره بيه .
فعلا تانى يوم الساعة الواحدة صباحا ، لقيت رسالة منه بيبلغنى أنه هيحضر المكان فى تمام الثالثة صباحا لكن لابد أن ينقطع التيار الكهربى ويكون المكان مظلم لانه مابيظهرش بنور .
قلت اكيد عشان نصاب وماحدش يشوفه ويعرفه ، عموما سهلة انا كمان ساعة هنزل استناه ، واقطع النور على العمارة لمانشوف آخرها .
وفعلا بعد ساعة نزلت نفذت ، التنفيذ كان سهل الكل نايم .
وفى تمام الثالثة لقيت راجل طويل القامة نحيف الجسد يختبئ خلف معطف طويل من الصوف لايظهر من وجهه سوى نصفه .
مر من امامى متجه نحو الاسانسير وبصوت مخيف قالى "تعالى ورايا " ، وعند باب الاسانسير قالى "افتح"
بصيتله بخوف وقلق ، وبصوت مرتجف قلت "بس دا مابيفتحش بالسهولة دى "
وبصوت مخيف امرنى بالفتح .
وفعلاً فتحت ، وانفتح الباب معايا بسهولة رهيبة
